28 سال بعد ریلیز ہونیوالی پہلی پاکستانی سندھی فلم کا پریمیئر بھارت میں ہوگا
اشاعت کی تاریخ: 20th, January 2025 GMT
پاکستان میں 28 سال کے طویل وقفے کے بعد تیارکردہ سندھی زبان کی پہلی فلم ’سندھو جی گونج‘ یعنی ’انڈس ایکو‘ جے پور فلم فیسٹیول میں نمائش کے لیے پیش کی جارہی ہے، جہاں اس فلم کا پریمیئر 21 جنوری کو ہوگا۔
یہ بھی پڑھیں:پاکستان میں لڑکیوں کی کم عمری میں شادی پر فلم ’سلمیٰ۔ خاموش چیخ‘ ریلیز
جے پور فلم فیسٹیول میں ’سندھو جی گونج‘ کے پریمیئر کو پاکستان فلم انڈسٹری کے لیے ایک تاریخی لمحہ قرار دیا جارہا ہے کیونکہ 1997 کی آخری سندھی فلم ’ہمت‘ کے بعد پاکستان میں بننے والی یہ پہلی سندھی فلم ہے۔
Pakistan will release its first Sindhi-language film in 28 years at the Jaipur Film Festival in India.
— Sahil Chandio (@sahil_chandio1) January 19, 2025
ہدایت کار راہول اعجاز کی فیچر سندھی فلم ’سندھو جی گونج‘ عنقریب پاکستانی سینماؤں میں بھی نمائش کے لیے پیش کی جائے گی، اس فلم کیمکہانی پانچ متوازی کہانیوں کے ذریعے ایک زبردست مرکزی کہانی بیان کرتی ہے۔
فلم ’سندھو جی گونج‘ کی کہانی خطے کے ثقافتی ورثے کی علامت طاقتور دریائے سندھ اور اس کے ارد گرد آباد لوگوں کے گرد گھومتی ہے، راہول اعجاز کے مطابق، طاقتور دریائے سندھ کی استعاراتی اہمیت ثقافتی اور تاریخی حوالوں سے اس فلم کی محرک رہی ہے۔
’فلم خوبصورتی سے کہانیاں بیان کرتی ہے، جس میں سندھ کے قدرتی حسن کو دکھایا گیا ہے۔‘
مزید پڑھیں:پاکستان کی پہلی اینیمیٹڈ فلم ‘دی گلاس ورکر’ آسکر ایوارڈز کے لیے نامزد
فلم ’سندھو جی گونج‘ کی تیاری میں 3 مختلف فلم اسٹوڈیوز نے بین الاقوامی اشتراک کیا ہے، جس میں جنوبی کوریا کی فلم این چپس میڈیا پروڈکشنز، شام فلمز، اور بگ میٹا فلمز شامل ہیں۔
’سندھو جی گونج‘ فلم پاکستان، جنوبی کوریا اور بنگلہ دیش کے درمیان مشترکہ پروڈکشن ہے، جو پاکستانی سنیما کی عالمی رسائی کی غمازی کرتی ہے، اس فلم کے ایگزیکٹو پروڈیوسر شمعون عباسی ہیں۔
مزید پڑھیں:رنگ فلم فیسٹیول، امریکا میں پاکستانی فلم میکرز کا عالمی ایوارڈ میلہ
سندھو جی گونج کا ورلڈ پریمیئر کراچی میں 16 جنوری کو سِنے پیکس سینما میں پہلے ہی ہوچکا ہے، پاکستانی شائقین بھی اینتھم فلمز کے ذریعے پاکستان بھر کے سینما گھروں نمائش کا انتظار کر رہے ہیں، اس ضمن میں حتمی تاریخ کا اعلان نہیں کیا گیا ہے۔
جے پور فلم فیسٹیول میں ’سندھو جی گونج‘ کا نمائش کے لیے پیش کیا جانا سندھی فلم انڈسٹری میں ایک نئے باب کا آغاز بھی ثابت ہوگی جس سے ثقافتوں اور کہانیوں کو دنیا بھر کی سرحدوں کو پار کرنے کا موقع بھی ملے گا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اینتھم فلمز بنگلہ دیش پاکستان جنوبی کوریا جے پور سندھو جی گونج سندھی زبان سینما گھر فلم فلم اسٹوڈیوز فلم انڈسٹری فلم فیسٹیولذریعہ: WE News
کلیدی لفظ: بنگلہ دیش پاکستان جنوبی کوریا جے پور سندھو جی گونج سندھی زبان سینما گھر فلم فلم انڈسٹری فلم فیسٹیول سندھی فلم کے لیے اس فلم جے پور
پڑھیں:
ویمنز ورلڈکپ: جنوبی افریقا اور بھارت پہلی مرتبہ ٹائٹل جیتنے کیلیے بےتاب
جنوبی افریقا اور بھارت آج پہلی مرتبہ ویمنز ورلڈکپ کا ٹائٹل جیتنے کیلیے مدمقابل آئیں گے۔
تفصیلات کے مطابق ویمنز ورلڈکپ کی تاریخ میں یہ پہلا موقع ہے جب فائنل میں آسٹریلیا یا انگلینڈ میں سے کوئی ایک بھی ٹیم موجود نہیں ہوگی۔
بھارتی ٹیم اس سے قبل دو مرتبہ فائنل کھیل چکی ہے تاہم اسے دونوں مرتبہ شکست کا سامنا کرنا پڑا جبکہ جنوبی افریقی ٹیم نے پہلی مرتبہ ویمنز ورلڈکپ کے فائنل میں رسائی حاصل کی ہے۔
سیمی فائنل میں انگلینڈ کو تاریخی شکست سے دوچار کرنے والی جنوبی افریقی ٹیم پہلے مرحلے میں انگلینڈ کے خلاف ہی 69 رنز پر آل آؤٹ ہوگئی تھی۔
دوسری جانب بھارتی ٹیم نے سیمی فائنل میں دفاعی چیمپئن آسٹریلیا کے خلاف ویمنز ون ڈے کی تاریخ کا سب سے بڑا ہدف حاصل کرنے کا ریکارڈ بنایا۔
یاد رہے کہ پہلے مرحلے میں کھیلے گئے میچ میں جنوبی افریقا نے بھارت کو شکست سے دوچار کیا تھا۔
سندھ فوڈ اتھارٹی کی ناقص کارکردگی نے شہریوں کی صحت کو دائوپر لگا دیا