ہم لبنان کے ساتھ تعلقات کو مزید بہتر بنانے کے خواہاں ہیں، کویت
اشاعت کی تاریخ: 25th, January 2025 GMT
کویتی وزیر خارجہ عبداللہ الیحیا نے اس بات پر تاکید کی کہ ہم لبنان کے ساتھ بہتر تعلقات قائم کرنا اور خطے میں سلامتی اور استحکام کو مضبوط بنانا چاہتے ہیں۔ اسلام ٹائمز۔ کویت کے وزیر خارجہ نے کہا کہ ہم لبنان کے ساتھ تعلقات کو مزید بہتر بنانے اور علاقے میں سلامتی و استحکام کو مستحکم کرنے کے خواہاں ہیں۔بفارس نیوز کے مطابق، کویت کے وزیر خارجہ عبداللہ الیحیا نے بیروت میں لبنان کے وزیر خارجہ عبداللہ بو حبیب کے ساتھ مشترکہ پریس کانفرنس میں کہا کہ ہم نے یہ بات زور دے کر کہی کہ لبنان کے لیے مستقبل کی تعمیر کے مواقع موجود ہیں۔ ہم لبنان کے ساتھ تعلقات کو مزید بہتر بنانے اور علاقے میں سلامتی و استحکام کو مستحکم کرنے کے خواہاں ہیں۔
الیحیا نے کہا کہ ہم لبنان کی مکمل خودمختاری اور علاقائی سالمیت کی حمایت کرتے ہیں اور سلامتی کونسل کے قرارات اور طائف معاہدے پر عمل درآمد کی اہمیت پر زور دیتے ہیں۔ کویت کے وزیر خارجہ نے کہا کہ ہم لبنان میں جنگ بندی پر عمل درآمد پر زور دیتے ہیں۔ انہوں نے وضاحت کی کہ یہ دورہ خلیج تعاون کونسل کی جانب سے لبنان کے ساتھ تعاون کو فروغ دینے اور اس کی حمایت کے عزم کو ظاہر کرتا ہے۔
اس دوران، خلیج تعاون کونسل کے سیکریٹری جنرل جاسم البدوی، جو کویت کے وزیر خارجہ کے ہمراہ لبنان کے دورے پر تھے، نے کہا کہ ہم لبنان کی حمایت اور آئندہ کے مرحلے میں تعلقات کو مزید مستحکم کرنے پر زور دے رہے ہیں۔ انہوں نے کہا کہ لبنانی حکام عرب ممالک کے ساتھ اپنے تعلقات کو مضبوط بنانے کے لیے ضروری اصلاحات پر کام کر رہے ہیں۔ البدوی نے اعلان کیا کہ خلیج تعاون کونسل نے لبنان کی سرزمین سے اسرائیلی فوجیوں کے انخلاء کی ضرورت پر زور دیا۔
ذریعہ: Islam Times
کلیدی لفظ: نے کہا کہ ہم لبنان ہم لبنان کے ساتھ تعلقات کو مزید تعاون کو
پڑھیں:
بھارت کیساتھ تمام تعلقات منقطع، مسلح افواج ملکی سلامتی اور دفاع کیلئے تیار،دفتر خارجہ
اسلام آباد(نیوزڈیسک)ترجمان دفتر خارجہ شفقت علی خان نے ہفتہ وار بریفنگ دیتے ہوئے کہا کہ پاکستان کی مسلح افواج ملکی سلامتی اور دفاع کیلئے تیار ہیں۔ شفقت علی خان کا کہنا ہے کہ بھارتی اقدامات نے دو قومی نظریے پر مہر ثابت کر دی۔ پاکستان کی فضائی حدود بھارتی پروازوں کیلئے بند کر دی گئی ہے،
ترجمان دفتر خارجہ شفقت علی خان نےکہا کہ بھارت نے یکطرفہ طور پر سندھ طاس معاہد کو معطل کیا، بھارت کے رویے سے علاقائی امن واستحکام کو نقصان کا اندیشہ ہے۔ واہگہ بارڈر پر ہر قسم کی آمدورفت بند کر دی گئی، سارک اسکیم کے تحت بھارتیوں کے تمام ویزے معطل کر دیے، سکھ یاتری ویزہ معطل سے مستثنیٰ ہیں۔
شفقت علی خان نے میڈیا کو بریفنگ دیتے ہوئے بتایا کہ بھارتی ہائی کمیشن کے اسٹاف کی تعداد کم کر کے 30 کر دی گئی ہے، پاکستان کی فضائی حدود بھارتی پروازوں کیلئے بند کر دی گئی ہے، پاکستان کی مسلح افواج ملکی سلامتی اور دفاع کیلئے تیار ہیں۔
ترجمان دفتر خارجہ کا کہنا ہے کہ بھارتی اقدامات نے دو قومی نظریے پر مہر ثابت کر دی، کل قومی سلامتی کمیٹی کے اجلاس میں پاکستان نے بھارت کو جوابات دیے، وزیراعظم نے حالیہ دورہ ترکیہ میں ترک قیادت کے ساتھ مفید بات چیت کی۔
انھوں نے میڈیا کو بریفنگ دیتے ہوئے مزید کہا کہ متحدہ عرب امارات کے نائب وزیراعظم نے پاکستان کا دورہ کیا، فریقین نے مختلف شعبوں میں تعاون بڑھنے پراتفاق کیا
آئی فون 15 پرو اور 15 پرو میکس کی کم قیمتوں پر واپسی متعارف، ایپل کا بڑا اعلان
وزیراعظم محمد شہباز شریف کا مالی سال 2025 کے پہلے 9 ماہ میں آئی ٹی برآمدات میں 2.828 بلین ڈالر (گزشتہ سال کے مقابلے 23 فیصد) اضافے کا خیر مقدم