ڈاکٹرز کیساتھ ہیں، ڈی جی ہیلتھ ایف آئی آر واپس لیں، ینگ فارماسسٹ بلوچستان
اشاعت کی تاریخ: 14th, January 2025 GMT
اپنے بیان میں ینگ فارماسسٹ کے ترجمان نے کہا کہ حقائق چھپانے کیلئے ینگ ڈاکٹرز پر بے بنیاد الزامات عائد کرکے ایف آئی آر درج کی گئی۔ جسے فوری ختم کیا جائے۔ اسلام ٹائمز۔ ینگ فارماسسٹ الائنس نے سول ہسپتال کوئٹہ میں ینگ ڈاکٹرز ایسوسی ایشن کے رہنماؤں اور ڈی جی ہیلتھ بلوچستان کے درمیان تنازعہ میں ینگ ڈاکٹرز کی حمایت کا اعلان کرتے ہوئے کہا کہ ینگ ڈاکٹرز پر درج ایف آئی آر ختم کی جائے۔ اپنے بیان میں ینگ فارماسسٹ الائنس کے ترجمان نے کہا کہ سول ہسپتال کوئٹہ کی سی سی ٹی وی فوٹیج واضح طور پر دکھا رہی ہے کہ ینگ ڈاکٹرز ایسوسی ایشن کے رہنماء ڈاکٹر بہار شاہ پر ڈی جی ہیلتھ نے حملہ کیا، مگر حقائق چھپانے کے لئے بے بنیاد الزامات عائد کرکے ایف آئی آر درج کی گئی۔ اس جھوٹی ایف آئی آر میں نامزد پانچ میں سے تین ڈاکٹرز واقعہ کے وقت ہسپتال میں موجود ہی نہیں تھے، جو اس کیس کے جھوٹے ہونے کا واضح ثبوت ہے۔
ینگ فارماسسٹس الائنس نے ایف آئی آر کو جھوٹا قرار دیتے ہوئے مطالبہ کیا کہ ایف آئی آر فوری طور پر ختم کی جائے۔ واقعہ کی غیر جانبدارانہ اور شفاف تحقیقات کی جائیں۔ صحت کے شعبے میں خدمات انجام دینے والے ڈاکٹرز اور دیگر عملے کے تحفظ کو یقینی بنایا جائے۔ ایسے اقدامات کیے جائیں جو صحت کے شعبے کو ذاتی اور سیاسی تنازعات سے محفوظ رکھ سکیں۔ ترجمان نے اس بات پر زور دیا کہ صحت کے شعبے کے افراد کو جھوٹے الزامات کے ذریعے ہراساں کرنا کسی صورت قابل قبول نہیں۔ ہم ینگ ڈاکٹرز ایسوسی ایشن کے ساتھ کھڑے ہیں اور ان کے حقوق اور وقار کے تحفظ کے لئے ہر ممکن تعاون فراہم کریں گے۔
ذریعہ: Islam Times
کلیدی لفظ: ینگ فارماسسٹ ایف ا ئی ا ر ینگ ڈاکٹرز
پڑھیں:
جب شادی قسمت میں لکھی ہوگی جس کیساتھ لکھی ہوگی ہوجائے گی، صبا قمر
اداکارہ صبا قمر کا کہنا ہے کہ ان کی شادی جب قسمت میں لکھی ہوگی اور جس کے ساتھ ہونی ہوگی ہو جائے گی۔
حال ہی میں ایک پوٖڈکاسٹ کے دوران اداکارہ صبا قمر سے میزبان نے سوال کیا کہ جو بھی اداکارہ عثمان مختار کیساتھ کام کرتی ہیں ان کی شادی ہوجاتی ہے اور یہ بات کافی مشہور ہے آپ کا اس بارے میں کیا خیال ہے۔
اس سوال کے جواب میں 41 سالہ اداکارہ کا کہنا تھا کہ جب ان کی شادی قسمت میں لکھی ہوگی اور جس کیساتھ لکھی ہوگی ہو جائے گی۔ صبا قمر کا کہنا تھا کہ ابھی تو وہ آن اسکرین رومانس سے لطف اندوز ہو رہی ہیں۔
محبت کے بارے میں بات کرتے ہوئے صبا قمر کا کہنا تھا کہ وہ اتنی مصروف ہوتی ہیں کہ ان کی 8 گھنٹے کی نیند بھی مشکل سے پوری ہوتی ہے ایسے میں وہ محبت کیلئے وقت کیسے نکالیں۔
اداکارہ کا کہنا تھا کہ وہ اس بات پر یقین رکھتی ہیں کہ شادی محبت اور بچے یہ سب قسمت میں لکھے ہوتے ہیں اس لئے نہ وقت سے پہلے مل سکتے ہیں نہ ہی وقت کے بعد، جس وقت جو چیز لکھی ہوگی تب ہی ملے گی چاہیں آپ جتنا زور لگا لیں۔
سونے کی کان کنی پر عائد پابندی میں مزید 30 روز کی توسیع