اونیجا اینڈریو کی رات بھر ایک ہی رٹ، ’کال مائی ہسبینڈ ندال‘ میرے شوہر ندال کو بلوا دو
اشاعت کی تاریخ: 30th, January 2025 GMT
کراچی:
میرے شوہر ندال کو بلوا دو، یہ وہ الفاظ تھے جو پاکستانی نوجوان کے عشق میں گرفتار اور شادی کی خوائش مند امریکی خاتون اونیجا اینڈریو رابنس رات بھر ادا کرتی رہیں ۔
پولیس اور فلیٹ کی یونین کے عہدیداروں سے فریاد کرتی امریکن خاتون نے اپنے شوہر کی یاد میں کھانا بھی نہیں کھایا اور آرام بھی نہیں کیا۔بس تھوڑی تھوڑی دیر میں ان کے منہ سے یہ ہی الفاظ نکلتے Call my husband, Nadal۔۔۔۔۔۔لیکن وہاں سیکورٹی پر تعینات مرد وخاتوں پولیس اہلکاروں کے پاس ایک ہی جواب دیا تھا۔
We're trying to find Nadal and introduce him to you.
ہم ندال کو تلاش کرکے آپ سے ملوانے کی کوشش کرتے ہیں۔ انتظار کریں.
یہ جواب سن کر اپنے عاشق ندال کا انتظار کرتے کرتے امریکی خاتون اونیجا اینڈریو رابنس نے گذشتہ رات کا بیشتر حصہ کراچی کے علاقے عثمان آباد کے علی آرکیڈ کی پارکنگ میں کرسی پر بیٹھ کر گزاردیا۔
پولیس والوں اور بلڈنگ مکینوں کے اصرار پر امریکی خاتون کچھ دیر کے لیے یونین آفس میں چلی گئیں اور وہاں انہوں نے آرام کیا۔
یہ بات بلڈنگ کے باہر چائے خانے پر موجود علاقہ کے رہائشی رفیق احمد نے ایکسپریس کو بتائی ۔انہوں نے بتایا کہ جب سے یہ امریکی خاتون واپس علی آرکیڈ میں آئیں تو وہ رات بھر بلڈنگ کی پارکنگ میں سیکورٹی پر موجود پولیس اہلکاروں کے ہمراہ کرسیوں پر بیھٹی رہیں۔
امریکی خاتون کو کھانے کی پیشکش بھی کی گئی ان کے لیے برگر ۔سوپ سمیت مختلف اقسام کے کھانے منگوائے گئے تاہم اپنے عاشق ندال کے انتظار اور محبت میں دھوکا کھانے کے غم میں انہوں نے کھانا نہیں کھایا۔بس بہت اصرار پر دو بسکٹ اور چائے پی لی۔ ۔بس وہ یہ فرہاد کرتی رہیں کہ میرے شوہر ندال کو بلوا دو۔
اس جملے کا کوئی جواب کسی کے پاس موجود نہیں تھا۔پ ولیس والے ان کو تسلیاں دیتے ریے ۔چائے خانے پر موجود رفیق احمد نے بتایا کہ امریکی خاتون کو دیکھنے کے لیے گذشتہ شب علاقہ مکینوں کا جم غفیر بلڈنگ کے باہر موجود رہا۔لوگ چائے خانے پر چائے پیتے ہوئے امریکی خاتون اور ندال کی محبت کی داستان پر تبصرے کرتے رہے۔
امریکن خاتون نے عثمان آباد کے علی آرکیڈ کی پہچان پوری دنیا میں کرادی ۔پولیس کے گشت کے باعث مجمع کم ہوا۔پوری رات جاگ کر گزارنے کے بعد امریکن خاتون بلڈنگ کے یونین آفس میں آرام کے لیے چلی گئی ۔سونے سے قبل پولیس اہلکاروں کو مخاطب کرکے کہا کہ مجھے ندال کا انتظار ہے.I am waiting for Nadal.اس سوال کا کوئی جواب نہیں تھا۔
دوسری جانب بلڈنگ کے مکین اس صورتحال کے سبب شدید پریشانی کا شکار رہے ۔انہوں نے بلڈنگ کے داخلی اور خارجی دروازوں کو بند کردیا۔علاقہ کے مکین رفیق احمد نے بتایا کہ ندال اور اس کے اہلخانہ کا کچھ معلوم نہیں یے کہ وہ کہاں ہیں؟۔ان کو تلاش کرنا حکومت اور پولیس کا کام یے ۔حکومت اس مسئلے سے ہمیں فوری نجات دلائے۔
ذریعہ: Express News
کلیدی لفظ: امریکی خاتون انہوں نے بلڈنگ کے ندال کو کے لیے
پڑھیں:
سابق خاتون ایم پی اے پر لاہور پولیس کا مبینہ تشدد، انکوائری کا حکم
سابق خاتون ایم پی اے پر مبینہ پولیس تشدد کے معاملے پر ڈی آئی جی آپریشنز لاہور نے نوٹس لے کر انکوائری کا حکم دے دیا۔
ڈی آئی جی آپریشنز نے انکوائری 48 گھنٹے میں مکمل کرنے کی ہدایت کی اور مبینہ واقعہ کے تمام شواہد بشمول ویڈیوز سے انکوائری کرنے کا حکم دیا۔
ترجمان لاہور پولیس نے کہا کہ مبینہ تشدد کی انکوائری شروع کردی گئی جب کہ دیگر تمام الزامات حقائق کے منافی ہیں، خاتون ایم پی اے کا بیٹا اسنوکر کلب میں جوا کھیلتے گرفتار ہوا، ارسلان دو روز قبل 90 اسنوکر کلب میں 12 دیگر ملزمان کے ساتھ رنگے ہاتھوں گرفتار ہوا۔
ترجمان پولیس نے کہا کہ مذکورہ اسنوکر کلب اور گرفتار دیگر ملزمان سابقہ جوئے میں ریکارڈ یافتہ ہیں، خاتون کا ایک بیٹا گزشہ ماہ موٹر سائیکل سے گر کر جاں بحق ہوا جس کا مقدمہ درج ہے، اسنوکر کلب سے دوسرے بیٹے کی گرفتاری کو پہلے بیٹے کے مقدمہ قتل پر دباؤ سے جوڑنا بے بنیاد ہے۔
ترجمان نے کہا کہ خاتون ایم پی اے نے بیٹے کو چھڑوانے کے لیے دباؤ ڈالنے کی کوشش کی،
سابق ایم پی اے اور اس کے شوہر نے بیٹے کو چھڑوانے کے لیے پولیس والوں سے شدید بدسلوکی کی۔
بیان میں کہا گیا کہ وزیر اعلی پنجاب کی ہدایت کے مطابق قانون سب کے لیے برابر ہے، بغیر تصدیق الزام تراشی پر مبنی یک طرفہ خبر چلانا افسوسناک ہے۔
سابق رکن اسمبلی سمیرا کومل کے بیٹے پر مزنگ پولیس کا مُبینہ تشدد، جوا کھیلنے کا مقدمہ درج کر لیا#ExpressNews #BreakingNews #SumeraKomal #Son #Police #Lahore #LatestNews #Pakistan pic.twitter.com/cGiHt3yObq
— Express News (@ExpressNewsPK) October 31, 2025
کیا پاکستان اسٹاک مارکیٹ اس سال کے اختتام پرنئی تارخ رقم کر پائے گی؟