190 ملین پاؤنڈ کیس:فیصلہ تیسری بار موخر
اشاعت کی تاریخ: 13th, January 2025 GMT
190 ملین پاؤنڈ کیس جس کا فیصلہ آج پاکستان تحریک انصاف کے بانی چیئرمین عمران خان اور ان کی اہلیہ بشریٰ بی بی کے خلاف سنایا جانے والا تھا تیسری بار مؤخر کردیا گیا ہے، فیصلہ اب 17 جنوری کو سنایا جائے گا۔ احتساب عدالت کے جج ناصر جاوید رانا اڈیالہ جیل سے روانہ ہوگئے ہیں۔ جج ناصر جاوید نے روانگی سے قبل کہا کہ بانی پی ٹی آئی اور بشریٰ بی بی عدالت میں پیش نہیں ہوئے، میں ساڑھے 8 بجے عدالت پہنچا، بانی پی ٹی آئی کو دو مرتبہ پیغام بھی بھیجا، ملزمان کے وکلا بھی عدالت نہیں پہنچے، اب فیصلہ 17 جنوری کو سنایا جائے گا۔ عمران خان کے وکیل فیصل چوہدری نے اڈیالہ جیل کے باہر میڈیا سے گفتگو کرتے ہوئے کہا کہ فیصلے کیلئے 11 بجے کا ٹائم تھا، جج صاحب کو بڑی جلدی تھی جو چلے گئے۔ فیصل چوہدری نے کہا کہ فیصلہ مؤخر کیوں کیا گیا؟اس کا پتہ تو جوڈیشل آرڈر میں چلے گا، میں بانی پی ٹی آئی سے آج ملاقات کروں گا، بشریٰ بی بی آج پیش نہیں ہوئیں، شاید اس وجہ سے بھی فیصلہ مؤخر کیا گیا ہو۔ خیال رہے کہ 190 ملین پاؤنڈ ریفرنس کی سماعت آج اڈیالہ جیل میں ہونی تھی، بانی پی ٹی آئی وکیل خالد یوسف چوہدری نے بتایا کہ احتساب عدالت اسلام آباد کے عملے نے باضابطہ طور پر آگاہ کیا تھا کہ 190 ملین پاؤنڈ ریفرنس کا فیصلہ صبح 11 بجے اڈیالہ جیل میں عمران خان اور بشریٰ بی بی کی موجودگی میں سنایا جائے گا۔ واضح رہے کہ احتساب عدالت نے 190 ملین پاونڈ ریفرنس کا فیصلہ دو مرتبہ مؤخر کیا جاچکا ہے، جج ناصر جاوید رانا نے ٹرائل کی آخری سماعت گزشتہ سال 18 دسمبر کو اڈیالہ جیل میں کی تھی، جس کے بعد فیصلہ محفوظ کیا گیا تھا۔ پہلے 23 دسمبر کو کیس کا فیصلہ سنائے جانے کی تاریخ مقرر کی گئی تھی تاہم عدالت نے فیصلہ سنائے جانے کی تاریخ ملتوی کرکے 6 جنوری مقرر کی تھی، پھر کیس کا فیصلہ سنانے کی تاریخ 13 جنوری مقرر کی گئی اور اب فیصلہ 17 جنوری کو سنایا جائے گا۔
.ذریعہ: Nawaiwaqt
پڑھیں:
عالیہ حمزہ اور صنم جاوید کے ناقابلِ ضمانت وارنٹ گرفتاری جاری ہو گئے
سٹی42: پی ٹی آئی کی دو سزا یافتہ خواتین رہنماؤں عالیہ حمزہ اور صنم جاوید کے ناقابلِ ضمانت وارنٹ گرفتاری جاری ہو گئے۔
انسداد دہشت گردی (اے ٹی سی) عدالت لاہور نے 9 مئی تھانہ شادمان کیس کا تفصیلی فیصلہ جاری کر دیا ہے، 93 صفحات پر مشتمل تفصیلی فیصلے میں عدالت نے عالیہ حمزہ اور صنم جاوید کے ناقابل ضمانت وارنٹ گرفتاری بھی جاری کر دیئے۔ ان دونوں خواتین کو عدالت نے 9 مئی 2023 کو لاہور میں سنگین نوعیت کے تشدد کے مقدمہ میں پانچ پانچ سال قید کی سزائیں سنائی ہیں۔ یہ دولوں خواتین اس وقت ضمانت پر رہا ہیں۔
زرعی یونیورسٹی فیصل آباد میں ڈین تعیناتی کی درخواست پر فیصلہ محفوظ
انسداد دہشت گردی عدالت لاہور کے جج منظر علی گل نے اپنے فیصلے میں پولیس کو احکامات دیئے کہ وہ عالیہ حمزہ اور صنم جاوید کو گرفتار کرے اور انہیں قید کی سزا پر عملدرآمد کے لیے جیل بھیجیں۔
صنم جاوید اور عالیہ حمزہ کو سزا کیوں ہوئی
فیصلے میں ان دونوں خواتین کی سزا کے ضمن میں کہا گیا کہ صنم جاوید سوشل میڈیا پر مقبول ہیں، عالیہ حمزہ اور صنم جاوید سوشل میڈیا پر انتشار انگیز پوسٹیں کرتی رہیں، دونوں ملزمان کے موبائل فونز سے ڈیٹا بھی ریکور ہوا، عالیہ حمزہ پی ٹی آئی کی سینئر لیڈر ہیں، انہوں نے عوام کو اشتعال دلایا۔
راولپنڈی میں ڈینگی کی شدت میں اضافہ۔ 58 نئے کیسز کی تصدیق
اے ٹی سی کے تفصیلی فیصلے کے مطابق ان دونوں رہنماؤں کی سوشل میڈیا پوسٹیں اور ویڈیو کلپ یو ایس بی سے پولیس اہلکاروں نے ریکور کیں۔ عالیہ حمزہ اور صنم جاوید کو اس مقدمہ میں ضمنی بیانات کی روشنی میں نامزد کیا گیا۔
عدالت نے نوٹ کیا کہ عالیہ حمزہ اور صنم جاوید موقع پر موجود نہ تھیں لیکن یہ دونوں خواتین سوشل میڈیا کے ذریعے مکمل طور پر اس جرم میں ملوث رہیں۔ فیصلہ میں تحریر ہے کہ یہ دونوں خواتین نو مئی سے پہلے ہی اپنے سوشل میڈیا اکاونٹس کے ذریعے اس مقصد پر کام کر رہی تھیں۔ عدالت صنم جاوید اور عالیہ حمزہ کو پانچ پانچ سال۔ قید اور ایک ایک لاکھ جرمانہ کی سزا سناتی ہے ۔
رونالڈو نے 8 سال تک ڈیٹنگ کے بعد جورجینا سے منگنی کر لی
فیصلہ میں نوٹ کیا گیا کہ فیصلے کے وقت "ضمانت پانے والے تمام ملزمان غیر حاضر تھے" ۔
دونوں ملزم خواتین ضمانت پر تھیں۔ وہ دونوں پہلے مقدمہ کی کارروائی مین پیش ہوتی رہیں۔ مگر آج فیصلہ سننے کے لیے پیش نہیں ہوئئیں۔ عدالت نے قرار دیا کہ لگتا ہے کہ اپنے ضمیر کی وجہ سے صنم جاوید بیان ریکارڈ کروانے سے ایک دن پہلے ہی غائب ہو گئی۔
صنم جاوید اور عالیہ حمزہ کے حتمی بیانات انکے وکیل نے دیئے۔
بانی تحریک انصاف کی ضمانت کی 8 اپیلوں پر پنجاب حکومت کو نوٹس جاری
عدالت نے عالیہ حمزہ اور صنم جاوید سمیت غیر حاضر تمام ملزمان کے ناقابل ضمانت وارنٹ گرفتاری جاری کر دیے۔
تھانہ شادمان ان ملزمان کو گرفتار کر کے جیل بھجوَائیں تاکہ وہ اپنی سزَا کاٹ سکیں۔
محمود الرشید موقع پر موجود پائے گئے
بلوچستان میں موبائل انٹرنیٹ سروس ایک ہفتے سے معطل، عوام شدید مشکلات کا شکار
فیصلے میں مزید کہا گیا کہ گواہوں کے مطابق پاکستان تحریک انصاف کے رہنما میاں محمود الرشید موقع پر موجود تھے، میاں محمود الرشید کے خلاف 11 گواہوں نے گواہی دی ہے۔
انسداد دہشت گردی کے فیصلے کے مطابق اس پی ٹی آئی رہنما نے کہا کہ 9 مئی کو ہم نے قانون کو ہاتھ میں نہیں لیا، جب کہ 9 مئی کو پورے ملک کی سرکاری تنصیبات پر حملے کیے گئے، تھانہ شادمان جلاؤ گھیراؤ کے مقدمے میں پراسیکیوشن نے اپنا کیس ثابت کیا ہے۔
مجرمانہ سازش اور لوگوں کو بغاوت پر اکسانے کی سزائیں
انسداد دہشت گردی عدالت کے تھانہ شادمان جلانے کے مقدمہ کے تفصیلی فیصلہ میں لکھا گیا کہ ڈاکٹر یاسمین راشد میاں محمود الرشید اعجاز چوہدری عمر سرفراز چیمہ کے خلاف جرم ثابت ہوتا ہے۔ ان پر مجرمانہ سازش اور لوگوں کو بغاوت پر ابھارنے کا جرم ثابت ہوا۔ چاروں مجرموں کو مجموعی طور پر 35 ، 35 سال قید اور چھ چھ لاکھ روپے جرمانہ کی سزا سنائی جاتی ہے۔
موقع پر موجود سات مجرموں کو 31 سال فی کس سزا
عدالت نے قرار دیا کہ فہیم قیصر نیاز احمد زین علی سمیت دیگر سات مجرم موقع پر موجود تھے اور توڑ پھوڑ کرتے رہے۔ ہر مجرم کو مختلف دفعات میں مجموعی طور پر 31 31 سال۔ کی قید سنائی جاتی ہے ۔
شاہ محمود قریشی کیوں بری ہوئے
عدالت نے تفصیلی فیصلہ میں قرار دیا کہ شاہ محمود قریشی پر زمان پارک میں سازش کے حوالے سے ہونے والی میٹنگ میں شرکت کا ثبوت نہیں ملا۔ اگر میٹنگ میں شرکت کا ثبوت نہیں تو باقی الزامات بھی ختم ہو جاتے ہیں۔ عدالت شاہ محمود قریشی کو اس کیس سے بری کرتی ہے۔
پراسیکیوشن نے اپنا کیس ثابت کیا
عدالتے نے اپنے فیصلہ میں لکھا کہ پی ٹی آئی لیڈرز کا کہنا ہے کہ نو مئی کو ہم نے قانون کو ہاتھ میں نہیں لیا۔ جلاؤ گھیراؤ نہیں کیا قانون کے مطابق احتجاج کیا۔
عدالت نے قرار دیا کہ نو مئی کو پورے ملک کے سرکاری تنصیبات پر حملے کیے گے۔ تھانہ شادمان جلاؤ گھیراؤ کے مقدمے میں پراسیکیوشن نے اپنا کیس ثابت کیا ہے۔
Waseem Azmet
کیا ہے ڈیڈ ہینڈ؟ جو صرف 30 منٹ میں امریکہ کو صفحۂ ہستی سے مٹا سکتا ہے