اہل کراچی کے مسائل حل نہ کیے تو شہر خاموش نہیں رہے گا، منعم ظفر کا19دسمبر کوشہر بھر میں دھرنوں کا اعلان
اشاعت کی تاریخ: 14th, December 2025 GMT
data-id="863a0a8" data-element_type="widget" data-widget_type="theme-post-content.default">
251214-8-10
کراچی(نمائندہ جسارت)امیر جماعت اسلامی کراچی منعم ظفر خان نے شہر میں خونی ٹینکرز و ڈمپر اور ہیوی ٹریفک کے باعث شہریوں کی بڑھتی اموات، ای چالان کے نام پر عوام کی جیبوں پر ڈاکے، حکومتی بے حسی، تباہ حال انفرااسٹرکچر، شہریوں کے حقوق کی پامالی کے خلاف نمائش چورنگی پر دھرنے کے شرکا سے اختتامی خطاب کرتے ہوئے کہا ہے کہ حکمرانوں کو متنبہ کرتے ہیں کہ اگر اہل کراچی کے مسائل حل نہ کیے تو شہر خاموش نہیں رہے گا۔ حکمران نوشتہ دیوار پڑھ لیں، شہری گھروں سے نکلیں گے اور اپنے مسائل حل کرائیں گے۔ ہم گلی گلی جائیں گے اور عوام کو اکٹھا کریں گے اور ظالمانہ نظام کے خلاف جمعہ19دسمبر کو شارع فیصل، شاہراہ اورنگی، شاہراہِ کورنگی سمیت تمام بڑی شاہراہوں اور اہم پبلک مقامات پر دھرنے دیے جائیں گے۔ ای چالان کے نام پر بھتا فوری بند کیا جائے اور بھاری جرمانے ختم کیے جائیں، ہیوی ٹریفک کو اوقات کار کا پابند اور متبادل راستوں پر چلنے پر مجبور کیا جائے،نادرن بائی پاس کو متبادل کے طور پر استعمال کیوں نہیں کیا جاتا۔ جماعت اسلامی پہلے بھی میدان عمل میں موجود اور ظلم کے خلاف آواز بلند کررہی تھی اور آئندہ بھی بھرپور مزاحمت و جدو جہد جاری رکھے گی۔ ڈی آئی جی اور آئی جی کہتے ہیں کہ شاہراہ فیصل پر سی سی ٹی وی کیمرے لگ گئے ہیں اب چالان ہوں گے۔ آئی جی اور ڈی آئی جی سن لیں کہ کراچی کے لوگوں سے بھاری چالان کے نام پر بھتا خوری نہیں چلنے دی جائے گی، کراچی پاکستان کا معاشی حب ہے اسے ٹینکروں کے رحم و کرم پر چھوڑ دیا گیا ہے۔ کراچی کے عوام کو ٹینکروں کے ذریعے نہیں بلکہ نلکوں کے ذریعے پانی دیا جائے۔ کراچی پاکستان کو سب سے زیادہ ریوینیو دیتا ہے۔ سندھ حکومت کراچی کو ریلیف دینے کے بجائے ای چالان کے نام پر لوٹ رہے ہیں۔ وزیر اعظم کراچی آتے ہیں اور چلے جاتے ہیں لیکن شہر کے مسائل سے کوئی دلچسپی ہی نہیں۔ تمام پارٹیاں کراچی جو سونے کی چڑیا سمجھ کر لوٹ رہی ہیں۔ انہوں نے کہا کہ کراچی کے عوام کی تمناؤں کا خون کیا جارہا ہے۔ پیپلز پارٹی بد انتظامی، کرپشن اور نااہلی کا نام ہے۔ پیپلز پارٹی کو نہ صرف سندھ پر بلکہ پورے پاکستان پر مسلط کردیا ہے۔ جن لوگوں نے پیپلز پارٹی کو مسلط کیا ہے وہ دیکھ لیں پیپلز پارٹی کراچی میں کیا کررہی ہے۔ شہر میں روانہ شہری اپنے پیاروں کی لاشیں اٹھا رہے ہیں۔ بچے، بوڑھے جوان خواتین بچیوں کو ٹینکروں و ٹرالوں کے نیچے روندا جارہا ہے۔ گزشتہ سال ہیوی ٹریفک سے 7 سو سے زائدواقعات ہوئے اور 246 افراد جاں بحق ہوئے، انہوں نے کہا کہ 12 ارب سے زائدرقم کو حب کینال کو پانی میں بہا دیا گیا لیکن شہریوں کو پانی فراہم نہیں کیا۔ شہر کے بڑے حصے میں آج بھی پانی میسر نہیں ہے۔ جماعت اسلامی کے سٹی ناظم نعمت اللہ نے کے تھری منصوبہ مکمل کیا تھا۔ کے فور منصوبہ بھی نعمت اللہ خان نے پیش کیا تھا جو آج تک مکمل نہیں کیا جاسکا۔ 20 سال گزر گئے لیکن شہر کے لوگوں کے کیے ایک قطرہ پانی کا اضافہ نہیں کہا گیا۔ احتجاج دھرنے سے امیر ضلع ائر پورٹ محمد اشرف، امیر ضلع کورنگی فرحان بیگ، امیر ضلع کیماڑی مولانا فضل احد حنیف، امیر ضلع شرقی نعیم اختر، امیر ضلع غربی مولانا مدثر حسین انصاری، امیر ضلع گڈاپ عرفان احمد،امیر ضلع وسطی سید وجیہ حسن ودیگر نے بھی خطاب کیا۔
ذریعہ: Jasarat News
کلیدی لفظ: پیپلز پارٹی کے نام پر کراچی کے
پڑھیں:
رنویر پر جنسی حملے کی کوشش: دھرندھر کا وہ سین جس پر سب خاموش
بولی وُڈ کی نئی فلم ‘دھُرندھر ‘ کے ایکشن، سیاسی کھیل اور جاسوسی کی کہانی پر تو سب ہی بات کر رہے ہیں، مگر اس فلم کا سب سے خوفناک اور سنسنی خیز منظر وہ ہے جس پر سب سے کم بات ہو رہی ہے۔ یہ سین مردانگی اور کہانی کے اصل مقصد کا مرکز ہے۔ ہم بات کر رہے رنویر سنگھ کے نبھائے گئے کردارحمزہ علی مزاری پر جنسی حملے کی کوشش کی۔
یہ منظر پریشان کن اور ذہنی طور پر ہلا دینے والا ہے۔ یہ محض ایکشن سین نہیں، بلکہ ایک طاقت کے مظاہرے کو دکھاتا ہے۔
فلم میں کراچی کا علاقہ لیاری دکھایا گیا ہے، جہاں کہانی میں گینگ وار، سیاسی چالیں اور خونی کھیل عام نظر آیا۔ لیکن فلم اچانک ایک لمحے کے لیے سست ہو جاتی ہے تاکہ ایک نوجوان کا تعارف کرایا جاسکے۔ حمزہ نامی ایک بھارتی جاسوس جو بلوچ نوجوان کے طور پر ظاہر ہوتا ہے، لیاری کے اندھیرے پہلو کو سمجھنے کی کوشش کر رہا ہے: ایک ایسی دنیا جہاں تسلط طاقت ہے اور ذلت ہتھیار۔
فلم میں لیاری کو محض ایک پرانے محلے کے بجائے طاقت کا مرکز دکھایا گیا ہے، جیسا کہ راکیش بیدی کا کردار جمیل جمالی کہتا ہے ”لیاری پر حکمرانی کرو گے تو کراچی پر حکمرانی کروگے، کراچی پر حکمرانی کا مطلب ملک کی حکمرانی“۔
حمزہ کا مشن ہے کہ وہ رحمان ڈکیت کے گینگ میں گھسے، اس کا اعتماد جیتے اور اتنا قریب پہنچے کہ شہر کے حالات پر اثر ڈال سکے۔
لیکن جیسے ہی وہ بھول بھلیاں میں قدم رکھتا ہے، بھول بھلیاں اس کے اندر داخل ہو جاتی ہے۔
یہاں ایک ضروری انتباہ: آگے ایک حساس منظر کی بات ہو رہی ہے جو کچھ ناظرین کے لیے اسپوائلر ہو سکتا ہے۔ اگر آپ نے فلم نہیں دیکھی تو آگے بڑھنے سے پہلے آگاہ رہیں۔
فلم کے آغاز میں جب حریف گینگ کے افراد حمزہ کو دیکھتے ہیں، تو ایک رسم شروع ہوتی ہے: تضحیک دھمکی میں بدل جاتی ہے، دھمکی تشدد میں اور تشدد جنسی حملے میں۔
ایک شخص حمزہ کو زمین پر گرا دیتا ہے اور اس کے ساتھ زبردستی جنسی زیادتی کی کوشش کرتا ہے۔ یہ اقدام ذاتی شوق کے لیے نہیں، بلکہ طاقت دکھانے کے لیے تھا۔ یہ سین طاقت کی زبان میں ادا کیے گئے جملے کی مانند ہے، جو ظاہر کرتا ہے کہ کون مالک ہے اور یہاں بچے رہنے کے لیے تمہاری اوقات کیا ہے۔
حمزہ کو تو پولیس کی اچانک آمد بچا لیتی ہے، مگر نفسیاتی نقصان ہو چکا ہوتا ہے۔ بڑی جسامت والا مشن پر مرکوز اور بے خوف ہیرو اپنی جسمانی طاقت کسی رقص یا لڑائی کے بجائے ایک نازک انداز میں کھو دیتا ہے۔
لیکن اہم بات یہ ہے کہ یہ منظر محض خوف پیدا کرنے کے لیے نہیں عکس بند کیا گیا، بلکہ اس واقعے نے حمزہ کو مزید مضبوط بنا کر ابھارا۔
بھارتی سینما میں شاذ و نادر ہی یہ دکھایا جاتا ہے کہ مرد کردار بغیر کسی ڈرامے یا مزاح کے جنسی ہراسانی کا شکار ہوں۔ ڈایریکٹر آدتیہ دھر نے اس روایت کو توڑا ہے اور حمزہ کے تجربے کو صدمے کے بجائے سنجیدگی اور ایک مقصد کے ساتھ پیش کیا ہے۔
اس منظر میں تین ناقابل برداشت سچائیاں دنیا کو دکھائی گئی ہیں: جنسی تشدد صرف خواتین تک محدود نہیں، طاقت جسم کو میدانِ جنگ کے طور پر استعمال کرتی ہے چاہے وہ جسم کسی کا بھی ہو، اور ہیرو کی کمزوری بھی کہانی کو آگے بڑھا سکتی ہے۔
اس واقعے کے بعد رنویر سنگھ کی خاموشی فلم کی سب سے طاقتور اداکاری ہے۔ کوئی شور، جذبات کا بھڑکاؤ یا دکھ کا اعلان نہیں، حمزہ زیادہ محفوظ اور جذباتی طور پر مضبوط ہو جاتا ہے۔
دھرندھر میں یہ چھوٹا سا منظر فلم کو زیادہ خوفناک اور ناقابلِ فراموش بنا دیتا ہے۔ جو مار کٹائی، خون، بربریت اور تشدد ہم پردے پر دیکھتے ہیں وہ الگ ہے، مگر وہ تشدد جو ہم واضح طور پر نہیں دیکھتے، وہ زیادہ دیرپا اور ہولناک اثر چھوڑتا ہے۔
یہ منظر اس بات کی یاد دہانی ہے کہ حقیقی طاقت وہ ہے جو دماغ کو قابو میں کرلے، اور رنویر سنگھ کے کردار حمزہ کے ذریعے یہ پیغام خوفناک انداز میں پہنچایا گیا ہے۔
پی ٹی آئی ورکرز کے حقوق پر ایک اور ڈاکا منظور نہیں: اکبر ایس بابر