کراچی:

سی ویو دو دریا میں قائم ہوٹل کے قریب سے 29 جنوری کولانڈھی سے لا پتہ ہونے والے دکاندار کی کئی روز پرانی پانی میں ڈوبی ہوئی پتھر بندھی لاش برآمد ہوئی ہے۔

ایکسپریس نیوز کے مطابق جاں بحق شخص تین بچوں کا باپ اور اس کی صدرموبائل مارکیٹ میں دکان تھی، بھائی نے قتل کا شبہ ظاہرکیا جبکہ مقتول کا موبائل فون اور موٹرسائیکل غائب ہے۔ پولیس حکام کا کہنا ہے کہ حتمی وجہ موت کا تعین پوسٹ مارٹم رپورٹ میں ہوگا۔

۔تفصیلات کے مطابق اتوارکی صبح ساحل تھانے کے علاقے سی ویو دودریا کنارہ ہوٹل کے قریب سے ایک شخص کی مبینہ طور پرڈوبی ہوئی کئی روز پرانی لاش ملی، اطلاع ملنے پرپولیس موقع پرپہنچ گئی اورلاش کوتحویل میں لینے کے بعد قانونی کارروائی کے لیے جناح اسپتال منتقل کیا جہاں مقتل کے پاس سے ملنے والے شناختی کارڈ کی مدد سے اُس کی شناخت 50 سالہ آصف کمال کے نام سے کی گئی۔

جاں بحق ہونے والا شخص مکان نمبر 9 بلاک 80 محلہ ایریا فورسی لانڈھی نمبر6 کا رہائشی اورتین بچوں کا باپ تھا، جاں بحق شخص کی صدرموبائل مارکیٹ میں موبائل ایسرسیریزکی دکان تھی۔

پولیس کے مطابق آصف 29 جنوری سے لاپتہ تھا جس کی گمشدگی کا مقدمہ بھائی طارق کی مدعیت میں درج کیا گیا تھا۔

جناح اسپتال کے باہرایکسپریس سے بات چیت کرتے ہوئے مقتول تاجر کے بھائی نے بتایا کہ ان کے بھائی 29 جنوری کی صبح 10 بجے اپنی موٹر سائیکل کے کے ایس 6278 پر دکان پر جانے کے لیے نکلے تھے لیکن وہ دکان پرنہیں پہنچے وہ رات 10 بجے جب کام پرسے گھر پہنچے توبھائی آصف کمال کی اہلیہ نے بتایا کہ آصف کمال صبح دکان پر جانے کےلیے نکلے تھے لیکن وہ دکان نہیں پہنچے۔

بھانجے شہریارجو کہ اسی مارکیٹ میں کام کرتا ہے اپنے طورپرعزیزورشتہ داروں سے معلومات کرتا رہا لیکن کوئی پتہ نہ چلا اور بھائی آصف کا موبائل فون بھی مسلسل بند تھا جس کےبعد انھوں نے اپنے بھائی کے اغوا کا مقدمہ لانڈھی تھانے میں درج کرادیا اوراتوار کی صبح ساحل پولیس کی جانب سے بھائی کی لاش سمندر کنارے سے ملنے کی اطلاع دی گئی۔

انھوں نے بتایاکہ ہماری کسی سے کوئی دشمنی نہیں تھی، شبہ ہے کہ بھائی کو قتل کیا گیا ہے کیونکہ بھائی کا موبائل فون اور موٹرسائیکل بھی غائب ہے۔

مقتول تاجر کے بھانجے نے بتایا کہ ان کےماموں کی آخری لوکیشن ابراہیم حیدری کی تھی، ماموں ابراہیم حیدری کیوں گئے سمجھ نہیں آیا،جاں بحق شخص کے اہل خانہ نے مطالبہ کیا ہے کہ آصف کمال کے قتل میں جوبھی ملوث ہیں اس کا جلد ازجلد سراغ لگاکرانہیں گرفتارکیا جائے۔

دوسری جانب لانڈھی تھانے کے شعبہ انویسٹی گیشن میں تعینات سب انسپکٹرمحمد نفیس خان نے بتایاکہ آصف کمال کی لاش دوسے تین روز پرانی معلوم ہوتی ہے اورلاش سمندر کنارے پتھروں سے ملی ہے لاش پرپتھروں کے گڑکے نشانات بھی ہیں۔

انھوں نے بتایا کہ پولیس نےجاں بحق شخص کے موبائل فون کا سی ڈی آرنکلوانے کے لیے متعلقہ حکام کوخط لکھ دیا ہے لاش کا پوسٹ مارٹم کرایا جا رہا ہے اورپوسٹ مارٹم کے بعد ہی حتمی وجہ موت کا تعین ہوسکے گاتاہم پولیس واقعے کی مختلف پہلوؤں پر تفتیش کررہی ہے۔

.

ذریعہ: Express News

کلیدی لفظ: موبائل فون ا صف کمال نے بتایا بتایا کہ

پڑھیں:

جنوبی وزیرستان میں پولیس وین کے قریب دھماکا، 2 افراد جاں بحق

جنوبی وزیرستان کے علاقے وانا میں پولیس موبائل کے قریب ہونے والے بم دھماکے کے نتیجے میں 2 افراد جاں بحق اور 14 افراد زخمی ہو گئے، جن میں پولیس اہلکار بھی شامل ہیں۔

ڈی ایس پی عمران اللہ کے مطابق ریموٹ کنٹرول دھماکا وانا کے مرکزی رستم بازار میں اس وقت ہوا جب پولیس موبائل وہاں سے گزر رہی تھی۔ ریموٹ کنٹرول دھماکے کے باعث پولیس گاڑی کو بھی نقصان پہنچا۔

حکام کا کہنا ہے کہ دھماکے کے زخمیوں اور لاشوں کو فوری طور پر ڈسٹرکٹ ہیڈکوارٹر اسپتال وانا منتقل کردیا گیا ہے، جہاں ایمرجنسی نافذ کردی گئی ہے۔

آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں

wenews پولیس موبائل جاں بحق جنوبی وزیرستان دھماکا ریموٹ کنٹرول زخمی وی نیوز

متعلقہ مضامین

  • کراچی میں ڈمپر کی ٹکر سے بہن بھائی جاں بحق، والد زخمی
  • تونسہ: اسپتال لائے گئے 3 میں سے 2 بھائی دم توڑ گئے، والد کا زہر دینے کا الزام
  • کراچی پاکستان کا معاشی حب ہے اور تاجر برادری کا ملکی ترقی میں کلیدی کردار ہے، ڈی جی رینجرز سندھ
  • کراچی پاکستان کا معا شی حب ہے اور تاجر برادری کا ملکی ترقی میں کلید ی کردار ہے، ڈی جی رینجرز سندھ
  • خطے میں موبائل اور انٹرنیٹ پر سب سے زیادہ ٹیکس پاکستان میں
  • پیرا کی گاڑی کی ٹکر سے دو بھائی شدید زخمی، اہلکار فرار
  • کراچی؛ سلطان آباد میں موبائل فون شاپ پر ڈکیتی کی  سی سی ٹی وی فوٹیج سامنے آ گئی
  • پاکستان میں موبائل سیکٹر پر ٹیکس خطے میں سب سے زیادہ ہے، جی ایس ایم اے کی رپورٹ جاری
  • 10 سال سے بطور گائناکولوجسٹ تعینات’’منا بھائی ایم بی بی ایس‘ ‘ گرفتار
  • جنوبی وزیرستان میں پولیس وین کے قریب دھماکا، 2 افراد جاں بحق