اوپن مارکیٹ میں روپے کے مقابلے ڈالر مہنگا
اشاعت کی تاریخ: 16th, January 2025 GMT
کراچی(کامرس رپورٹر)انٹر بینک اور اوپن مارکیٹ میں روپے کے مقابلے ڈالر مہنگا ہو گیا۔فاریکس ایسوسی ایشن آف پاکستان کی رپورٹ کے مطابق بدھ کو انٹر بینک میں 5پیسے کے اضافے سے ڈالر کی قدر278.75روپے سے بڑھ کر 278.80روپے ہو گئی اسی طرح اوپن مارکیٹ میں 15پیسے بڑھ کر ڈالرکی قدر280.52روپے سے بڑھ کر 280.67روپے پر جا پہنچی۔
.ذریعہ: Jasarat News
پڑھیں:
امریکی ٹینس اسٹار نے ورلڈ نمبر ون کھلاڑی کو شکست دیکر فرنچ اوپن جیت لیا
امریکا کی ٹینس اسٹار 21 سالہ کوکو گوف نے فرنچ اوپن 2025 کا خواتین سنگلز ٹائٹل جیت لیا۔
عالمی خبر رساں ادارے کے مطابق امریکی ٹینس اسٹار نے فائنل میں بیلاروس کی عالمی نمبر ایک کھلاڑی آریانا سبالینکا کو سخت مقابلے کے بعد شکست دی۔
یہ کوکو گوف کا دوسرا گرینڈ سلم ٹائٹل ہے اس سے قبل وہ 2023 کا یو ایس اوپن بھی جیت چکی ہیں۔
فائنل میچ تقریباً 2 گھنٹے اور 38 منٹ جاری رہا اور دونوں کھلاڑیوں کے درمیان شاندار کھیل دیکھنے کو ملا۔
پہلے سیٹ میں سبالینکا نے ٹائی بریک میں برتری حاصل کی، لیکن کوکو گوف نے شاندار کم بیک کرتے ہوئے اگلے دو سیٹس جیت کر پہلی بار رولان گیروس کا تاج اپنے نام کیا۔
یہ 30 برسوں میں صرف دوسرا موقع ہے کہ فرنچ اوپن ویمنز سنگلز کا فائنل عالمی نمبر ایک اور دو کھلاڑیوں کے درمیان کھیلا گیا۔
اس سے پہلے 2013 میں سرینا ولیمز نے ماریا شراپووا کو شکست دی تھی۔
کوکو گوف کی یہ کامیابی ان کے کیریئر کا ایک نیا باب ہے، اور وہ ایک بار پھر یہ ثابت کر چکی ہیں کہ وہ عالمی ٹینس کی سب سے بڑی اسٹارز میں شامل ہو چکی ہیں۔
عالمی نمبر ایک ٹینس کھلاڑی آریانا سبالینکا نے کہا کہ یہ شکست بہت تکلیف دہ ہے۔ کوکو آج مجھ سے بہتر کھیلی تھی، میں اسے مبارکباد دیتی ہوں۔
میچ کی فاتح کوکو گوف نے کہا کہ تین سال پہلے جب میں یہاں فائنل ہاری تھی۔ میں بہت مشکل وقت سے گزر رہی تھی۔ آج میں دوبارہ یہاں آکر فتح حاصل کرنے پر بہت خوش ہوں۔
انہوں نے 2022 میں اِگا شفیونٹیک سے شکست کا ذکر کرتے ہوئے کہا کہ وہ اس وقت ذہنی دباؤ کا شکار تھیں، لیکن آج وہ اپنے کیریئر کی سب سے اہم فتح حاصل کرچکی ہیں۔
نواز شریف طبی معائنے کے لئے لندن روانہ، شام 6 بجے پہنچیں گے