ن لیگ اور پی ٹی آئی رہنما ٹاک شو کے دوران لڑ پڑے، ویڈیو وائرل
اشاعت کی تاریخ: 22nd, January 2025 GMT
قومی میڈیا پر ٹاک شوز کے دوران سیاسی رہنماؤں کی لڑائیوں کا سلسلہ رک نہ سکا، شیر افضل مروت اور سینیٹر افنان اللہ کے بعد اب مسلم لیگ ن کے رہنما اختیار ولی اور پی ٹی آئی کے وکیل رہنما نعیم حیدر پنجوتھا کے درمیان جھگڑا ہوگیا، جس کی ویڈیو سوشل میڈیا پر وائرل ہوگئی۔
مختلف سوشل میڈیا سائٹس پر وائرل ہونے والی ویڈیو میں دیکھا جا سکتا ہے کہ نجی ٹی وی کے پروگرام میں اختیار ولی اور نعیم حیدر پنجوتھا کے درمیان تلخ کلامی کے بعد بات ہاتھا پائی تک جا پہنچی۔ اور دونوں ایک دوسرے پر چیختے رہے۔
پاکستان کے میڈیا پر تھپڑ مارنے کا سلسلہ نہ رُک سکا۔ ماضی قریب میں مین اسٹریم میڈیا پر ہونے والی چند مشہور لڑائیاں۔
1.
2.فردوس عاشق اعوان بمقابلہ قادر مندوخیل
3.شیر افضل مروت بمقابلہ سینیٹر افنان اللہ
4۔اختیار ولی خان بمقابلہ نعیم پنجوتھا pic.twitter.com/NdWhEt48yK
— WE News (@WENewsPk) January 22, 2025
سامنے آنے والی ویڈیو میں دیکھا جا سکتا ہے کہ دونوں سیاسی رہنماؤں نے ایک دوسرے کی قیادت کے خلاف نازیبا الفاظ استعمال کیے، اسی دوران اختیار ولی اٹھ کر کھڑے ہوگئے، اس کے بعد نعیم حیدر پنجوتھا بھی کھڑے ہوئے تو دونوں گتھم گتھا ہوگئے۔ بعد ازاں اسٹوڈیو میں موجود عملہ درمیان میں آیگ اور بیچ بچاؤ کرایا۔
یاد رہے کہ اس سے قبل بھی سیاسی رہنماؤں کی ٹاک شوز میں لڑائیاں ہو چکی ہیں۔ ستمبر 2023 میں شیر افضل مروت اور سینیٹر افنان اللہ کے درمیان ایک ٹاک شو کے دوران ہاتھا پائی ہوئی تھی۔
اس سے قبل سینیئر سیاستدان فردوس عاشق اعوان نے پاکستان پیپلزپارٹی کے رہنما قادر مندوخیل کو تھپڑ مار دیا تھا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews اختیار ولی پی ٹی آئی ٹاک شو جھگڑا گتھم گتھا مسلم لیگ ن نجی ٹی وی نعیم حیدر پنجوتھا ہاتھا پائی وی نیوزذریعہ: WE News
کلیدی لفظ: پی ٹی ا ئی ٹاک شو جھگڑا مسلم لیگ ن نجی ٹی وی وی نیوز میڈیا پر
پڑھیں:
ہمت ہے توپکڑ کردکھائو،معروف ٹک ٹاکرکا پنجاب پولیس کو کھلا چیلنج، پستول کے ساتھ ویڈیو وائرل
لاہور (نیوز ٍڈیسک)معروف ٹک ٹاکر ایمل محمود مغل نے ایک نئی متنازعہ ویڈیو کے ذریعے سوشل میڈیا پر ہلچل مچا دی، جس میں وہ اسلحہ کی نمائش کرتے ہوئے کھلے عام قانون کو چیلنج کرتی نظر آ رہی ہیں۔
سائبر کرائم ڈائریکٹوریٹ (CCD) کی جانب سے لاہور میں خطرناک ماضی رکھنے والے افراد کے خلاف گھیرا تنگ کیے جانے کے دوران یہ ویڈیو سامنے آئی ہے، جس میں ایمل محمود احمد مغل ایک ہینڈ گن کے ساتھ دیکھی جا سکتی ہیں۔ ویڈیو میں وہ پرسکون انداز میں اپنی گود میں پستول رکھ کر بیٹھی ہیں، جو کہ واضح طور پر حکومتی احکامات اور قوانین کی خلاف ورزی ہے۔
متعلقہ حکام کے مطابق، یہ عمل نہ صرف CCD کے قواعد کی خلاف ورزی ہے بلکہ پنجاب کے سائبر اور پبلک سیفٹی قوانین کے تحت ایک مجرمانہ جرم بھی ہے۔
سوشل میڈیا صارفین نے واقعے پر شدید ردعمل کا اظہار کرتے ہوئے کہا ہے کہ ایسے غیر ذمہ دارانہ رویے معاشرے میں خوف، تشدد اور لاقانونیت کو فروغ دیتے ہیں۔ کچھ صارفین نے اس عمل کو آئی جی پنجاب اور CCD کے لیے براہ راست چیلنج قرار دیا، جنہوں نے بارہا تنبیہ کی ہے کہ سوشل میڈیا پر اسلحہ کی نمائش یا دھونس دھمکی پھیلانے کی اجازت نہیں دی جائے گی۔
تاحال حکام کی جانب سے کوئی باضابطہ کارروائی سامنے نہیں آئی، مگر یہ واقعہ ایک بار پھر اسلحہ کی نمائش پر پابندی کے قانون پر عمل درآمد اور سخت احتساب کے مطالبے کو ہوا دے رہا ہے۔
https://dailymumtaz.com/wp-content/uploads/2025/07/tiktoker.mp4 Post Views: 4
’وزیرِاعلیٰ نے فنڈ میں خیانت کی، وہ صادق و امین نہیں رہے‘: علی امین گنڈاپور کیخلاف مقدمے کی درخواست