کارکردگی اور جدید ٹیکنالوجی کا امتراج ہنڈائی سوناٹا این لائن پاکستان میں لانچ، قیمت کیا ہے؟
اشاعت کی تاریخ: 13th, January 2025 GMT
ہنڈائی نشاط موٹرز نے سوناٹا این لائن لانچ کردی ہے، جس کے شوقین افراد بے صبری سے انتظار کر رہے تھے، اب اس لگژری گاڑی کی قیمت سامنے آگئی ہے جو ایک کروڑ 58 لاکھ 90 ہزار رکھی گئی ہے۔
بکنگ اور ڈیلیوریسوناٹا این لائن لاہور کے ایکسپو سینٹر میں نمائش کے لیے رکھی گئی ہیں، جن صارفین نے پہلے سے جزوی ادائیگی (25 لاکھ روپے) کے ساتھ گاڑی کی پیشگی بکنگ کروائی تھی، وہ اسے ایک ماہ کے اندر حاصل کرسکیں گے، تاہم اب بکنگ مکمل قیمت کی ادائیگی پر ہی ہوگی۔
بیرونی ڈیزائناس جدید گاڑی کا بیرونی ڈیزائن خوبصورتی اور فعالیت کا امتزاج ہے، اس کی لمبائی 4910 ملی میٹر، چوڑائی 1860 ملی میٹر، اونچائی 1445 ملی میٹر، ویل بیس 2840 ملی میٹر اور گراؤنڈ کلیئرنس 135 ملی میٹر ہے۔
اس گاڑی کے فرنٹ پر ایل ای ڈی ہیڈلیمپس، ڈی آر ایل، اور آٹو لیولنگ نصب ہیں، اس پر ریئر لیمپس بھی نصب ہیں، جس میں افقی ایل ای ڈی کومبینیشن لیمپس شامل ہیں، یہ چمکدار بلیک ریڈی ایٹر گرِل، اسپورٹی دو رنگوں والے بمپرز پر مشتمل ہے، اس کے پہیے 19 انچ الائے اسپیس سیور اسپئیر کے ساتھ نصب ہیں۔
اس کی دیگر خصوصیات میں پینورامک الیکٹرک روف، ٹوئن ڈوئل-ٹپ ایکزاسٹ، مڈ گارڈز اور اسپورٹی بمپرز شامل ہیں۔
اندرونی ڈیزائنسوناٹا این لائن کا اندرونی حصہ لگژری اور ٹیکنالوجی کی آمیزش ہے۔
سیٹیں: سُوڈ اور نیپا لیدر سیٹیں، ریڈ اسٹچنگ کے ساتھ
ڈرائیور سیٹ: 8وے پاور سیٹ، میموری فنکشن کے ساتھ
مسافر سیٹ: 4 وے پاور ایڈجسٹمنٹ
وینٹیلیٹڈ اور ہیٹڈ سیٹس، وائرلیس چارجر، ایپل کار پلے/اینڈروئیڈ آٹو، اور ڈوئل زون کلائمیٹ کنٹرول
انفوٹینمنٹ: 12.
کنیکٹیویٹی: بلوٹوتھ، یو ایس بی، اے یو ایکس، اور وائس ریکگنیشن
اضافی خصوصیات: ہیڈ اپ ڈسپلے، ٹرپ کمپیوٹر، اور 360° کیمرہ
کارکرگیسوناٹا این لائن پرفارمنس، اسٹائل، اور ٹیکنالوجی میں اپنی مثال آپ ہے،یہ کار 2.5 لیٹر ٹربو چارجڈ انجن سے لیس ہے، جو 422 این ایم ٹارک اور 290 ہارس پاورفراہم کرتی ہے اورصرف 36 سیکنڈ میں 100 کلومیٹر فی گھنٹہ کی رفتار حاصل کرنے کی صلاحیت رکھتی ، اس کے ڈرائیو موڈزمیں ایکو، نارمل، اسپورٹ، اسمارٹ اور اسپورٹ پلس مائی ڈرائیو موڈ شامل ہیں۔
سوناٹا این لائن کی قیمت اور خصوصیات اسے پاکستان میں سیڈان کیٹیگری میں ایک منفرد مقام عطا کرتی ہیں۔ اگر آپ لگژری، پرفارمنس، اور جدید ٹیکنالوجی کا امتزاج چاہتے ہیں تو یہ گاڑی بہترین انتخاب ثابت ہوسکتی ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news پاکستان سوناٹا این لائن نشاط موٹرز ہنڈائی لائن اینذریعہ: WE News
کلیدی لفظ: پاکستان نشاط موٹرز ہنڈائی لائن این ملی میٹر کے ساتھ
پڑھیں:
لاؤڈ اسپیکر ایکٹ کی سخت ترین عملداری کا فیصلہ، جدید ٹیکنالوجی سے نگرانی ہوگی
پنجاب حکومت نے صوبے بھر میں لاؤڈ اسپیکر ایکٹ پر مکمل عمل درآمد یقینی بنانے کے لیے سخت اقدامات کا فیصلہ کر لیا ہے۔ اب کسی بھی سیاسی جماعت، فرد یا کاروباری ادارے کو اذان اور خطبہ جمعہ کے علاوہ لاؤڈ اسپیکر استعمال کرنے کی اجازت نہیں ہوگی۔
نجی میڈیا کے مطابق، وزیراعلیٰ پنجاب مریم نواز کی زیرِ صدارت امن و امان سے متعلق مسلسل ساتویں غیر معمولی اجلاس میں اہم فیصلے کیے گئے۔ اجلاس میں فیصلہ کیا گیا کہ لاؤڈ اسپیکر ایکٹ کی خلاف ورزی پر سخت کارروائی ہوگی، جبکہ اس قانون کے نفاذ کی مانیٹرنگ سی سی ٹی وی کیمروں اور جدید ٹیکنالوجی کی مدد سے کی جائے گی۔
حکومت کا کہنا ہے کہ لاؤڈ اسپیکر کا غلط استعمال — خاص طور پر نفرت انگیز یا اشتعال انگیز تقاریر کے لیے — کسی صورت برداشت نہیں کیا جائے گا، اور خلاف ورزی کرنے والوں کو قانون کے مطابق سخت سزاؤں کا سامنا کرنا پڑے گا۔
اجلاس میں وزیراعلیٰ مریم نواز نے پنجاب بھر کے 65 ہزار سے زائد ائمہ کرام کے وظائف کے اجرا کے عمل کو جلد مکمل کرنے کی ہدایت بھی دی۔ ساتھ ہی مساجد کی تزئین و آرائش اور بحالی کے لیے بڑے پیمانے پر منصوبہ شروع کرنے کا فیصلہ کیا گیا، جس کے تحت مساجد کے اطراف کے راستے صاف، نکاسی آب کا نظام بہتر، اور تمام بنیادی سہولیات فراہم کی جائیں گی۔
وزیراعلیٰ نے واضح کیا کہ پنجاب حکومت مذہبی ہم آہنگی کی حامی ہے اور تمام مذہبی جماعتیں ضابطہ اخلاق کے دائرے میں رہ کر اپنی سرگرمیاں بلا روک ٹوک جاری رکھ سکتی ہیں۔ تاہم، “مذہب کے نام پر نفرت پھیلانے والوں کے لیے قانون کی رسی مزید تنگ” کی جائے گی۔
اجلاس میں غیر قانونی اسلحہ رکھنے یا چھپانے والوں کے خلاف بھرپور کارروائی کا فیصلہ بھی کیا گیا، جبکہ غیر قانونی طور پر مقیم غیر ملکیوں کی سہولت کاری کرنے والوں کے لیے کڑی سزاؤں کا عندیہ دیا گیا۔
اسی طرح حکومت نے سوشل میڈیا پر نفرت، اشتعال انگیزی اور جھوٹ پھیلانے والوں کے خلاف پیکا ایکٹ کے تحت کارروائی کا حکم دیا ہے، اور ڈیجیٹل پلیٹ فارمز کی نگرانی کے لیے اسپیشل یونٹس فعال کر دیے گئے ہیں۔
اپر کوہستان مالیاتی اسکینڈل: گرفتار پولیس اہلکار 13 روزہ جسمانی ریمانڈ پر نیب کے حوالے