میٹا ٹرمپ کو ڈھائی کروڑ ڈالر ادا کرنے پر رضامند
اشاعت کی تاریخ: 31st, January 2025 GMT
واشنگٹن (انٹرنیشنل ڈیسک) امریکی سوشل میڈیا کمپنی میٹا صدر ڈونلڈ ٹرمپ کو ڈھائی کروڑ ڈالر دینے پرآمادہ ہوگئی۔ میٹا سوشل میڈیا پلیٹ فارم فیس بک اور انسٹاگرام کی پیرنٹ کمپنی ہے ، جس نے 2021 میں امریکی صدر ڈونلڈ ٹرمپ کا سوشل اکاؤنٹ معطل کردیا تھا۔ خبررساں اداروں کے مطابق میٹا نے یہ اکاؤنٹ ریپبلکنز کی جانب سے کیپٹل ہل پر حملے کے بعد معطل کیا تھا۔ اس حوالے سے ٹرمپ کی ٹیم نے میٹا پر مقدمہ کررکھا تھا،جس پر کمپنی نے قدم پیچھے ہٹاتے ہوئے سمجھوتا کرکے امریکی صدر کو ڈھائی کروڑ ڈالر دینے پر آمادگی کا اظہا ر کیا ہے۔ میٹا کے ترجمان کا کہنا ہے کہ کمپنی نے مدعیوں کو خطیر رقم ادا کرنے پر اتفاق کیا جس میں سے 2کروڑ 20لاکھ ڈالر ٹرمپ کی صدارتی لائبریری کے لیے عطیہ سمجھے جائیں گے۔ امریکی میڈیا کے مطابق میٹا نے عدالت میں دائر درخواست میں لکھا کہ فریقین مدعیان کے انفرادی دعوؤں اور اس معاملے کو حل کرنے کے لیے ایک معاہدے پر پہنچ گئے ہیں اور اس حوالے سے کیس ختم کرنے کی مشترکہ درخواست دائر کی جائے گی۔
.ذریعہ: Jasarat News
پڑھیں:
کراچی میں حوالہ ہنڈی کیخلاف کارروائی، ڈیڑھ کروڑ روپے سے زائد مالیت کے ڈالر برآمد
گرفتار ملزم سے موبائل فونز، حوالہ ہنڈی اور غیر قانونی ایکسچینج سے متعلق شواہد برآمد کر لیے گئے ہیں۔ اسلام ٹائمز۔ شہر قائد میں حوالہ ہنڈی کے خلاف کارروائی میں ڈیڑھ کرور روپے سے زائد مالیت کے امریکی ڈالرز برآمد کرلیے گئے۔ ڈی جی ایف آئی اے کی ہدایت پر حوالہ ہنڈی اور غیر قانونی کرنسی ایکسچینج میں ملوث ملزمان کے خلاف ایف آئی اے اسٹیٹ بینک سرکل کراچی نے بڑی کارروائی کرتے ہوئے غیر قانونی کرنسی ایکسچینج میں ملوث ملزم کو گرفتار گرفتار کرلیا۔ ترجمان کے مطابق ملزم بلال سلیم کو کلفٹن (کراچی) سے گرفتار کیا گیا، جو حوالہ ہنڈی اور غیر قانونی کرنسی ایکسچینج میں ملوث ہے۔ ملزم کے قبضے سے 55000 امریکی ڈالر برآمد ہوئے ہیں۔ ملزم بغیر لائسنس کرنسی ایکسچینج کا کاروبار کر رہا تھا۔
گرفتار ملزم سے موبائل فونز، حوالہ ہنڈی اور غیر قانونی ایکسچینج سے متعلق شواہد برآمد کر لیے گئے ہیں۔ ملزم برآمد ہونے والی کرنسی کے حوالے سے حکام کو مطمئن بھی نہیں کر سکا، جسے باضابطہ گرفتار کرکے تفتیش شروع کر دی گئی ہے اور ملزم کے دیگر ساتھیوں کی گرفتاری کیلئے چھاپے مارے جا رہے ہیں۔
بابر اعظم ایک ٹی 20 میچ میں کتنے عالمی ریکارڈز توڑ سکتے ہیں؟