پاکستان اور بنگلہ دیش کے درمیان تعلقات کے ایک نئے دور کا آغاز نظرآ رہا ہے۔ آج کل بنگلہ دیش کی فوج کا ایک اعلیٰ سطح کا وفد پاکستان کے دورہ پر ہے۔ اس وفد نے آرمی چیف اور دیگر اعلیٰ فوجی حکام سے ملاقات کی ہے۔ ان ملاقاتوں میں پاکستان اور بنگلہ دیش کے درمیان فوجی تعاون بڑھانے پر اتفاق ہوا ہے۔
یہ کوئی چھوٹی تبدیلی نہیں ہے ورنہ اس سے پہلے تو بنگلہ دیش بھارت کی پراکسی بنا ہوا تھا اور بھارت کی مکمل گود میں بیٹھا نظر آتا تھا۔ بنگلہ دیش کی سابقہ حکمران حسینہ واجد کے بارہ سالہ دور میں پاکستان اور بنگلہ دیش کے درمیان تعلقات ہر سطح پر تقریباً ختم ہی ہو گئے تھے۔ کہیں کوئی رابطہ اور تعاون نظر نہیں آتا تھا۔
جیسے بھارت نے پاکستان کا عالمی سطح پر بائیکاٹ کیا ہوا تھا ویسے ہی بنگلہ دیش کا بائیکاٹ بھی نظر آتا تھا۔ بنگلہ دیش بھی عالمی فورمز پر بھارت کی طرز پر پاکستان کی مخالفت کرتا نظر آتا تھا۔ لیکن حسینہ واجد کے جانے کے بعد بنگلہ دیش اور پاکستان کے درمیان نہ صرف رابطے بحال ہوتے نظر آرہے ہیں بلکہ تعاون کی نئی راہیں بھی کھلتی نظر آرہی ہیں۔ بنگلہ دیش کو فوجی سامان چاہیے ان کے پاس فائٹر جیٹ کی کمی ہے۔ دیگر فوجی سامان کے لیے بھی ان کا بھارت پر بہت انحصار تھا جو اب ختم ہو رہا ہے۔
یہ کہنا غلط نہ ہوگا کہ حسینہ واجد کے بھارت میں پناہ لینے کے بعد بنگلہ دیش کی نئی عبوری حکومت پاکستان کے ساتھ قربتیں بڑھا رہی ہے۔ بھارت کے ساتھ بنگلہ دیش کی نئی حکومت کے تنازعات اور اختلافات بھی سامنے آرہے ہیں۔ دونوں ممالک کے فاصلے بڑھ رہے ہیں۔ لیکن دوسری طرف پاکستان اس خلا کو پر کر رہا ہے۔پاک فوج اور بنگلہ دیش کے فوجی حکام کے درمیان ملاقات میں دونوں ممالک نے بیرونی مداخلت سے نبٹنے کے عزم کا بھی اعادہ کیا ہے۔
پاکستان کو بھی بھارت سے بیرونی مداخلت کا خطرہ ہے۔ جب کہ اگر بنگلہ دیش کو دیکھا جائے تو بنگلہ دیش کے بھی صرف دو ممالک سے ہی بارڈر لگتے ہیں۔ بنگلہ دیش کے صرف دو ہمسائے ہیں ایک بھارت اور دوسرا میانمار۔ میانمار میں تو بنگلہ دیش پر حملہ کرنے یا مداخلت کرنے کی ہمت نہیں ہے۔
صاف ظاہر ہے کہ آج کل بنگلہ دیش کو بھارت سے خطرہ ہے اور جب بنگلہ دیش کا فوجی وفد بیرونی مداخلت کی بات کر رہا ہے تو بھارت سے مداخلت کی بات کر رہا ہے۔ اس لیے دونوں فوجیں پاکستان اور بنگلہ دیش میں آج کل یہ قدر مشترک ہے کہ دونوں کو بھارت سے ہی بیرونی مداخلت کا خطرہ ہے۔ دونوں کو بھارت سے جارحیت کا خطرہ ہے۔ یہی قدر مشترک بنگلہ دیش اور پاکستان کو دن بدن قریب کر رہی ہے۔ لیکن اس کے علاوہ بھی وجوہات ہیں۔
آجکل بھارت اور بنگلہ دیش کے درمیان سرحدی تنازعات بھی بہت بڑھ گئے ہیں۔ حال ہی میں دونوں ممالک کے درمیان سرحدوں پر کشیدگی کے کئی واقعات ہوئے ہیں۔ بنگلہ دیش کی موجودہ عبوری حکومت کا موقف ہے کہ حسینہ واجد کی حکومت سرحدوں کے حوالے سے بھارت کے ساتھ کئی یک طرفہ ایسے معاہدات کر گئی ہے جو بنگلہ دیش کے مفادات کے خلاف ہیں۔ اسی لیے بھارت اور بنگلہ دیش کی سرحد پر بھارت جو باڑ لگا رہا ہے اس کے کام کو بنگلہ دیش کی بارڈر فورس نے کئی دفعہ روکا ہے۔
دو دن قبل بھارت کے سفیر کو بنگلہ دیش کی دفتر خارجہ بلا کر احتجاج بھی کیا گیا۔ سرحدی فورسز کے درمیان گزشتہ چند دنوں میں کئی ٔفلیگ میٹنگز بھی ہوئی ہیں۔ لیکن معاملات حل نہیں ہو ئے ہیں۔ اس لیے خطہ میں بھارت اور بنگلہ دیش کے درمیان بڑھتی کشیدگی سب کے لیے نئی ہے۔ اور اس نئی صورتحال میں پاکستان اور بنگلہ دیش کے فوجی حکام کی ملاقاتیں بھی نیا پیغام ہیں۔ بنگلہ دیشن نئی صورتحال میں پاکستان کے ساتھ فوری فوجی تعاون بڑھانے کی کوشش کر رہا ہے۔
بنگلہ دیشن کا دوسرا ہمسایہ میانمار ہے۔ میانمار اور بنگلہ دیش کے درمیان بھی پانچ جنگیں ہو چکی ہیں۔ یہ جنگیں بنگلہ دیش نے جیتی ہیں۔ بنگلہ دیش نے عالمی عدالت سے بھی میانمار کے خلاف ایک سمندری سرحد کا مقدمہ جیتا ہے۔ لیکن آج کل جب بنگلہ دیش اور بھارت کے درمیان کشیدگی ہے بھارت میانمار کو بنگلہ دیش کے خلاف استعمال کر سکتا ہے۔
پہلی جنگوں میں بھی بنگلہ دیش کو میانمار کے خلاف بھارت کا تعاون حاصل رہا ہے لیکن اب شاید وہ نہ ہو۔ اس لیے بنگلہ دیش نئے دفاعی پارٹنرز کی تلاش میں ہے۔ اس ضمن میں اس کی پہلی اور آخری چوائس پاکستان ہی بنتا ہے اور پاکستان سے ہی دفاعی تعاون بڑھانے پر بات ہو رہی ہے۔
دفاعی تعاون کے ساتھ پاکستان اور بنگلہ دیش کے درمیان تجارتی تعاون بڑھانے پر بھی تیزی سے کام ہو رہا ہے۔ پاکستان کا ایک اعلیٰ سطح کا تجارتی وفد بھی بنگلہ دیش کے دورہ پر ہے جہاں دونوں ممالک کے درمیان تجارت بڑھانے پر بات ہو رہی ہے۔ ابتدائی طور پر اگلے پانچ ماہ میں بنگلہ دیش پاکستان سے آٹھ لاکھ ٹن چاول درآمد کرے گا۔ وزیر اعظم پاکستان نے بھی گزشتہ دنوں کابینہ کی ایک میٹنگ میں بنگلہ دیش کو چاول برآمد کرنے کی خبر دی تھی۔
اس سے قبل دونوں ممالک کے درمیان ہر قسم کی تجارت غیر علانیہ طور پر بند تھی۔ حسینہ واجد کی حکومت پاکستان کے ساتھ تجارت کی ہر ممکن حوصلہ شکنی کرتی تھی۔ لیکن موجودہ عبوری سربراہ ڈاکٹر محمد یونس نے پاکستان کے ساتھ روابط کی بحالی پر بہت تیزی سے کام کیا ہے۔ حال ہی میں پاکستان کے فنکار بھی بنگلہ دیش گئے ہیں۔ نامور گلوکار ڈھاکا گئے ہیں۔ وہاں انھیں بہت پذیر ائی ملی ہے۔ دونوں ممالک کے درمیان ثقافتی تعلقات بھی معطل تھے۔ ایک نئے دور کا آغاز وہاں بھی نظر آرہا ہے۔بھارت نے بنگلہ دیش کی ثقافتی مارکیٹ پر بھی قبضہ کیا ہوا تھا اور وہاں بھی پاکستان کا داخلہ بند کیا ہوا تھا۔
پاکستان اور بنگلہ دیش کے درمیان بڑھتی قربتیں یقیناً خطہ میں طاقت کا نیا توازن قائم کر رہی ہیں۔ بھارت کے لیے مشکلات ہونگی ورنہ اس سے پہلے تو بھارت بنگلہ دیش کو ہر محاذ پر پاکستان کے خلاف ہی استعمال کرتا تھا۔ لیکن اب ایسا نہیں ہے۔ مجھے کئی سال پہلے حسینہ واجد کی اقوام متحدہ میں ایک تقریر یاد ہے جہاں وہ پاکستان کے خلاف وہی الزامات لگا رہی تھیں جو بھارت لگاتا تھا۔ ایسا لگ رہا تھا کہ وہ بھارت کی تقریر پڑھ رہی ہیں۔ لیکن اب ایسا نہیں ہوگا۔ ویسے بھی اگر بھارت افغانستان کے قریب ہو رہا ہے تو پاکستان بھی بنگلہ دیش کے قریب ہو رہا ہے۔
بھارت اور بنگلہ دیش کے درمیان تجارتی عدم توازن بھی غیر معمولی ہے۔ بھارت بنگلہ دیش کو بارہ ارب ڈالر کی بر آمدات کرتا ہے۔ اس کے ساتھ بھارت نے چاول اور دیگر اشیا کی درآمد پر پابندی بھی لگائی ہوئی ہے۔ جب کہ بھارت بنگلہ دیش سے صرف دو ارب ڈالر کی درآمد کرتا ہے۔ اس طرح دس ارب ڈالر کا تجارتی عدم توازن موجود ہے۔ جو بھارت کے مفاد میں ہے۔ جیسے جیسے بنگلہ دیش بھارت سے تجارت کم کرے گا تو دوسرے ممالک کو بنگلہ دیش کے ساتھ تجارت کرنے کا موقع ملے گا۔
.ذریعہ: Express News
کلیدی لفظ: دونوں ممالک کے درمیان بھارت اور بنگلہ دیش پاکستان کے ساتھ بیرونی مداخلت بھی بنگلہ دیش تعاون بڑھانے بنگلہ دیش کو کو بنگلہ دیش بنگلہ دیش کی میں پاکستان حسینہ واجد بڑھانے پر ہو رہا ہے کر رہا ہے بھارت سے بھارت کی بھارت کے ا تا تھا خطرہ ہے کے خلاف ہوا تھا رہی ہے لیکن ا
پڑھیں:
ایک کلیدی موڑ پر سربراہان مملکت کے درمیان گفتگو چین امریکہ تعلقات کی سمت کا تعین کرتی ہے۔سی ایم جی کا تبصرہ
ایک کلیدی موڑ پر سربراہان مملکت کے درمیان گفتگو چین امریکہ تعلقات کی سمت کا تعین کرتی ہے۔سی ایم جی کا تبصرہ WhatsAppFacebookTwitter 0 7 June, 2025 سب نیوز
بیجنگ : چینی اور امریکی سربراہان مملکت نے فون پر بات چیت کی جو چار ماہ سے زائد عرصے میں چینی اور امریکی سربراہان مملکت کے درمیان ہونے والی پہلی ٹیلیفونک بات چیت اور امریکی صدر ٹرمپ کی دعوت پر چین کے صدر شی جن پھنگ کو پہلی کال بھی تھی۔ گزشتہ ماہ جنیوا میں ہوانے والے چین-امریکہ اقتصادی و تجارتی مذاکرات کے مثبت نتائج برآمد ہوئے۔
چین نے ذمہ دارانہ انداز میں متعلقہ ٹیرف اور نان ٹیرف اقدامات کو منسوخ یا معطل کیا جو امریکی ” ریسیپروکل ٹیرف” کے تحت ہونے والے اقدامات کےخلاف اٹھائے گئے تھے ،لیکن امریکی فریق نے چین کے خلاف متواتر امتیازی پالیسیاں متعارف کروائی ہیں۔اے آئی چپ ایکسپورٹ کنٹرول گائیڈ لائنز جاری کرنے سے لے کر چین کو چپ ڈیزائن سافٹ ویئر (EDA) کی فروخت روکنے اور چینی طلباء کے ویزوں کی منسوخی کا اعلان کرنے تک کے تمام اقدامات کا سلسلہ جنیوا میں ہونے والے اقتصادی و تجارتی مذاکرات کے اتفاق رائے کی خلاف ورزی ہیں اور چین امریکہ تعلقات کی راہ میں مداخلت اوراس کے نقصان دہ ہیں ۔
اس کلیدی موڑ پر، دونوں سربراہان مملکت کے درمیان کال نے چین-امریکہ تعلقات کو درست راہ پر واپس لانے میں حالات پیدا کئے ہیں ۔ امریکی فریق نے کال کی درخواست میں پہل کی ، جس سے ظاہر ہوتا ہے کہ ٹیرف اور تجارتی جنگ خود امریکہ کے لیے ایک تیزی سے “ناقابل برداشت بوجھ” بنتی جا رہی ہے۔ چین کی طرف سے کال میں جو خلوص دکھایا گیا اور جو اصول اپنائے گئے ،وہ چینی اور امریکی عوام اور یہاں تک کہ دنیا کے لوگوں کے لئے ذمہ داری کے اعلیٰ احساس کی عکاسی کرتے ہیں۔ چین نے واضح طور پر اختلافات کو دور کرنے کے لیے امریکا سے مشاورت پر آمادگی ظاہر کی، لیکن یہ بھی بتایا کہ چین نام نہاد معاہدے کے لیے اپنے اصولی موقف کو کبھی قربان نہیں کرے گا۔ امریکہ کے لیے اولین ترجیح خلوص کا اظہار ، جنیوا مذاکرات کے اتفاق رائے پر عمل درآمد اور چین کے خلاف تمام امتیازی سلوک اور منفی اقدامات کو منسوخ کرنا ہے ۔ چینی صدر شی جن پھنگ نے ٹیلیفونک بات چیت میں اس بات پر بھی زور دیا کہ امریکہ کو تائیوان کے امور کو احتیاط سے سنبھالنا چاہئے تاکہ “تائیوان کی علیحدگی ” کا ایجنڈا رکھنے والے مٹھی بھر علیحدگی پسندوں کو چین اور امریکہ کے مابین تنازعات اور تصادم کی خطرناک صورتحال میں گھسیٹنے سے روکا جا سکے۔ یہ امریکہ میں ان چند افراد کے لئے بھی ایک سخت انتباہ ہے جنہوں نے حال ہی میں اس حوالے سے خطرناک ریمارکس دئے ہیں۔
امید ہے کہ امریکہ قول و فعل میں مطابقت رکھے گا، دونوں سربراہان مملکت کے اہم اتفاق رائے کو عملی جامہ پہنائے گا اور چین امریکہ تعلقات کو مشترکہ طور پر مستحکم، صحت مند اور پائیدار ترقی کے راستے پر گامزن کرنے کے عمل کو فروغ دے گا، جس سے دنیا میں مزید استحکام اور یقین پیدا ہو۔
روزانہ مستند اور خصوصی خبریں حاصل کرنے کے لیے ڈیلی سب نیوز "آفیشل واٹس ایپ چینل" کو فالو کریں۔
WhatsAppFacebookTwitter پچھلی خبرنوے فیصد افراد کا ماننا ہے کہ چین امریکہ تجارتی تنازع کو حل کرنے کے لئے بات چیت اور تعاون ہی واحد درست انتخاب ہے، سی جی ٹی این سروے نوے فیصد افراد کا ماننا ہے کہ چین امریکہ تجارتی تنازع کو حل کرنے کے لئے بات چیت اور تعاون ہی واحد درست انتخاب... چین اور یورپی یونین کے درمیان تین ” اہم معاملات ” میں پیش رفت چین-کینیڈا تعلقات غیر ضروری مداخلت کا شکار ہوئے، چینی وزیر اعظم چین کا جنوبی ایشیائی ممالک کے ساتھ مل کر عالمی صنعتی چین کی حفاظت کو یقینی بنانے کا اعلان چینی صدر کی پانچن لاما ارتنی چوکی گیابو سے ملاقات چین امریکہ تعلقات ایک اہم تاریخی موڑ پر ہیں، چینی نائب صدرCopyright © 2025, All Rights Reserved
رابطہ کریں ہمارے بارے ہماری ٹیم
خیبر پختونخوا میں بارشیں، تیز آندھی سے اب تک 10 افراد جاں بحق