کراچی کی ترقی کے لیے پبلک پرائیویٹ پارٹنرشپ کو فروغ دینا ہوگا، بلاول بھٹو
اشاعت کی تاریخ: 11th, January 2025 GMT
کراچی: چیئرمین پیپلز پارٹی بلاول بھٹو زرداری نے کہا ہے کہ کراچی کی ترقی کے لیے ان کے خاندان نے تین نسلوں سے خدمات انجام دی ہیں اور شہر کے مسائل کے حل کے لیے پبلک پرائیویٹ پارٹنرشپ کا ماڈل اپنایا جا رہا ہے۔ وہ کراچی میں شاہراہ بھٹو کی افتتاحی تقریب سے خطاب کر رہے تھے۔
بلاول بھٹو نے کہا کہ سندھ حکومت نے شاہراہ بھٹو کا افتتاح کر دیا ہے، جو نہ صرف کراچی بلکہ پورے صوبے کو ترقی کی راہ پر گامزن کرے گا۔ انہوں نے کہا کہ شہید ذوالفقار علی بھٹو اور محترمہ بینظیر بھٹو نے اپنے دور حکومت میں کراچی کے عوام کو روزگار فراہم کرنے اور شہر کی صنعتی ترقی کے لیے انقلابی اقدامات کیے۔
انہوں نے کہا کہ سابق میئر مصطفیٰ کمال سے بھی پوچھا جا سکتا ہے کہ کراچی کے لیے سب سے زیادہ فنڈز آصف علی زرداری نے فراہم کیے۔ انہوں نے مزید کہا کہ پبلک پرائیویٹ پارٹنرشپ کے تحت سندھ حکومت نے کئی کامیاب منصوبے مکمل کیے ہیں اور یہ ماڈل عالمی سطح پر تسلیم کیا گیا ہے۔
بلاول بھٹو نے وفاق پر تنقید کرتے ہوئے کہا کہ سندھ کے ساتھ ہمیشہ سے غیر منصفانہ رویہ رکھا گیا ہے، جس کی وجہ سے وسائل کی کمی کا سامنا ہے۔ انہوں نے کہا کہ اگر وسائل مناسب طریقے سے فراہم کیے جائیں تو عوام کو زیادہ سے زیادہ سہولتیں دی جا سکتی ہیں۔
انہوں نے وزیراعلیٰ سندھ مراد علی شاہ پر زور دیا کہ وہ کراچی کے تاجروں کو اعتماد میں لیں اور انہیں کاروباری مواقع فراہم کریں تاکہ شہر کی معیشت مزید مستحکم ہو۔
مزید کہا: "کراچی میں پانی کی کمی ایک بڑا مسئلہ ہے، جس پر فوری طور پر توجہ دینے کی ضرورت ہے۔ ہمارا عزم ہے کہ شہر کے تمام مسائل کو حل کرنے کے لیے پبلک پرائیویٹ پارٹنرشپ کو مزید مضبوط کیا جائے۔”
.ذریعہ: Nai Baat
کلیدی لفظ: بلاول بھٹو نے کہا کہ انہوں نے کے لیے
پڑھیں:
بلاول بھٹو زرداری کا اپنی سالگرہ سیلاب زدگان کے نام کرنے کا فیصلہ
ویب ڈیسک : پاکستان پیپلزپارٹی کے چیئرمین بلاول بھٹو زرداری نے پارٹی رہنماؤں کو روایتی سالگرہ کی بجائے سیلاب زدگان کے لیے وقف کرنے کی ہدایت دے دی
پارٹی کے کارکن اور جیالے 21 ستمبر 2025 کو چیئرمین بلاول بھٹو زرداری کی سالگرہ کے موقع پر روایتی انداز میں کسی قسم کی کیک کاٹنے یا جشن منانے کی تقریب منعقد نہیں کریں گے بلکہ بلاول بھٹو زرداری کی سالگرہ کے دن کو خدمتِ خلق اور سیلاب متاثرین کی مدد کے لیے وقف کیا جائے گا،
ایشیا کپ ٹی ٹوینٹی ٹورنامنٹ؛ پاکستان متحدہ عرب امارات میچ کا ٹاس ہو گیا
پاکستان پیپلزپارٹی نے فیصلہ کیا ہے کہ 21 ستمبر 2025 کو خوشی منانے کا حقیقی انداز عوام کے درمیان اپنایا جائے گا۔ پارٹی کے عہدیداران اور کارکنان ملک بھر میں اپنی مدد آپ کے تحت عطیات جمع کریں گے جس سے براہِ راست سیلاب متاثرین کی مدد کی جائے گی اور سیلاب زدگان کے درمیان میں خوشیوں کے پل بانٹے جائیں گے
اسرائیل نے غزہ سٹی میں بھی زمینی فوج اُتار دی