ٹیکسز ،ڈیڈکشن بلزکیخلاف جماعت اسلامی حیدرآباد کااحتجاج آج ہوگا
اشاعت کی تاریخ: 17th, January 2025 GMT
حیدرآباد(اسٹاف رپورٹر)جماعت اسلامی حیدرآباد کا ڈیڈکشن بلوں اور ٹیکسز کی بھرمار کیخلاف آج احتجاج کا اعلان ۔ تفصیلات کے مطابق جماعت اسلامی ضلع حیدرآباد کے تحت بجلی بلوں میں ڈیڈکشن،ٹیکسوں کی بھر مار قیمتوں میں اضافے کے خلاف 17 جنوری بروز جمعتہ المبارک اورنگزیب مسجد گاڑی کھاتہ پر بعد نماز جمعہ بجے امیر جماعت اسلامی ضلع حیدرآباد حافظ طاہر مجید کی قیادت میں احتجاجی مظاہرہ کیا جا ئے گا اور عزہ میں جنگ بندی کے اعلان پر یوم تشکر منایا جائے گا۔
.ذریعہ: Jasarat News
کلیدی لفظ: جماعت اسلامی
پڑھیں:
کوئٹہ میں ایک لاکھ افراد کیساتھ دھرنا دینگے، مولانا ہدایت الرحمان
کارکنوں سے گفتگو کرتے ہوئے مولانا ہدایت الرحمان نے اعلان کیا کہ جماعت اسلامی عوام کو حقوق و سہولیات دینے کیلئے تحریک چلا رہی ہے۔ حقوق کے حصول کیلئے اسلام آباد کی طرف مارچ اور کوئٹہ میں ایک لاکھ افراد کا دھرنا دینگے۔ اسلام ٹائمز۔ جماعت اسلامی بلوچستان کا کہنا ہے کہ عوام کو بنیادی سہولایت فراہم کرنے اور حقوق دلانے کے لئے کوئٹہ میں ایک لاکھ افراد کا دھرنا دیں گے، جبکہ اسلام آباد تک لانگ مارچ کا بھی اعلان کیا گیا ہے۔ کوئٹہ میں جماعت اسلامی کے کارکنوں سے ملاقات کے موقع پر گفتگو کرتے ہوئے امیر جماعت اسلامی بلوچستان و رکن اسمبلی مولانا ہدایت الرحمان بلوچ نے کہا کہ اہل بلوچستان کو سی پیک، سیندک، ریکوڈک کے ثمرات اور موٹروے سے محروم، نوجوانوں کو ترقی، تاجروں کو تجارت، عوام کو تعلیم و صحت کی سہولیات سے محروم کرنے، لاپتہ افراد کی عدم بازیابی، حقوق دینے کے بجائے مسائل کو طاقت سے حل کرنے کی وجہ سے حالات خراب ہیں۔ اس کے مجرم وفاق، اسٹبلشمنٹ، سکیورٹی ادارے اور صوبائی حکومتیں ہیں۔
انہوں نے کہا کہ بلوچستان کو لاوارث، یہاں کے عوام کو انسان نہ سمجھنا، بنیادی انسانی، معاشی حقوق سے محروم کرنا ناقابل معافی جرم ہے۔ کئی دہائیوں سے وفاق و حکومتوں نے بلوچستان میں اجتماعی نوعیت کا کوئی بڑا کام نہیں کیا ہے۔ انہوں نے کہا کہ کوئٹہ تا ژوب ریلوے سفر کی جدید سہولیات، موٹروے سمیت، میٹرو بس سروس پورے ملک میں دستیاب، جبکہ بلوچستان کے علاقے سوئی ڈیرہ بگٹی کا گیس ژوب ڈویژن، لورالائی ڈویژن، حتیٰ کہ کوئٹہ ڈویژن کے آدھے حصہ میں نہیں ہے۔ آدھا بلوچستان بجلی کی نعمت سے محروم ہیں۔ صوبائی دارالحکومت کوئٹہ کا سیورج سسٹم درہم برہم اور بلوچستان میں غربت سب سے زیادہ لیکن غریب کیلئے مفت آٹا نہیں ہے۔ صوبائی دارالحکومت کوئٹہ کی سڑکوں سے دھول اڑ رہے ہیں۔ بے روزگاری انتہاء کو چو رہی ہے۔ صوبائی دارالحکومت سمیت روزگار کیلئے کارخانے نہیں ہیں۔
انہوں نے کہا کہ معیاری علاج کی سہولت کوئٹہ سمیت بلوچستان میں کہیں نہیں ہے۔ پورے بلوچستان کے عوام کا رخ کوئٹہ کی طرف، لیکن سول سنڈیمن ہسپتال میں معیاری علاج اور ادویات نہ ہونے کے برابر ہے۔ بلوچستان کے تمام ڈسٹرکٹ ہیڈکوارٹر ہسپتال میں ڈاکٹروں کی کمی ہے۔ کوئٹہ تا سنجاوی، ہرنائی، زیارت، دکی، پنجگور، تربت اور دالبندین تک نیشنل ہائی وے نہیں ہیں۔ بلوچستان کے دور دراز دیہاتی علاقوں میں صاف پانی نہ ہونے کے برابر ہیں۔ بلوچستان کے دیہاتی علاقوں میں روڈ، ہسپتال، اسکول نہیں، ضلع زیارت سمیت بلوچستان میں کئی پر بھی سیاحوں کیلئے سہولیات، شاہراہ چئیرلفٹ تک نہیں ہیں۔ انہوں نے اعلان کیا کہ جماعت اسلامی عوام کو حقوق و سہولیات دینے کے لئے تحریک چلا رہی ہے۔ ہم حقوق کے حصول کے لئے اسلام آباد کی طرف مارچ اور کوئٹہ میں ایک لاکھ افراد کا دھرنا دیں گے۔
پاکستان کو ملنے والے بیرونی قرضوں اور گرانٹس کی تفصیلات جاری