گلبر خان کی قیادت میں گلگت بلتستان میں علاقائی جماعت کی تشکیل کیلئے کوششیں شروع
اشاعت کی تاریخ: 29th, January 2025 GMT
صوبائی وزیر راجہ ناصر علی خان نے تصدیق کرتے ہوئے بتایا کہ ہم نے فیصلہ کر لیا ہے کہ اب کسی جماعت کا حصہ نہیں بنیں گے بلکہ اپنی جماعت بنائیں گے، یہ وقت کی اہم ترین ضرورت ہے۔ اسلام ٹائمز۔ گلگت بلتستان میں علاقائی جماعت کی تشکیل کیلئے کوششیں شروع ہو گئیں، ممکنہ طور پر بننے والی علاقائی جماعت کو وزیر اعلیٰ حاجی گلبر خان لیڈ کرینگے۔ ان کے علاوہ صوبائی وزراء راجہ ناصر علی خان، حاجی عبد الحمید، شمس الحق لون، دلشاد بانو، راجہ اعظم خان، سید امجد زیدی بھی اس مجوزہ جماعت میں شامل ہوں گے۔ بلتستان کے سینیئر صحافی محمد اسحاق جلال کے مطابق جماعت کی تشکیل کیلئے وزیر اعلیٰ اور وزراء کے درمیان کئی نشستیں ہوئی ہیں اور تمام نے علاقائی جماعت کی تشکیل پر اتفاق کر لیا ہے اور اس بابت رابطہ مہم شروع کرنے کا فیصہ کر لیا گیا ہے۔ علاقائی جماعت کی تشکیل کا مقصد علاقے کے آئینی، بنیادی اور سیاسی حقوق کے حصول کیلئے کوششیں تیز کرنا ہے۔ صوبائی وزیر راجہ ناصر علی خان نے علاقائی جماعت کی تشکیل کی کوششوں کی تصدیق کرتے ہوئے بتایا کہ ہم کب تک وفاق کی طرف دیکھتے رہیں گے؟
صوبائی وزیر کا مزید کہنا تھا کہ آج نہ سہی تو کل ہمیں علاقائی جماعت ضرور بنانا پڑے گی، اس کیلئے کل کی بجائے کوشش آج کیوں نہ کر لی جائے۔ جب تک ہماری اپنی جماعت نہیں ہوگی تب تک ہماری کوئی عزت نہیں ہو گی اور نہ ہی ہمارے حقوق کا تحفظ ہو گا۔ ان کا کہنا تھا کہ جب تک ہم علاقائی جماعت نہیں بنائیں گے ہمارے دکھوں کا مداوا نہیں ہو گا۔ ہم نے ضرورت کے پیش نظر علاقائی جماعت کی تشکیل کیلئے باقاعدہ کوششیں شروع کر دی ہیں، مجوزہ جماعت میں وزیر اعلیٰ سمیت کئی وزراء شامل ہونگے، ہم علاقے کے حقوق کیلئے مشترکہ کوششیں کرینگے اور عوام کیلئے لڑیں گے۔ یہ ہمارا عہد ہے کہ انشاء اللہ ہم اپنی کوششوں میں کامیاب ہوں گے، مگر ہم نے فیصلہ کر لیا ہے کہ اب کسی جماعت کا حصہ نہیں بنیں گے بلکہ اپنی جماعت بنائیں گے، یہ وقت کی اہم ترین ضرورت ہے۔
ذریعہ: Islam Times
کلیدی لفظ: علاقائی جماعت کی تشکیل کی جماعت کی تشکیل کیلئے کر لیا
پڑھیں:
پی ٹی آئی جو تحریک شروع کرنے جارہی ہے ان کو اس سے کچھ نہیں ملےگا: رانا ثنا
فیصل آباد (ڈیلی پاکستان آن لائن) وزیر اعظم کے معاون خصوصی برائے سیاسی امور رانا ثنا اللہ کا کہنا ہے کہ پی ٹی آئی جو تحریک شروع کرنے جارہی ہے ان کو اس سے کچھ نہیں ملےگا۔
نجی ٹی وی جیو نیوز کے مطابق فیصل آباد میں نماز عید کی ادائیگی کے بعد میڈیا سے گفتگو کرتے ہوئے رانا ثنا اللہ نے کہا کہ پی ٹی آئی اس وقت کوئی تحریک چلانے کی پوزیشن میں نہیں ہے، اپوزیشن وزیراعظم کی ملاقات کی پیشکش کو قبول کرے، اپوزیشن ہمارے ساتھ بیٹھےاور الیکشن قوانین میں ترامیم کرے۔
انہوں نے کہا کہ اپوزیشن 24 کروڑ عوام کے مسائل کے حل کے لیے ہمارے ساتھ بات کرے، معاشی خوشحالی ہر فرد کامسئلہ ہے۔
رانا ثنا نے مزید کہا کہ اپوزیشن پہلے میثاق معیشت کرے، میثاق معیشت کے بعد سیاست سمیت دیگر مسائل پر بھی بات ہوجائے گی، پاکستان کو درپیش مسائل پر قومی اتفاق رائے پیداکیا جانا چاہیے۔
ان کا مزید کہنا تھا کہ پاکستان نے بھارت کو ایسا جواب دیا کہ وہ آج دنیا میں رسوا ہو رہا ہے، پاکستان آج دنیا میں ایک مضبوط ملک کے طور پرجانا جا رہا ہے۔
بجٹ میں 3 اور 5 مرلہ گھروں کیلئے شرح سود کی سبسڈی پر کام جاری
مزید :
بنارس کی تاریخی اور مسلم اکثریتی بازار کے انہدام پر کورٹ سے راحت