پاکستان کا ای او 1 سیٹلائیٹ 17 جنوری کو لانچ کرنے کا اعلان
اشاعت کی تاریخ: 13th, January 2025 GMT
اسلام آباد(نیوزڈیسک)پاکستان کے قومی خلائی ادارے سپارکو نے سپیس ٹیکنالوجی کے حوالے سے اہم پیشرفت کی,سپارکو نے مقامی سطح پر تیار کردہ الیکٹرو آپٹیکل (ای او 1) سیٹلائیٹ 17 جنوری کو لانچ کرنے کا اعلان کردیا۔
الیکٹرو آپٹیکل سیٹلائیٹ کو چین کے ایک سیٹلائیٹ سینٹر سے خلا میں لانچ کیا جائے گا،سپارکو کے ترجمان نے بتایا کہ پاکستان کا مقامی ای او 1 سیٹلائیٹ خلائی تحقیق میں ایک اہم قدم ہے،ترجمان نے بتایا کہ قومی ترقی کو آگے بڑھانے کے لیے سیٹلائیٹ لانچ کے لیے تیار ہیں،ان کا کہنا تھا کہ اس سیٹلائیٹ کو ڈیزاسٹر ریسپانس اور زراعت میں مدد کے لیے ڈیزائن کیا گیا ہے۔
ترجمان نے بتایا کہ ای او 1 کو شہری منصوبہ بندی میں مدد فراہم کرنے کے لیے بھی ڈیزائن کیا گیا ہے،سپارکو کے مطابق یہ سیٹلائیٹ خوراک کی حفاظت اور پانی کے انتظام میں مددگار ثابت ہوگا جبکہ ملک بھر میں قدرتی وسائل کی نگرانی میں اضافہ ہوگا۔
برطانوی فوج میں کمی،تعلیم یافتہ نوجوانوں کا بھرتی ہونے سے انکار،سپیشل فورسز کی عوام سے توجہ کی اپیل
ذریعہ: Daily Ausaf
کلیدی لفظ: کے لیے
پڑھیں:
ترکیہ کے وزیر خارجہ سرکاری دورے پر پاکستان پہنچ گئے
اسلام آباد:ترکیہ کے وزیر خارجہ ہاکان فیدان اپنے سرکاری دورے پر اسلام آباد پہنچ گئے ہیں۔
وزارت خارجہ کے ترجمان کے مطابق ایئرپورٹ پر ایڈیشنل سیکریٹری وزارت خارجہ سید علی گیلانی نے ترکیہ وزیر خارجہ کا استقبال کیا۔
ترجمان دفتر خارجہ کے مطابق ہاکان فیدان کے دورے کا مقصد باہمی دلچسپی کے تمام اہم امور پر تبادلہ خیال کرنا ہے۔
ان امور میں اقتصادی، تجارتی، سیکیورٹی، اور دفاعی شعبے شامل ہیں، جو دونوں ممالک کے تعلقات میں مزید مضبوطی لانے کے لیے اہمیت رکھتے ہیں۔
ترکیہ کے وزیر قومی دفاع یاشرگوولر بھی اسلام آباد پہنچ گئے ہیں۔ ایڈیشنل سیکریٹری وزارت خارجہ سید علی گیلانی نے ان کا بھی پرتپاک استقبال کیا۔ وزیر قومی دفاع کے دورے میں ترکیہ کے نائب وزیراعظم اسحاق ڈار کے ساتھ باضابطہ مذاکرات ہونے کا امکان ہے۔
ترجمان کے مطابق ترکیہ کے وزیر قومی دفاع یاشرگوولر پاکستان کے وزیراعظم شہباز شریف سے ون آن ون ملاقات کریں گے۔ اس ملاقات میں دونوں ممالک کے درمیان مختلف اہم معاملات پر تبادلہ خیال کیا جائے گا۔ ترک وفد کی دیگر اعلیٰ سول اور عسکری حکام سے ملاقاتیں بھی متوقع ہیں۔
ذاتی حملے کرنے پر نادیہ خان کا فنکاروں کو سخت جواب، قانونی کارروائی کی دھمکی