لامحدود پاپ کارن کی پیشکش، سعودی شہری پتیلے لیکر سینما پہنچ گئے،ویڈیو وائرل
اشاعت کی تاریخ: 30th, January 2025 GMT
سعودی عرب(نیوز ڈیسک)دنیا بھر میں کاروباری اداروں کی جانب سے زیادہ سے زیادہ کاہگوں کو اپنی جانب راغب کرنے کے لیے تشہیر کے نت نئے انداز اپنائے جاتے ہیں۔اس میں اکثر برینڈز کی جانب سے اپنی کسی پروڈکٹ فروخت کو بڑھانے اور کاہگوں کو متوجہ کرنے کے لیے مارکیٹنگ کے مقصد سے اس کی خریداری پر مفت اشیا یا دیگر فوائد کی پیشکش کی جاتی ہے۔اس قسم کی پیشکشیں نہ صرف صارفین کو بے حد پسند آتی ہے بلکہ انسانی فطرت میں موجود لالچ کے عنصر کے سبب ضرورت نہ ہونے کے باوجود مفت فوائد پانے کے لیے وہ چیزیں خریدنے پر مجبور ہوجاتے ہیں۔
ایسا ہی سعودی عرب میں قائم ایک سینما گھر کی جانب سے کیا لیکن اس کی پیشکش پر صارفین کا جو ردِ عمل سامنے آیا اسے دیکھ کر آپ مسکرانے پر مجبور ہوجائیں گے۔سعودی دارالحکومت ریاض میں قائم ووکس سینمانے ایک تشہیری مہم شروع کرنے کا فیصلہ کیا۔اس مہم کے تحت صارفین کو پیشکش کی گئی تھی 30 ریال کی ادائیگی پر آپ جتنے چاہیں پاپ کارن حاصل کرسکتے ہیں۔یہاں یہ بات قابل ذکر رہے کہ عموماً سینما گھروں میں فلم سے لطف اندوز ہوتے ہوئے شائقین کے اسنیکس کے طور پر پاپ کارن کھانے کا رجحان ہے۔چنانچہ سینما گھر نے لامحدود پاپ کارن کی پیشکش تو کردی لیکن شاید انتظامیہ کو اس پر موصول ہونے والے ردِ عمل کا اندازہ نہیں تھا۔کیوں کہ سعودی شہریوں کی بڑی تعداد لا محدود پاپ کارن حاصل کرنے کے لیے گھروں سے بڑے پتیلے اور کنٹینر لے کر سینما پہنچ گئی۔
مذکورہ دلچسپ صورتحال کی ویڈیوز سوشل میڈیا پر وائرل ہوگئیں جس میں لوگوں بڑے بڑے دیگچے اٹھائے سینما میں آتے ہوئے دیکھا جاسکتا ہے۔اس ویڈیو کے نیچے سوشل میڈیا صارفین نے بھی دلچسپ تبصرے کیے، ایک صارف کا کہنا تھا کہ کچھ لوگ سوچتے ہیں آج کل کے عرب لوگ بے وقوف ہیںتو ایک نے کہا کہ پاکستان سے بھی 4 ہاتھ آگے ہیں یہ تو۔ایک اور صارف نے لکھا کہ وہ غلط لوگوں سے الجھ گئےتو ایک نے ارادہ ظاہر کیا کہ میں بھی یہی کرتا۔ان کے علاوہ کچھ صارفین اس قدر بڑی مقدار میں پاپ کارن کے حصول کو رزق کے ضیاع سے بھی تعبیر کرتے نظر آئے۔
جنوبی سوڈان میں مسافر طیارہ گر کر تباہ ، 20 افراد ہلاک
.ذریعہ: Daily Ausaf
پڑھیں:
’حنا میں چاہتا ہوں آپ اچھی طرح سے میری طرف دیکھیں‘، ملک احمد خان کے مکالمے نے انٹرنیٹ پر بحث چھیڑ دی
اسپیکر پنجاب اسمبلی ملک محمد احمد خان کے ایم این اے حنا پرویز کے ساتھ مکالمے نے سوشل میڈیا پر نئی بحث چھیڑ دی۔
پنجاب اسمبلی کے اسپیکر ملک محمد احمد خان کی رکنِ صوبائی اسمبلی (ایم پی اے) حنا پرویز بٹ کے ساتھ جملوں کے تبادلے کی ایک ویڈیو سوشل میڈیا پر گردش کر رہی ہے جس پر انٹرنیٹ صارفین نے ردِعمل کا اظہار کیا ہے۔
بدھ کو پنجاب اسمبلی کے اجلاس کے دوران ایوان کی جانب سے حنا بٹ نے پنجاب اور خیبر پختون خوا (کے پی) کے سرحدی علاقے میں 2 مارچ کو دہشت گردوں کی جانب سے کیے گئے حملوں کو ناکام بنانے پر پنجاب پولیس کی تعریف کی اور خراجِ تحسین پیش کرتے ہوئے قرارداد پڑھ کر سنائی۔
مفتاح اسماعیل نے ثانیہ عاشق کے دوپٹے سے پسینہ پونچھنے پر معافی مانگ لیمفتاح اسماعیل نے ثانیہ عاشق کا دوپٹہ پسینہ پونچھنے کے لیے استعمال کرنے پر معافی مانگ لی۔
اس دوران ایک رکنِ پنجاب اسمبلی نے کہا کہ میں قرار داد کی حمایت کرتا ہوں مگر مجھے حنا پرویز بٹ دہشت گردوں کی تعریف بتا دیں، میں پوچھنا چاہتا ہوں کہ دہشت گرد کون ہے؟
جواب میں جب حنا پرویز بٹ نے ’دہشت گردوں‘ کی اصطلاح کی تعریف شروع کی تو وہ سوال پوچھنے والے ایم این اے کی جانب دیکھ رہی تھیں۔
اس پر اسپیکر پنجاب اسمبلی احمد خان نے مداخلت کرتے ہوئے کہا کہ ’حنا، آپ مجھے ایڈریس کریں، میں چاہتا ہوں کہ آپ مجھے ٹھیک سے دیکھیں‘، احمد خان کے اس جملے پر حنا پرویز شرما گئیں جبکہ اسمبلی قہقہوں سے گونج اٹھی۔
ایک مختصر وقفہ لینے کے بعد احمد خان نے مزید کہا کہ ’ظاہر ہے، ایک رکن یہاں بول رہا ہے، آپ کو وہی کرنا ہو گا جو میں کہہ رہا ہوں‘۔
بعد ازاں ایم این اے حنا پرویز بٹ نے اپنی بات جاری رکھتے ہوئے کہا کہ ’محترم اسپیکر، آپ کا شکریہ‘ اور اپنا جواب جاری رکھا۔
اس سے قبل منگل کے روز بھی ایوان کی کارروائی کے دوران پنجاب اسمبلی کے اسپیکر کی جانب سے حنا پرویز کے ہلکے سبز لباس کی تعریف کی گئی تھی جس کی ویڈیو نے سوشل میڈیا صارفین کی توجہ اپنی جانب مبذول کروا لی تھی۔
واضح رہے کہ سابق وزیر خزانہ کی ایک ویڈیو منظر عام پر آئی تھی جس میں انہیں ثانیہ عاشق کے دوپٹے سے دو بار چہرہ پونچھتے دیکھا جاسکتا ہے۔
پنجاب اسمبلی کے اجلاس کے دوران جب حنا بٹ نے پارلیمانی سیکریٹری سے لاہور اور قصور کے درمیان ٹرانسپورٹ سروس کی کمی کے بارے میں استفسار کیا تو انہوں نے کہا کہ ’حنا، آپ نے قصور کے لیے سوال اٹھایا ہے، میں شکر گزار ہوں کہ آپ نے آج اچھا لباس پہنا ہے‘۔
سوشل میڈیا صارفین کی جانب سے اس ویڈیو پر اپنے ردِ عمل کا اظہار کیا جا رہا ہے۔
کچھ صارفین اسے معمول سے ہٹ کر ’ہلکا پھلکا مذاق‘ قرار دے رہے ہیں تو کچھ صارفین کا کہنا ہے کہ یہ نامناسب رویہ تھا۔
افغان طالبان نے امریکی فوج کے چھوڑے گئے 5 لاکھ ہتھیار دہشتگرد گروپوں کو فروخت کر دیے، برطانوی میڈیا کا دعویٰ