35 ویں نیشنل گیمز: پاک آرمی کی گولڈ میڈلز کی سنچری مکمل
اشاعت کی تاریخ: 10th, December 2025 GMT
کراچی (نیوزڈیسک) پاکستان آرمی نے 35 ویں نیشنل گیمز میں گولڈ میڈلز کی سنچری مکمل کر لی، 113 گولڈ میڈلز کے ساتھ میڈل ٹیبل پر برتری مزید مستحکم کر لی۔
واپڈا 46 گولڈ میڈلز کے ساتھ دوسرے اور نیوی 24 گولڈ میڈلز کے ساتھ تیسرے نمبر پر ہے۔
پاکستان اولمپک ایسوسی ایشن کی جانب سے جاری کردہ میڈل ٹیبل کے مطابق پاکستان آرمی کا دستہ 113 گولڈ، 50 سلور اور 34 برانز میڈلز کے ساتھ سرِ فہرست ہے۔
واپڈا کے کھلاڑی 46 گولڈ، 43 سلور اور 34 برانز میڈلز کے ساتھ دوسرے، نیوی کے کھلاڑی 24 گولڈ،21 سلور اور 20 برانز میڈلز کے ساتھ تیسرے نمبر پر ہیں۔
پنجاب کی ٹیم 7 گولڈ، 23 سلور اور 32 برانز میڈلز کے ساتھ چوتھے، ایچ ای سی 6 گولڈ، 29 سلور اور 37 برانز میڈلز کے ساتھ پانچویں، سندھ 6 گولڈ، 15 سلور اور 38 گولڈ میڈلز کے ساتھ چھٹی اور پاکستان ایئر فورس 6 گولڈ، 11 سلور اور 14 برانز میڈلز کے ساتھ ساتویں پوزیشن پر تھے۔
خیبر پختون خوا نے 4 گولڈ، 8 سلور اور 30 برانز، بلوچستان نے 2 گولڈ، 6 سلور اور 11 برانز، اسلام آباد نے 1 گولڈ، 3 سلور اور 4 برانز، ریلوے نے 2 گولڈ، 5 سلور اور 17 برانز، پولیس نے 17 برانز، گلگت بلتستان نے 3 برانز اور آزاد جموں کشمیر نے 1 برانز میڈ ل حاصل کیا ہے۔
ادھر بیڈ منٹن کے مینز سنگلز مقابلوں کے کوارٹر فائنلز میں واپڈا کے عرفان سعید، کے پی کے مراد علی، پنجاب کے رضا علی عادل اور واپڈا کے علی لاروش، ویمنز سنگلز میں واپڈا کی غزالہ شفیق، آرمی کی الجا طارق، واپڈا کی ماہور شہزاد اور آرمی کی عمارہ اشتیاق نے فتح سمیٹ کر سیمی فائنلز میں جگہ بنا لی۔
دریں اثناء سیکریٹری کھیل سندھ منور علی مہیسر نے 35 ویں نیشنل گیمز کے سلسلے میں کار ساز پر جاری ایتھلیٹکس ایونٹ اور شوٹنگ، آرچری، والی بال، فنسگ، بیس بال گیمز کا دورہ کیا۔
دورے کے موقع پر ایڈیشنل سیکریٹری کھیل اسد اسحاق، چیف انجینئر اسلم مہر، ڈی ایس او اسماعیل شاہ اور سیکشن افسر علی ڈنو گوپانگ بھی ان کے ہمراہ تھے۔
سیکریٹری کھیل نے مختلف کیٹیگریز میں نمایاں کارکردگی دکھانے والے کھلاڑیوں میں انعامات تقسیم کیے اور ان کی کارکردگی کو سراہا۔
انہوں نے کہا کہ کھیلوں کے فروغ اور کھلاڑیوں کی حوصلہ افزائی کے لیے سندھ حکومت ہر ممکن اقدامات جاری رکھے گی۔
.ذریعہ: Daily Mumtaz
پڑھیں:
ارشد ندیم نے نیشنل گیمز کے جیولن تھرو مقابلے میں گولڈ میڈل جیت لیا
واپڈا کے اسٹار جیولن تھروئر اور پاکستان کے اولمپک گولڈ میڈلسٹ ارشد ندیم نے نیشنل گیمز میں شاندار کارکردگی دکھاتے ہوئے 81.81 میٹر کی شاندار تھرو کرکے گولڈ میڈل اپنے نام کرلیا۔
نیشنل گیمز میں جاری مقابلے میں واپڈا ہی کے یاسر سلطان نے 70.7 میٹر کے تھرو کے ساتھ سلور میڈل حاصل کیا جبکہ آرمی کے ابرار علی نے 67.68 میٹر کا تھرو پھینک کر برانز میڈل اپنے نام کیا۔
مزید پڑھیں: نیشنل گیمز سے پاکستان کے لیے نیا ٹیلنٹ سامنے آئے گا، ارشد ندیم
ارشد ندیم کی شاندار تھرو نے ایونٹ میں ان کی بھرپور برتری ثابت کی اور قومی و بین الاقوامی مقابلوں میں ان کے متاثرکن ریکارڈ کا تسلسل برقرار رکھا۔
مقابلوں سے قبل میڈیا سے گفتگو میں ارشد ندیم نے کہا تھا کہ وہ مکمل فِٹ ہیں اور ان کی توجہ ڈائمنڈ لیگ، کامن ویلتھ گیمز اور ایشین گیمز پر مرکوز ہے۔ انہوں نے کہا کہ نیشنل گیمز ملک کے لیے نئے ٹیلنٹ کو سامنے لانے میں اہم کردار ادا کریں گے۔
ارشد ندیم کا کہنا تھا کہ ملک میں کھیلوں کا ماحول بہتر ہوا ہے اور انہیں یقین ہے کہ اس سال ایتھلیٹکس کے ہر ایونٹ میں مضبوط ٹیلنٹ سامنے آئے گا۔ جیولن اسٹار نے مزید کہا کہ اب بڑی تعداد میں کھلاڑی نیشنل گیمز میں حصہ لے رہے ہیں، جو مثبت تبدیلی کا نشان ہے۔
مزید پڑھیں: پاکستان کا ایک اور اعزاز، ارشد ندیم نے اسلامک سولیڈریٹی گیمز میں گولڈ میڈل جیت لیا
انہوں نے بتایا کہ نیشنل گیمز میں بہترین کارکردگی دکھانے والے کھلاڑیوں کو قومی کیمپ میں شامل کیا جائے گا، جبکہ آئندہ سال پاکستان میں شیڈول متعدد مقابلے نوجوان ایتھلیٹس کو اپنی صلاحیتیں اجاگر کرنے کے مزید مواقع فراہم کریں گے۔
ارشد ندیم نے نیشنل گیمز کا باضابطہ افتتاح بھی کیا اور جیولن تھرو کرتے ہوئے پاکستانی پرچم تھام کر میدان میں داخل ہوئے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
پاسپورٹ کیلئے فنگر پرنٹس کی تصدیق کا نیا نظام متعارف