کمرشل امپورٹرز کا اسٹیٹ بینک سے شرح سود سنگل ڈیجٹ پرلانے لا مطالبہ
اشاعت کی تاریخ: 25th, January 2025 GMT
سنگل ڈیجٹ شرح سود سے کاروباری سرگرمیوں میں تیزی آئے گی، معیشت پر مثبت اثرات مرتب ہوں گے، چیئرمین پی سی ڈی ایم ایپاکستان کیمیکلز اینڈ ڈائز مرچنٹس ایسوسی ایشن (پی سی ڈی ایم اے) کے چیئرمین سلیم ولی محمد نے گورنر اسٹیٹ بینک آف پاکستان سے شرح سود کو سنگل ڈیجٹ پر لانے کا مطالبہ کرتے ہوئے کہا ہے کہ پالیسی ریٹ میں کمی سے کاروباری سرگرمیوں میں تیزی آئے گی جس کے ملکی معیشت پر مثبت اثرات مرتب ہوں گے۔انہوں نے ایک بیان میں مانیٹری پالیسی کمیٹی کی توجہ ملک میں افراط زرکی شرح میں بتدریج کمی کی طرف مبذول کراتے ہوئے کہا کہ مانیٹری پالیسی کمیٹی کو افراط زر میں کمی کو مدنظر رکھتے ہوئے شرح سود میں نمایاں کمی کرنے کی ضرورت ہے جس کے نتیجے میں بزنس کمیونٹی کو بینکوں سے قرض لینے کی ترغیب ملے گی اوراس طرح انہیں درپیش سرمائے کی قلت کو دور کرنے میں مدد ملے گی۔چیئرمین پی سی ڈی ایم اے نے مزید کہا کہ جب شرح سود انتہائی زیادہ تھا تو زائد منافع حاصل کرنے کے لیے لوگوں نے بینکوں کا رْخ کیا اور اپناخطیر سرمایہ لگایا تاہم اگر شرح سود سنگل ڈیجٹ پر آتا ہے تو یقینی طور پربینکوں سے سرمایہ مارکیٹوں اور انڈسٹری میں واپس آئے گا اور کاروباری وصنعتی سرگرمیوں میں تیزی آئے گی لہٰذا مرکزی بینک کو پی سی ڈی ایم اے کی تجویز پر ضرور غور کرنا چاہیے۔سلیم ولی محمد نے گورنر اسٹیٹ بینک سے شرح سود کو سنگل ڈیجٹ پر لانے کا مطالبہ دہراتے ہوئے کہا کہ حکومت اگر واقعی کاروباری و صنعتی سرگرمیوں کو فروغ دینا چاہتی ہے تو اسے بزنس فرینڈلی اقدامات کرنا ہوں گے بصورت دیگر حکومت کی تمام کوششیں رائیگاں ثابت ہوں گی۔
.ذریعہ: Jasarat News
کلیدی لفظ: سنگل ڈیجٹ پر پی سی ڈی ایم
پڑھیں:
پریانکا چوپڑا عالمی سازش کے خلاف مشن پر نکل پڑیں
بالی ووڈ اور ہالی ووڈ اسٹار پریانکا چوپڑا اور جان سینا کی فلم ’ہیڈز آف اسٹیٹ‘ کا ٹریلر جاری کر دیا گیا ہے۔
اس فلم میں پریانکا چوپڑا عالمی سازش کے خلاف مشن پر ایکشن کرتی نظر آئیں گی۔ ایکشن سے بھرپور اس فلم میں کامیڈی کا تڑکہ بھی ہوگا۔
بڑے پردے پر یہ فلم 2 جولائی کو ریلیز ہوگی جس میں پریانکا چوپڑا، جان سینا، ادریس ایلبر اور جیک کوائیڈ اہم کرداروں میں نظر آئیں گے۔ فلم کی ہدایت کاری ایلیا نیشولر نے کی ہے۔
ہیڈ آف اسٹیٹ کی کہانی امریکی صدر (جان سینا) اور برطانوی وزیر اعظم (ادریس ایلبر) کے گرد گھومتی ہے جو دشمن علاقے میں پھنس جاتے ہیں۔ پریانکا چوپڑا ایم آئی 6 ایجنٹ ’نوئل بِسے‘ کا کردار ادا کر رہی ہیں، جو ان دونوں رہنماؤں کو بچانے اور ایک بین الاقوامی سازش کو روکنے کی مہم پر نکلتی ہیں۔
ٹریلر میں مزاحیہ اور سنسنی خیز مناظر شامل ہیں، جن میں ہوائی جہاز پر حملہ، رہنماؤں کی جان بچانا، اور پھر دنیا کو بچانے کے لیے ان کا اتحاد دکھایا گیا ہے۔
ہیڈز آف اسٹیٹ 2 جولائی کو پرائم ویڈیو پر انگریزی کے ساتھ ہندی، تمل، تیلگو اور ملیالم زبانوں میں ریلیز کی جائے گی۔
یاد رہے کہ پریانکا چوپڑا کے کیریئر میں سال 2025 خاص اہمیت رکھتا ہے۔ وہ جلد ہی ایس ایس راجمولی کی فلم SSMB29 میں مہیش بابو کے ساتھ نظر آئیں گی، جو ان کی تقریباً 20 سال بعد تیلگو سینما میں واپسی ہوگی۔ اس کے علاوہ وہ The Bluff اور Citadel سیزن 2 میں بھی جلوہ گر ہوں گی۔
متحدہ عرب امارات کے وزیر خارجہ کا دورہ پاکستان