ہاری رہنما شہیدمحمد فاضل راہو کی برسی 17 جنوری کو منائی جائیگی
اشاعت کی تاریخ: 13th, January 2025 GMT
بدین(نمائندہ جسارت )سندھ کے نامور ہاری رہنما شہید محمد فاضل راہو کی 17 جنوری پر 38 ویں برسی کے سلسلے میں بدین میں راہو ہائوس پر سابقہ صوبائی وزیر محمد اسماعیل راہو کی صدارت میں اجلاس منعقد ہوا جس میں شہید فاضل راہو کے ساتھیوں کے علاوہ پی پی کے اراکین سندھ اسمبلی میونسپل کمیٹی بدین کے وائس چیئرمین اور پارٹی کے ضلعی جنرل سیکرٹری ڈاکٹر سجاد چانڈیو سمیت عہدیداران سمیت شہریوں کی بڑی تعداد نے شرکت کی۔ اس موقع پر محمد اسماعیل راہو نے خطاب کرتے ہوئے کہا کے شہید فاضل راہو سندھ کے عوام کا محبوب لیڈر اور سندھ کا مخلص لیڈر تھا انہوںنے اپنی پوری زندگی غریب اور ہاریوں مزدوروں نوجوانوں عورتوں سمیت ہر مظلوم کی آ واز تھا فاضل راہو نے سندھ کی زمینوں کی نیلامی اور ملک کے طاقتور شخصیات کو تحفے میں الاٹ کرنے کے خلاف جدو جہد کی اور زمینوں کا نیلام اور ملک کے مقتدر لوگوں کو الاٹ کرانے کا عمل بند کراکے مقامی ہاریوں کو ان زمینوں کے مالکانہ حقوق دلائے اور اس کے علاوہ ووٹر لسٹیں سندھی میں چھاپنے اور ایم آ ر ڈی کی جمہوریت کی بحالی کی تحریک کو کامیاب کرانے میں بھی بھرپور کردار ادا کیا اور اپنے پورے خاندان سمیت جیلوں کی صعوبتیں برداشت کیں۔ انہوں نے کہا کے فاضل راہو کو ملک کے جاگیردار طبقہ اور فوجی آ مریت نے ایک سازش کے تحت شہید کرایا۔ رکن صوبائی اسمبلی حاجی تاج محمد ملاح امہ حبیبہ تنزیلا قنبرانی ودیگر نے خطاب کرتے ہوئے کہا کے شہید فاضل اس وقت ہمارے درمیان نہیں ہیں لیکن ان کا نظریہ اور ان کی جدوجہد ان کی اصولی سیاست ہمارے ساتھ ہے اور وہ آ ئند ہ نسل کے لیے مشعل راہ ہے اور ہر سال کی طرح اسی سال 17 جنوری کو راہوکی میں ان کی برسی بھرپور طریقے سے منائی جائیگی اور ان کو خراج تحسین پیش کیا جائے گا۔
.ذریعہ: Jasarat News
پڑھیں:
عمران خان نے جیل میں چوتھی عید منائی، اس مرتبہ بھی نماز عید ادا نہ کرسکے
راولپنڈی (نیوز ڈیسک)عمران خان نےجیل میں چوتھی عید منائی ،اس مرتبہ بھی وہ نماز عید ادانہ کرسکے ، جیل ذرائع کے مطابق سینٹرل جیل راولپنڈی کی مرکزی جامع مسجدمیں عیدالاضحٰی کی نماز صبح 8بجے جبکہ جیل کالونی کی مسجدمیں نمازعیدساڑھے سات بجے ادا کی گئی ،اڈیالہ جیل کی امام بارگاہ میں نمازعیدکااہتمام کیاگیاتھا،جیل ذرائع کاکہناہے بانی پی ٹی آئی نے نمازعیدادانہ کی ،سیکورٹی وجوہات کی بناپر اہم قیدیوں یا سنگین جرائم میں ملوث اسیروں کو نمازعیدکے لئے ان کی سیلوں سے باہرنہیں نکالاجاتا،جیل حکام کاکہناہے کہ بانی پی ٹی آئی عام طور پر دس ساڑھے دس بجے سے پہلے بیدارنہیں ہوتے ،اور عید کے روزبھی وہ حسب معمول بیدارہوئے ،بانی پی ٹی آئی اور بشریٰ بی بی کے لئے عیدکے کپڑے جمعرات کو سینٹرل جیل پہنچادئیے گئے تھے جوانہوں نے عیدقربان کے روززیب تن کئے ،عیدکی تعطیلات کے دوران عمران خان اور ان کی اہلیہ سے ملاقات کے لئے کوئی رشتہ دار یاراہنما جیل نہیں آیا۔
Post Views: 2
انسانیت کے دشمن دہشتگردوں کے مذموم عزائم خاک میں ملا دیں گے، وزیراعظم