پیشہ ور بھکاریوں کی بڑھتی تعداد
اشاعت کی تاریخ: 27th, January 2025 GMT
پاکستان میں پیشہ ور بھکاریوں کی تعداد میں مسلسل اضافہ ہورہا ہے، جن میں بچوں کی بھی قابل ذکر تعداد شامل ہے۔ کوئی شہر، چوراہا، یا محلہ ان کی موجودگی سے محفوظ نہیں۔ یہ مسئلہ نہ صرف معاشرتی اقدار کو نقصان پہنچا رہا ہے بلکہ بچوں کے بنیادی حقوق کی سنگین خلاف ورزی بھی ہے۔ لاہور میں حالیہ کارروائی کے دوران پولیس نے ڈیفنس کے علاقے میں بچوں سے بھیک منگوانے والے دو افراد کو گرفتار کیا۔ ملزمان کے قبضے سے 10 بچوں کو برآمد کیا گیا، جنہیں بعد میں چائلڈ پروٹیکشن بیورو کے حوالے کردیا گیا۔ یہ واقعہ ان گنت کہانیوں میں سے ایک ہے جو یہ ظاہر کرتا ہے کہ پیشہ ور بھکاری گروہ معصوم بچوں کو زبردستی یا دھوکا دہی کے ذریعے بھیک مانگنے پر مجبور کرتے ہیں۔ پاکستان میں پیشہ ور بھکاریوں کی اصل تعداد کا تعین مشکل ہے، لیکن مختلف اندازوں کے مطابق صرف لاہور میں روزانہ سڑکوں پر موجود بھکاریوں کی تعداد تقریباً 20 ہزار ہے، جن میں ایک بڑا حصہ بچوں پر مشتمل ہے۔ کراچی میں پیشہ ور بھکاریوں کی تعداد 50 ہزار سے تجاوز کرچکی ہے۔ چائلڈ پروٹیکشن بیورو پنجاب کے مطابق، صرف 2024 کے ابتدائی چھے ماہ میں 800 سے زائد بچے بھیک مانگتے ہوئے پکڑے گئے۔ یہ بھکاری بچوں کے اغوا سے لے کر کئی اور بھی کئی جرائم میں ملوث ہیں۔ یہ مسئلہ صرف قانون نافذ کرنے والے اداروں کے ذریعے حل نہیں ہوسکتا۔ عوام اور حکومت کو مشترکہ طور پر مندرجہ ذیل اقدامات اٹھانے ہوں گے۔ بچوں کو بھکاری مافیا سے بچانے کے لیے سخت قانونی کارروائی ضروری ہے۔ عوام کو یہ سمجھانا ضروری ہے کہ پیشہ ور بھکاریوں کو رقم دینا ان کے جرائم کو فروغ دیتا ہے۔ غریب بچوں کے لیے تعلیم اور ہنر سکھانے کے مراکز کا قیام۔ کے ساتھ حکومت کو روزگار کے مواقع پیدا کرکے غربت کے خاتمے کی کوشش کرنی ہوگی۔ بچوں سے بھیک منگوانا نہ صرف سماجی جرم بلکہ انسانی حقوق کی سنگین خلاف ورزی ہے۔ اس مسئلے کو جڑ سے اکھاڑنے کے لیے سخت قوانین، موثر عمل درآمد، اور عوامی تعاون کی ضرورت ہے۔ اگر ہم اس چیلنج سے نمٹنے میں کامیاب ہوتے ہیں تو ہم اپنے معاشرے کو بہتر اور محفوظ مستقبل فراہم کرسکتے ہیں۔
.ذریعہ: Jasarat News
پڑھیں:
سعودی عرب میں ٹرین سے سفر کرنے والوں کی تعداد میں اضافہ ریکارڈ
سعودی عرب کے ریلوے سیکٹر نے سال 2025 کی دوسری سہ ماہی میں 3 کروڑ 65 لاکھ سے زائد مسافروں کو سفری سہولت فراہم کی، جو پہلی سہ ماہی کے مقابلے میں 10 لاکھ زیادہ ہے۔
یہ بھی پڑھیں: ترقی کے سفر میں ایک قدم آگے، سعودی عرب ہائیڈروجن ٹرین چلانے کے لیے تیار
سعودی محکمہ ٹرانسپورٹ کی جانب سے جاری اعداد و شمار کے مطابق سعودی عرب میں شہری ریلوے سروسز (اربن ریل) میں نمایاں اضافہ دیکھنے میں آیا، جہاں میٹرو نظام کے ذریعے 3 کروڑ 38 لاکھ سے زائد افراد نے سفر کیا۔ ان میں ریاض میٹرو سب سے آگے رہی، جس نے 2 کروڑ 36 لاکھ سے زائد مسافروں کو خدمات فراہم کیں۔
دوسرے نمبر پر کنگ عبدالعزیز انٹرنیشنل ایئرپورٹ جدہ میں آٹومیٹڈ پیپل موور رہا، جسے 77 لاکھ 60 ہزار سے زیادہ مسافروں نے استعمال کیا، جبکہ ریاض میں واقع شہزادی نورہ یونیورسٹی کی کیمپس ریل سروس سے 5 لاکھ 12 ہزار سے زائد طالبات نے استفادہ حاصل کیا۔
یہ بھی پڑھیں: سعودی خواتین پہلی مرتبہ حرمین ٹرین چلانے لگیں
شہروں کے درمیان چلنے والی انٹر سٹی ٹرینوں کی سروس میں بھی سالانہ بنیاد پر 10 فیصد اضافہ ہوا، اور 26 لاکھ 70 ہزار سے زائد افراد نے ایک شہر سے دوسرے شہر سفر کیا، مجموعی طور پر سعودی عرب میں ٹرینوں کے ذریعے مسافروں کی تعداد 3 کروڑ 65 لاکھ سے زیادہ ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news آٹومیٹڈ پیپل ٹرین ریاض میٹرو ریکارڈ اضافہ سعودی عرب سفری سہولت محکمہ ٹرانسپورٹ مسافر
کراچی میں شلوار قمیض پہنے شہری کو ریسٹورنٹ سے نکال دیا گیا، شہری کا عدالت سے رجوع