ہمارا ہمیشہ سے موقف ہے مضبوط فوج پاکستان کی ضامن ہے، بیرسٹر گوہر
اشاعت کی تاریخ: 8th, December 2025 GMT
چیئرمین پاکستان تحریک انصاف (پی ٹی آئی) بیرسٹر گوہر نے کہا ہے کہ ہم نے کبھی مذاکرات سے انکار نہیں کیا، ہمارا ہمیشہ سے موقف ہے مضبوط فوج پاکستان کی ضامن ہے۔
مشترکہ پارلیمانی پارٹی اجلاس کے بعد میڈیا سے گفتگو میں بیرسٹر گوہر نے کہا کہ ہم چاہتے ہیں کہ معاملات افہام و تفہیم سے حل ہوں۔
پاکستان تحریک انصاف (پی ٹی آئی) کے سینئر رہنما عامر ڈوگر نے کہا ہے کہ عطا تاڑ ہمیں بھاشن دینے والے ہوتے کون ہیں!ہم بانی پی ٹی آئی کو مائنس نہیں کریں گے۔
انہوں نے کہا کہ پی ٹی آئی نے کبھی مذاکرات سے انکار نہیں کیا، ہم چاہتے ہیں حالات بہتر ہوں۔
چیئرمین پی ٹی آئی نے مزید کہا کہ ہم ہمیشہ بات چیت کے حامی رہے ہیں اسمبلی میں بھی اس پر بات کروں گا۔
اُن کا یہ بھی کہنا تھا کہ ہم ادارے کے کردار کو سراہتے ہیں ہمیشہ سے اس کی تائید کی ہے، پی ٹی آئی کا ہمشیہ سے موقف ہے مضبوط فوج پاکستان کی ضامن ہے۔
.ذریعہ: Jang News
کلیدی لفظ: پی ٹی ا ئی نے کہا
پڑھیں:
بیرسٹر گوہر چیئرمین تسلیم نہ ہوئے، الیکشن کمیشن کے فیصلے سے پی ٹی آئی کو بڑا دھچکا
data-id="863a0a8" data-element_type="widget" data-widget_type="theme-post-content.default">
اسلام آباد: الیکشن کمیشن کی جانب سے بیرسٹر گوہر علی خان کو چیئرمین پی ٹی آئی تسلیم نہ کیے جانے کے بعد تحریک انصاف عملاً غیر مؤثر ہو گئی ہے۔
اس سے قبل رجسٹریشن سے محرومی کے باعث پی ٹی آئی انتخابی عمل سے بھی باہر ہو چکی تھی، جس کے بعد اس کی قانونی و سیاسی حیثیت مزید کمزور ہو گئی ہے۔
قابل اعتماد سیاسی ذرائع کے مطابق سینیٹ میں آزاد حیثیت سے منتخب ارکان نے بھی پی ٹی آئی سے وابستگی ختم کر دی ہے، جس کے نتیجے میں ایوان بالا میں پی ٹی آئی سب سے چھوٹا گروپ بن کر رہ گئی ہے۔ حکومت اگرچہ پی ٹی آئی کو کالعدم قرار دینے پر سنجیدگی سے غور نہیں کر رہی تھی، تاہم الیکشن کمیشن کے فیصلے نے اس سمت راستہ ہموار کر دیا ہے۔
دوسری جانب اڈیالہ جیل کے اطراف سکیورٹی غیر معمولی طور پر سخت کر دی گئی ہے۔ پیر سے بڑی تعداد میں پولیس اہلکار تعینات کر دیے گئے ہیں جبکہ ضرورت پڑنے پر رینجرز کے دستے بھی طلب کیے جا سکتے ہیں، تاہم اہلکاروں کی تعداد ظاہر نہیں کی گئی۔
ذرائع کے مطابق جیل کے گرد تین سطحی سکیورٹی نظام نافذ کر دیا گیا ہے اور صرف منظور شدہ افراد کو آگے جانے کی اجازت ہوگی۔ جیل حکام کا کہنا ہے کہ تحریک انصاف کے بانی کو دی گئی سہولتیں برقرار ہیں، تاہم لاہور سے نجی ڈاکٹروں کو بلانے کی درخواست منظور ہونے کا امکان نہیں، علاج صرف جیل یا سرکاری طور پر نامزد ڈاکٹروں سے ہی ممکن ہوگا۔
فیلڈ مارشل عاصم منیر سے ترکیہ کے وزیر الپرسلان کی ملاقات، باہمی دلچسپی امور پر گفتگو