شالیمار ٹرین حادثے کی ابتدائی رپورٹ جاری
اشاعت کی تاریخ: 31st, January 2025 GMT
سٹی42: شالیمار ایکسپریس ٹرین حادثے کی ابتدائی تحقیقات میں ڈرائیور کی غفلت کو حادثے کا سبب قرار دیا گیا ہے۔
ریلوے ذرائع کے مطابق ڈرائیور نے ٹرین کو اوور سپیڈ کیا تھا، جس کے باعث ٹرین کی تین بوگیاں پٹڑی سے اُتر گئیں۔
ابتدائی رپورٹ میں بتایا گیا ہے کہ ایس او پیز کے مطابق ٹرین کی سپیڈ 15 کلومیٹر فی گھنٹہ ہونی چاہیے تھی لیکن ڈرائیور نے اس سے زیادہ رفتار رکھی جس کی وجہ سے کوچز ڈی ریل ہوئیں۔ تحقیقات کے مطابق اگر ڈرائیور بروقت بریک لگاتا تو حادثہ کم نقصان دہ ہوتا۔
لاہور سمیت پنجاب میں قومی انسداد پولیو مہم کا آغاز 3فروری سے ہوگا
رپورٹ میں مزید کہا گیا ہے کہ ایک بوگی کے اُترنے کے بعد ڈرائیور کو حادثے کا علم نہیں ہوا اور وہ ایک کلومیٹر تک ٹرین چلاتا رہا، جس سے مزید نقصان پہنچا۔ اس واقعے میں ٹریک کے سلیپرز کو بھی بھاری نقصان اُٹھانا پڑا۔
اُ ن کا مزید کہنا ہے کہ ٹرین ڈرائیور کے خلاف تحقیقات جاری ہیں۔
ذریعہ: City 42
کلیدی لفظ: سٹی42
پڑھیں:
انسانی اسمگلر عمران عرف ٹونی انٹرپول کے ذریعے مصر سے گرفتار
— فائل فوٹوانسانی اسمگلر عمران عرف ٹونی کو انٹرپول کے ذریعے مصر سے گرفتار کرلیا گیا۔
ایف آئی اے کے مطابق ملزم جون 2023 کے یونان کشتی حادثے کا مرکزی ملزم ہے جو حادثے کے بعد لیبیا سے فرار ہو کر مصر میں روپوش ہوگیا تھا۔
ملزم نے منڈی بہاءالدین کے گاؤں ہیلاں سے تارکین وطن کو یونان بھیجا تھا اور فی کس 25 لاکھ روپے وصول کیے تھے۔
ایف آئی اے کے مطابق گرفتاری کے بعد ملزم کو پاکستان منتقل کردیا گیا ہے۔
وفاقی وزارت داخلہ نے ملزم کا نام ریڈ لسٹ میں شامل کر رکھا تھا۔
وفاقی بجٹ کا حجم17.5کھرب تک رکھنے کا تخمینہ،چھوٹی گاریوں پر ٹیکس میں اضافہ متوقع