نیشنل گیمز، کے پی کے نے اب تک 47میڈلز جیت لیے
اشاعت کی تاریخ: 11th, December 2025 GMT
data-id="863a0a8" data-element_type="widget" data-widget_type="theme-post-content.default">
کراچی(اسپورٹس ڈیسک ) 35 ویں نیشنل گیمز میں خیبر پختونخوا نے اب تک مجموعی طور پر 47 میڈلز جیت لیے جن میں 5 گولڈ، 8 سلور اور 34 براؤنز شامل ہیں گزشتہ روز ٹیبل ٹینس مردوں کے ڈبلز ایونٹ میں فہد خواجہ اور عثمان خلیل جبکہ کراٹے میں مراد خان کے گولڈ میڈل نے صوبے کی طلائی تمغوں کی تعداد پانچ تک پہنچا دی۔بیڈمنٹن اور اسکواش کے انفرادی مقابلوں میں خیبر پختونخوا نے فائنل میں جگہ بنالیا جبکہ خواتین کی ہینڈ بال ٹیم سیمی فائنل تک رسائی حاصل کرنے میں کامیاب رہی۔مقابلوں کے تفصیلات کے مطابق کراٹے مقابلوں میں 55 کلوگرام کیٹگری میں مراد خان نے گولڈ، جبکہ 45 کلوگرام میں آریبہ ، 50 کلوگرام میں ملیحہ، 75 کلوگرام میں عبداللہ اور 50 کلوگرام میں سلمان نے براونز میڈل اپنے نام کیے۔ اسی طرح فینسنگ ایونٹ میں بریال خان نے سلور اور برانز، جبکہ اقراش زمان اور اویس خان نے براونز میڈلز جیتے، ریسلنگ کے 70 کلوگرام مقابلے میں سہیل خان نے براونز میڈل حاصل کیا، جبکہ خواتین کی اسکواش ٹیم ایونٹ میں بھی خیبر پختونخوا نے براونز میڈل اپنے نام کیا۔
ذریعہ: Jasarat News
کلیدی لفظ: نے براونز میڈل کلوگرام میں
پڑھیں:
35 ویں نیشنل گیمز: پاک آرمی کی گولڈ میڈلز کی سنچری مکمل
کراچی (نیوزڈیسک) پاکستان آرمی نے 35 ویں نیشنل گیمز میں گولڈ میڈلز کی سنچری مکمل کر لی، 113 گولڈ میڈلز کے ساتھ میڈل ٹیبل پر برتری مزید مستحکم کر لی۔
واپڈا 46 گولڈ میڈلز کے ساتھ دوسرے اور نیوی 24 گولڈ میڈلز کے ساتھ تیسرے نمبر پر ہے۔
پاکستان اولمپک ایسوسی ایشن کی جانب سے جاری کردہ میڈل ٹیبل کے مطابق پاکستان آرمی کا دستہ 113 گولڈ، 50 سلور اور 34 برانز میڈلز کے ساتھ سرِ فہرست ہے۔
واپڈا کے کھلاڑی 46 گولڈ، 43 سلور اور 34 برانز میڈلز کے ساتھ دوسرے، نیوی کے کھلاڑی 24 گولڈ،21 سلور اور 20 برانز میڈلز کے ساتھ تیسرے نمبر پر ہیں۔
پنجاب کی ٹیم 7 گولڈ، 23 سلور اور 32 برانز میڈلز کے ساتھ چوتھے، ایچ ای سی 6 گولڈ، 29 سلور اور 37 برانز میڈلز کے ساتھ پانچویں، سندھ 6 گولڈ، 15 سلور اور 38 گولڈ میڈلز کے ساتھ چھٹی اور پاکستان ایئر فورس 6 گولڈ، 11 سلور اور 14 برانز میڈلز کے ساتھ ساتویں پوزیشن پر تھے۔
خیبر پختون خوا نے 4 گولڈ، 8 سلور اور 30 برانز، بلوچستان نے 2 گولڈ، 6 سلور اور 11 برانز، اسلام آباد نے 1 گولڈ، 3 سلور اور 4 برانز، ریلوے نے 2 گولڈ، 5 سلور اور 17 برانز، پولیس نے 17 برانز، گلگت بلتستان نے 3 برانز اور آزاد جموں کشمیر نے 1 برانز میڈ ل حاصل کیا ہے۔
ادھر بیڈ منٹن کے مینز سنگلز مقابلوں کے کوارٹر فائنلز میں واپڈا کے عرفان سعید، کے پی کے مراد علی، پنجاب کے رضا علی عادل اور واپڈا کے علی لاروش، ویمنز سنگلز میں واپڈا کی غزالہ شفیق، آرمی کی الجا طارق، واپڈا کی ماہور شہزاد اور آرمی کی عمارہ اشتیاق نے فتح سمیٹ کر سیمی فائنلز میں جگہ بنا لی۔
دریں اثناء سیکریٹری کھیل سندھ منور علی مہیسر نے 35 ویں نیشنل گیمز کے سلسلے میں کار ساز پر جاری ایتھلیٹکس ایونٹ اور شوٹنگ، آرچری، والی بال، فنسگ، بیس بال گیمز کا دورہ کیا۔
دورے کے موقع پر ایڈیشنل سیکریٹری کھیل اسد اسحاق، چیف انجینئر اسلم مہر، ڈی ایس او اسماعیل شاہ اور سیکشن افسر علی ڈنو گوپانگ بھی ان کے ہمراہ تھے۔
سیکریٹری کھیل نے مختلف کیٹیگریز میں نمایاں کارکردگی دکھانے والے کھلاڑیوں میں انعامات تقسیم کیے اور ان کی کارکردگی کو سراہا۔
انہوں نے کہا کہ کھیلوں کے فروغ اور کھلاڑیوں کی حوصلہ افزائی کے لیے سندھ حکومت ہر ممکن اقدامات جاری رکھے گی۔
پی ٹی آئی ورکرز کے حقوق پر ایک اور ڈاکا منظور نہیں: اکبر ایس بابر