امریکا: فوجی ہیلی کاپٹر سے ٹکرا کر مسافر طیارہ تباہ، 18 لاشیں دریا سے برآمد
اشاعت کی تاریخ: 30th, January 2025 GMT
واشنگٹن ائیرپورٹ کے قریب مسافر طیارہ اور فوجی ہیلی کاپٹر آپس میں ٹکرانے کے بعد دریائے پوٹومیک میں گر کر تباہ ہوگئے اور اب تک 18 لاشیں برآمد ہوئی ہیں۔
میڈیا رپورٹس کے مطابق امریکی ایئرلائن کی پرواز جو کینساس کے شہر وکیٹا سے واشنگٹن آئی تھی، دریائے پوٹومیک کے اوپر رن وے کے قریب حادثے کا شکار ہوئی۔
امریکی حکام نے بتایا کہ طیارے میں 64 مسافر سوار تھے اور حادثے کی اطلاع ملتے ہی امدادی کارروائیاں شروع کر دی گئیں۔ اب تک 18 لاشیں دریا سے نکالی جا چکی ہیں جبکہ دیگر افراد کی تلاش کا عمل جاری ہے۔
غیر ملکی خبر رساں اداروں کی رپورٹس کے مطابق تاہم تاحال کسی زندہ شخص کو نہیں نکالا گیا۔
فلائٹ ریڈار کے مطابق حادثہ مقامی وقت کے مطابق شام 5 بج کر 48 منٹ پر پیش آیا، جب طیارے کی رفتار 166 کلومیٹر فی گھنٹہ تھی۔ بمبارڈیئر CRJ700 طیارے میں 78 افراد کے بیٹھنے کی گنجائش تھی اور ٹکر کے بعد یہ طیارہ دریائے پوٹومیک میں جا گرا۔ حادثے کے فوراً بعد، غوطہ خوروں کی ٹیمیں دریا میں سرچ آپریشن کے لیے بھیج دی گئیں۔
امریکی فوجی حکام کے مطابق فوجی ہیلی کاپٹر جس سے ٹکرا کر مسافر طیارہ گر گیا، وہ بلیک ہاک ہیلی کاپٹر تھا، جس میں 3 اہلکار سوار تھے اور اس میں کوئی اعلیٰ فوجی اہلکار نہیں تھا۔
واشنگٹن ڈی سی فائر چیف کا کہنا تھا کہ امدادی کارروائیوں کے لیے حالات موافق نہیں ہیں کیونکہ خراب موسم اور شدید سردی ریسکیو آپریشن میں رکاوٹ ڈال رہے ہیں۔
واشنگٹن کے میئر نے اعلان کیا کہ دریائے پوٹومیک کی کشتی سروس بھی فوری طور پر بند کر دی گئی ہے تاکہ سرچ آپریشن میں رکاوٹ نہ ہو۔
.ذریعہ: Jasarat News
کلیدی لفظ: ہیلی کاپٹر کے مطابق
پڑھیں:
کراچی، لانڈھی ایکسپورٹ پروسیسنگ زون میں فیکٹریوں میں آگ بدستور جاری، ایک فیکٹری مکمل تباہ
کراچی:شہر قائد کے لانڈھی ایکسپورٹ پروسیسنگ زون میں واقع تین فیکٹریوں میں لگنے والی آگ تاحال مکمل طور پر بجھائی نہیں جا سکی۔
چیف فائر آفیسر ہمایوں خان کے مطابق ان میں سے ایک فیکٹری آگ کی شدت کے باعث مکمل طور پر منہدم ہو چکی ہے۔
انہوں نے بتایا کہ فائر بریگیڈ کی 10 سے زائد گاڑیاں اور ایک اسنارکل آگ بجھانے کی کارروائی میں مسلسل حصہ لے رہی ہیں۔
واٹر کارپوریشن کی جانب سے اضافی پانی کی فراہمی کے لیے ٹینکر بھی موقع پر بھیجے جا رہے ہیں تاکہ فائر فائٹرز کو درپیش چیلنجز میں مدد مل سکے۔
چیف فائر آفیسر کے مطابق آگ کے شعلوں کو قابو میں کر لیا گیا ہے اور اب آگ کے مزید پھیلنے کا کوئی خدشہ نہیں ہے۔
تاہم کولنگ اور باقی ماندہ شعلوں کو مکمل طور پر بجھانے کے عمل میں مزید کئی گھنٹے لگ سکتے ہیں۔
ریسکیو کارروائی کے دوران تین فائر فائٹرز زخمی ہوئے جن میں فائر آفیسر محسن کی حالت تشویشناک بتائی جا رہی ہے۔ زخمیوں کو فوری طور پر طبی امداد کے لیے اسپتال منتقل کر دیا گیا ہے۔
مولانا فضل الرحمان کا کم عمری میں شادی سے متعلق قانون کیخلاف ملک گیر احتجاج کا اعلان