بالی ووڈ اور ہالی ووڈ کا معروف اداکار دین اسلام کی دعوت سے منسلک کیسے ہوا؟
اشاعت کی تاریخ: 14th, January 2025 GMT
اگر آپ کو اجے دیوگن کی فلم ”پھول اور کانٹے“ یاد ہو، تو اس میں ولن ”راکی“ کا کردار ادا کرنے والے عارف خان کو بھی نہیں بھولے ہوں گے۔ اس کردار سے انہیں بہت شہرت ملی تھی۔
بحیثیت ولن کامیاب ہونے کے بعد عارف خان نے کئی فلموں میں منفی کردار ادا کیے اور سلمان خان، سنیل شیٹی، اور اجے دیوگن جیسے ستاروں کے ساتھ ”مہرہ“، ”دل جلے“ اور ”ویرگتی“ جیسی فلموں میں کام کیا۔
اب عارف خان نے اداکاری اور بالی ووڈ کو خیر آباد کہنے کے بعد روحانیت کی راہ اختیار کرلی ہے۔ اور اس تبدیلی سے انہیں پہچاننا مشکل ہوگیا ہے۔
عارف خان نے اپنے فنی سفر کا آغاز فلم “ پھول اور کانٹے“ میں بطور ولن کیا تھا جوکہ ان کے ساتھ ساتھ اجے دیوگن کی بھی پہلی فلم تھی۔ فلم میں اپنے منفی کردار کو پذیرائی ملنے کے بعد انہوں نے بالی ووڈ کے کئی بڑے ناموں کے ساتھ کام کیا مگر انہیں وہ کامیابی نہیں ملی جس کی وہ توقع کر رہے تھے۔
اداکار نے 2007 میں ہالی ووڈ کا رخ کیا اور فلم ”اے مائٹی ہارٹ“ میں انجلینا جولی کے ساتھ کام کیا جس میں ان کو کردار ایک ٹیکسی ڈرائیور کا تھا۔ یہ کردار انکے بین الاقوامی کیریئر کے لیے ایک سنگ میل ثابت ہوا۔
کئی سال بالی ووڈ کی چکاچوند کردینے والی زندگی کا حصہ بننے کے بعد عارف خان نے فلمی دنیا سے کنارہ کشی اختیار کرلی اور اپنا رشتہ روحانیت سے جوڑکر بقیہ زندگی اسلام کی تبلیغ اور سادہ زندگی گزارنے کا فیصلہ کیا۔
ایک انٹرویو میں عارف خان نے بتایا کہ فلمی دنیا میں رہتے ہوئے وہ بےچینی کا شکار تھے اور انہیں سکون نہیں مل رہا تھا، وہ اکثر سوچتے کہ انہیں بڑے بینرز کی فلموں میں کردار کیوں نہیں ملتے، اس دباؤ نے انہیں بری عادتوں اور نشے کی لت میں مبتلا کر دیا، کئی سال بالی ووڈ میں کام کرنے کے بعد انہوں نے فلمی دنیا کو چھوڑ کر اپنے مذہب کی طرف رجوع کرنے کا فیصلہ کیا۔
View this post on InstagramA post shared by Arif Khan (@arifkhanofficial69)
کل کا عارف خان آج ایک سادہ زندگی گزاررہا ہے، لمبی داڑھی کے ساتھ ان کی پہچان مشکل ہو گئی ہے، عارف خان انسٹاگرام پر فعال ہیں، جہاں وہ اپنی شناخت ”سابق بالی ووڈ اداکار، موٹیویشنل اسپیکر، اور پانی کم چائے کے بانی“ کے طور پر کرواتے ہیں،ان کا اپنا یوٹیوب چینل بھی ہے، جس کے ذریعے وہ اپنی زندگی کے تجربات اور اسلام کے پیغامات اپنے مداحوں سے شیئر کرتے ہیں۔
ذریعہ: Daily Mumtaz
کلیدی لفظ: بالی ووڈ کے ساتھ کے بعد
پڑھیں:
فواد خان نے فلم عبیر گلال میں کام کرنے کی وجہ بتا دی
پاکستانی سپر اسٹار فواد خان جو اپنی بالی ووڈ فلم ’عبیر گلال‘ کی پروموشن میں موجود ہیں ان کا کہنا ہے کہ بالی ووڈ کے لوگ با صلاحیت اور اچھے لوگ ہیں۔
فواد خان نے حال ہی میں دبئی میں ایک مختصر انٹرویو دیا جس میں انہوں نے اپنے بالی ووڈ کو-سٹارز کے بارے میں بات کی۔ بالی ووڈ سپر اسٹارز کے ساتھ کام کرنے کے تجربے پر بات کرتے ہوئے اداکار کا کہنا تھا کہ ان کے ساتھ کام کا تجربہ بہت اچھا رہا۔
میزبان نے سوال کیا کہ بالی ووڈ کی اداکاروں کے ساتھ کام کرنے کا تجربہ کیسا رہا جس پر فواد خان کا کہنا تھا کہ سونم کپور بے باک ہیں، جو کہ ان کی بہت اچھی بات ہے جو دل میں ہوتا ہے وہی کہتی ہیں۔ وہ دل کی بہت اچھی انسان ہیں۔ عالیہ بھٹ بہت چست ہیں اور ان کے ساتھ کام کرنا ایک زبردست تجربہ ہے آپ کو ان کے ساتھ کام کرتے وقت چوکس رہنا پڑتا ہے۔ انوشکا ایک پُرجوش شخصیت رکھتی ہیں۔ وانی کپور بھی بہت باصلاحیت اداکارہ ہیں۔
بالی ووڈ اداکاروں کے بارے میں فواد خان کا کہنا تھا کہ یہ سب لوگ باصلاحیت اور دل سے اچھے انسان ہیں۔ اور ان لوگوں کے ساتھ کام کرنے کا مزہ آتا ہے جو دل کے اچھے ہوتے ہیں۔
فلم عبیر گلال میں کام کرنے کا انتخاب کیوں کیا اس حوالے سے بات کرتے ہوئے ان کا کہنا تھا کہ میں نے ابھی جتنا بھی کام کیا ہے وہ بہت سنجیدہ اور ڈرامیٹک کام تھا جیسے مولا جٹ تھی۔ اس لیے عبیر گلال کا انتخاب کیا کیونکہ وہ مختلف فلم تھی۔
یہ بھی پڑھیں: بھارتی اداکارہ وانی کپور نے فواد خان کے بارے میں ایسا کیا کہا کہ میزبان حیران رہ گئیں؟
واضح رہے کہ فواد خان ایک باصلاحیت پاکستانی سیلبریٹی ہیں جو اپنی شاندار اداکاری اور گائیکی کی صلاحیتوں کے لیے جانے جاتے ہیں۔ ان کے مشہور ڈراموں میں ہم سفر، زندگی گلزار ہے، عشق، کچھ پیار کا پاگل پن بھی تھا، اکبری اصغری اور داستان شامل ہیں۔ اداکار ان دنوں اپنی آنے والی بھارتی فلم عبیر گلال کی وجہ سے خبروں کی زینت بنے ہوئے ہیں۔ اس فلم میں ان کے ساتھ باصلاحیت بالی ووڈ اداکارہ وانی کپور مرکزی کردار میں نظر آئیں گی۔
فواد خان نے خوبصورت، کپور اینڈ سنز اور اے دل ہے مشکل جیسی بھارتی فلموں میں سونم کپور، عالیہ بھٹ اور انوشکا شرما جیسے اداکاروں کے ساتھ کام کیا ہے۔ عبیر گلال ان کی بالی ووڈ میں واپسی کی فلم ہے، جس میں ان کے ہمراہ وانی کپور جلوہ گر ہوں گی۔
یہ بھی پڑھیں: فواد خان بالی ووڈ میں واپسی پر کتنا معاوضہ لے رہے ہیں؟
واضح رہے کہ فلم ’عبیر گلال‘ کی کہانی 2 ایسے کرداروں کے گرد گھومتی ہے جو زندگی میں کئی جذباتی مشکلات سے گزر چکے ہیں اور اچانک ایک دوسرے سے مل کر غیر متوقع طور پر ایک دوسرے کے زخموں کو بھرنے لگتے ہیں جس کا نتیجہ محبت میں نکلتا ہے۔ فلم میں ردھی ڈوگرا، فواد خان اور وانی کپور ہیں۔ یہ فلم رواں برس 9 مئی کو ریلیز ہو گی۔
نامور پاکستانی اداکار فواد خان 9 سال کے وقفے کے بعد بالی ووڈ واپسی کررہے ہیں۔ فواد خان آخری بار بالی ووڈ میں 2016 کی کامیاب فلم کپور اینڈ سنز میں نظر آئے تھے، اس کے بعد دونوں ممالک کے درمیان بڑھتی ہوئی سیاسی کشیدگی کے درمیان وہ بالی ووڈ انڈسٹری سے غائب رہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
انوشکا شرما سونم کپور عالیہ بھٹ عبیر گلال فواد خان وانی کپور
پشاور میں سماعت سے محروم بچوں کیلئے کوکلیئر امپلانٹ پروگرام کا آغاز