پولیس ٹریننگ سکول ڈیرہ کو بہترین ٹریننگ سکول بنائینگے،علی امین گنڈا پور
اشاعت کی تاریخ: 21st, January 2025 GMT
پولیس ٹریننگ سکول ڈیرہ کو بہترین ٹریننگ سکول بنائینگے،علی امین گنڈا پور WhatsAppFacebookTwitter 0 21 January, 2025 سب نیوز
ڈیرہ اسماعیل خان( محمد ریحان )وزیراعلی خیبرپختونخواہ سردار علی امین گنڈہ پور نے کہا ہے کہ پولیس ٹریننگ سکول ڈیرہ کو بہترین ٹریننگ سکول بنائینگے، صوبے کے دیگر پولیس ٹریننگ سکولوں کو بھی بہتر بنائینگے، جلد مزید بھرتی کرنی ہے، جلد لوگوں کو فیلڈ میں لائینگے ، پولیس کی 9ماہ کی ٹریننگ کو 3ماہ تک لائینگے ،پولیس کی ٹریننگ ، سہولیات اور مرعات میں ہماری حکومت کوئی کثر نہیں چھوڑ رہی ، شہدا کے بچوں کو ہم نے بروقت ان کو انکا حق دے دیا ہے یہ ہمارے لئے فخر کی بات ہے، ترقیوں کے مسئلے پر بھی میرٹ کی پالیسی کیلئے ہم نے ہدایات دے رکھی ہیں ، ان خیالات ڈیرہ اسماعیل خان میں پولیس ٹریننگ سکول کے افتتاح کے موقع پر تقریب سے خطاب کرتے ہوئے کیا
تقریب میں ایڈیشنل آئی جی ٹریننگ اختر عباس ، ڈسٹرکٹ پولیس آفیسر ڈیرہ سجاد احمد صاحبزادہ ، پی ٹی آئی کے فوکل پرسن برائے ترقیات نواز خان ،ایس پی طیب جان سمیت پولیس کے اعلی افسران و جوانان موجود تھے، وزیراعلی خیبرپختونخواہ کی آمدپر ان کا ایڈیشنل آئی جی ٹریننگ اختر عباس اور ڈی پی او ڈیرہ سجاد احمد صاحبزادہ نے شاندار استقبال کیا، بچوں نے ان کو گلدستے پیش کئے، پولیس ٹریننگ سکول کی نقاب کشائی کرکے افتتاح کیا گیا، وزیراعلی خیبرپختونخواہ نے نئے قائم ہونیوالے پولیس ٹریننگ سکول کے مختلف حصوں کا معائنہ کیا، اس موقع پر زیر تربیت پولیس جوانوں نے موک ایکسرسائز پیش کی ،وزیراعلی خیبرپختونخواہ سردار علی امین گنڈہ پور نے کہا کہ مجھے خوشی ہے کہ ہمارا تعلق خیبرپختونخواہ سے ہے جس کے اوپر پوری دنیا کی نظریں ہیں ،ہمارا لمبا بارڈر ہے صوبے میں امن قائم کرنا ہمارے لئے ایک بڑا چیلنج ہے
ہمیں تمام شہدا اور غازیوں پر فخر ہے کہ جنہوں نے اپنی جانوں کے نظرانے پیش کئے اور ہمارے اور قوم کے بچوں کے مستقبل کو محفوظ بنایا ،غازیوں پر بھی فخر ہے کہ وہ ان مشکل حالات میں بھی اپنے صوبہ، اپنے ملک کیلئے بہادری سے مقابلہ کررہے ہیں ، اور ایسے لوگوں کا مقابلہ کر رہے ہیں جو سپر پاور کو شکست دے چکے ہیں ، انہوں نے کہا کہ بعض اوقات خیبرپختونخواہ کا موازنہ دیگر صوبوں کے امن سے کیا جاتاہے جیسے ان صوبوں میں کچے کے ڈاکوئوں کیساتھ موازنہ کیا جاتا ہے اس میں کافی فرق ہے، جن لوگوں نے سپر پاور کو شکست دی لیکن الحمد اللہ وہ لوگ اب تک ہماری فورسز کو شکست نہیں دے سکے، پولیس امن کے قیام میں بنیادی کردار ادا کررہی ہے جوکہ ہمارے لئے فخر ہے۔سردار علی امین خان گنڈہ پور نے مزید کہاکہ جب سے ہماری حکومت آئی ہے ہمارے سامنے پولیس کے حوالے سے جو بھی مسائل سامنے آئے ہیں ہم نے دل کھول کر ان مسائل کو حل کیا ہے، پولیس کو جتنی زیادہ سہولیات ہم دینگے وہ بہتر ماحول میں اپنے فرائض سرانجام د ینگے، اگلے دو ماہ کے اندر پولیس کی سہولیات اور حفاظت کیلئے سامان پہنچ جائیگا اور کچھ سامان پہنچ چکا ہے، پولیس کے پاس بلٹ پروف گاڑیاں نہیں تھیں لیکن پولیس دہشتگردوں کا مقابلہ کررہی تھی میں نے سوچا کہ اگر وزیراعلی بلٹ پروف گاڑی میں گھومتا ہے تو پولیس کے جوانوں کے پاس بھی ہونی چاہیئں،جس کا آغاز ڈیرہ اسماعیل خان سے ہوچکا ہے، رواں ماہ پولیس کیلئے ایسی جدید گاڑیاں فراہم کی جائیں گی جس طرح صوبے کا وزیراعلی اور وزرا جن گاڑیوں میں سفرکرتے ہیں ، پولیس موبائل بھی بلٹ پروف نہیں ہیں جس کی وجہ سے جانی نقصان زیادہ ہوتاہے، رواں ماہ 30پولیس موبائل بلٹ پروف کی جارہی ہیں جبکہ جلد مزید130پولیس موبائلز کو بلٹ پروف کر دیا جائیگا، پولیس کے پاس جزبہ ہے لیکن سہولیات کی کمی ہے، انشا اللہ جزبہ کیساتھ ساتھ پولیس کو جدید سہولیات سے آراستہ کرینگے۔
.
ذریعہ
ذریعہ: Daily Sub News
کلیدی لفظ: پولیس ٹریننگ سکول علی امین
پڑھیں:
کراچی: کیماڑی میں 6 سالہ بچی کے اغوا اور قتل میں ملوث مرکزی ملزم مبینہ پولیس مقابلے میں ہلاک
کراچی کے ساحلی علاقے کیماڑی میں پولیس نے ایک 6 سالہ بچی کے اغوا اور سفاکانہ قتل میں ملوث مرکزی ملزم کو مبینہ پولیس مقابلے کے دوران ہلاک کرنے کا دعویٰ کیا ہے۔
پولیس ترجمان کے مطابق یہ پیش رفت جیرکسن تھانے کی حدود میں پیش آئی، جہاں مبینہ ملزم کی موجودگی کی اطلاع پر پولیس پارٹی نے مبارک مسجد کے قریب چھاپہ مارا۔ پولیس کو دیکھتے ہی ملزم نے اہلکاروں پر براہِ راست فائرنگ شروع کر دی، جس پر پولیس نے بھی جوابی فائرنگ کی۔ اس تبادلے میں ملزم گولی لگنے سے شدید زخمی ہوا اور بعد میں دم توڑ گیا۔
یہ بھی پڑھیں: کمسن بچی کے قتل کیس میں مجرم کی اپیل مسترد، سزائے موت برقرار
تفتیشی حکام کا کہنا ہے کہ ملزم تک رسائی مختلف علاقوں کی سی سی ٹی وی فوٹیج کی تفصیلی جانچ پڑتال اور دیگر تکنیکی و جغرافیائی شواہد کی مدد سے ممکن ہوئی۔ اس سے قبل، معصوم بچی کی لاش منوہرہ کے قریب جھاڑیوں سے برآمد ہوئی تھی۔
پولیس سرجن ڈاکٹر سمیہ سید نے میڈیکو لیگل کا جائزہ لینے کے بعد تصدیق کی کہ بچی کو بدترین جنسی تشدد اور جسمانی تشدد کا نشانہ بنایا گیا ہے، جبکہ اس کے پورے جسم پر تشدد کے واضح نشانات موجود ہیں۔ بچی کی موت کی حتمی وجہ کا تعین فارنسک لیبارٹری کو بھیجے گئے نمونوں کی رپورٹ آنے کے بعد کیا جائے گا۔
یہ بھی پڑھیں: پشاور: 8 سالہ بچی مبینہ زیادتی کے بعد قتل، لاش ہمسائے کے صندوق سے برآمد
پولیس کے مطابق جیرکسن تھانے میں پہلے ہی بچی کے اغوا اور قتل کے حوالے سے پاکستان پینل کوڈ کی دفعات 364-A اور 302 کے تحت مقدمہ (FIR No. 265/2026) درج تھا۔ اب پولیس مقابلے کا ایک الگ کیس بھی اسی تھانے میں درج کیا جا رہا ہے اور کرائم سین کو سیل کر کے تمام سائنسی و فارنسک ثبوت تحویل میں لے لیے گئے ہیں۔
اس واقعے سے چند ہی دن قبل بھی کراچی میں 6 سالہ بچے کے اغوا، زیادتی اور قتل کے الزام میں ایک 20 سالہ نوجوان کو گرفتار کیا گیا تھا، جس کی لاش بوری میں بند کر کے ویران پلاٹ پر پھینکی گئی تھی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news پولیس مقابلہ زیادتی قتل کراچی کمسن بچی ملزم ہلاک
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار