نیشنل گیمز: 9 سالہ کائنات امتیاز کو ریس سے رو ک دیا گیا، ایتھلیٹ رو پڑیں
اشاعت کی تاریخ: 11th, December 2025 GMT
کرچی (نیوزڈیسک)نیشنل گیمز کی 10 ہزار میٹر ریس میں کانسی کا تمغہ جیت کر سب کی نگاہوں کا مرکز بننے والی 9 برس کی کائنات امتیاز کو جمعرات کو ریس کے منتظمین نے 5 ہزار میٹر ریس میں شرکت سے رو ک دیا، جس پر کائنات مایوسی کے عالم میں رو پڑیں۔
نیشنل گیمز میں چند دن پہلے 9 برس کی کائنات امتیاز نے 10 ہزار میٹر ریس میں حصہ لیا تھا اور اپنے صوبے سندھ کے لیے برانز کی صورت میں پہلا میڈل جیتا تھا۔
نیشنل گیمز میں جمعرا ت کو طویل فاصلے کی ایک اور 5 ہز ار میٹر ریس شیڈولڈ تھی لیکن منتظمین نے کائنات کو 5 ہزار میٹر کی دوڑ میں شرکت سے روک دیا۔
منتظمین کے مطابق ورلڈ ایتھلیٹکس فیڈریشن کے قوانین کے تحت کائنات کم عمر ہونے کے سبب زطویل فاصلے کی دوڑ میں شرکت نہیں کر سکتیں۔
اس موقع پر کائنات حسرت سے 5 ہزار میٹر کی دوڑ شروع ہوتے ہوئے دیکھتی رہیں اورآخرکار اپنے کوچ سے لپٹ کر رو پڑیں۔
کائنات کے کوچ کا کہنا ہے کہ نیشنل گیمز میں کئی دیگر مقابلوں میں انڈر ایج ایتھلیٹس شریک ہیں لیکن اُن کو کوئی کھیلنے سے نہیں روک رہا ہے۔
.
ذریعہ
ذریعہ: Daily Mumtaz
کلیدی لفظ: نیشنل گیمز ہزار میٹر میٹر ریس
پڑھیں:
سونے کی قیمت میں نمایاں کمی
عالمی اور مقامی مارکیٹس میں سونے کی قیمت میں نمایاں کمی دیکھی گئی۔آل پاکستان صرافہ جیمز اینڈ جیولرز ایسوسی ایشن کے مطابق فی تولہ سونا ایک ہزار 800 روپے سستا ہوگیا، جس کے بعد سونے کی نئی قیمت 4 لاکھ 35 ہزار 636 روپے ہوگئی، اسی طرح 10 گرام سونے کی قیمت میں ایک ہزار 543 روپے کی کمی ہوئی، جس کے بعد نئی قیمت 3 لاکھ 73 ہزار 487 روپے مقرر کی گئی ہے۔دوسری جانب عالمی مارکیٹ میں بھی سونے کی قیمت میں کمی کا رجحان دیکھا گیا، جہاں فی اونس سونا 18 ڈالر سستا ہونے کے بعد 4 ہزار 96 ڈالر پر آگیا۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار