میثاق مدینہ کثیر المذاہب معاشروں کیلئے نمونہ ہے، ڈاکٹر حسن قادری
اشاعت کی تاریخ: 3rd, February 2025 GMT
اقوام متحدہ کے ہیڈ کوارٹر ویانا میں بین المذاہب رواداری کانفرنس سے خطاب میں منہاج القرآن انٹرنیشنل کی سپریم کونسل کے چیئرمین کا کہنا تھا کہ میثاق مدینہ اور ریاست مدینہ کا انتظامی ماڈل آج بھی کثیر المذاہب و کثیر الثقافتی معاشروں کیلئے ایک نمونہ ہے۔ عالمی امن کیلئے باہمی اقدار و روایات کا احترام ضروری ہے۔ بطور سربراہ ریاست مدینہ آپ ؐنے بین المذاہب رواداری کی خوبصورت مثال قائم کی۔ اسلام ٹائمز۔ منہاج القرآن انٹرنیشنل کی سپریم کونسل کے چیئرمین ڈاکٹر حسن محی الدین قادری نے اقوام متحدہ کے ہیڈ کوارٹر ویانا میں عالمی بین المذاہب ہم آہنگی کانفرنس میں کی نوٹ سپیکر کے طور پر خطاب کرتے ہوئے کہا کہ میثاق مدینہ اور ریاست مدینہ کا انتظامی ماڈل آج بھی کثیر المذاہب و کثیر الثقافتی معاشروں کیلئے ایک نمونہ ہے۔ عالمی امن کیلئے باہمی اقدار و روایات کا احترام ضروری ہے۔ بطور سربراہ ریاست مدینہ آپ ؐنے بین المذاہب رواداری کی خوبصورت مثال قائم کی۔ مختلف مذاہب کے نمائندوں اور قبائل کیساتھ نہ صرف معاہدات کئے گئے بلکہ اُنہیں جان و مال کا تحفظ اور مذہبی اقدار و روایات کی پاسداری کی مکمل گارنٹی دی گئی، آج بھی میثاق مدینہ سے اخلاقی اسباق حاصل کئے جا سکتے ہیں۔
ڈاکٹر حسن محی الدین قادری نے کہا کہ نجران کے مسیحی وفد کا مدینہ میں خیر مقدم، سینٹ کیتھرین کیساتھ معاہدہ حضور نبی اکرمؐ کی طرف سے رواداری کی اعلیٰ مثال ہے۔ آپؐ غیر مسلموں کے احترام میں کھڑے ہوتے، اسلام کی تعلیمات کا نفرت، انتہا پسندی اور عدم برداشت سے کوئی تعلق نہیں ہے۔ کانفرنس میں بین الاقوامی شہرت یافتہ انسانی حقوق کے نمائندگان، تعلیمی شعبہ کی شخصیات اور مختلف شعبہ ہائے زندگی سے تعلق رکھنے والے ممتاز راہ نماؤں نے شرکت کی جن میں مسٹر پیٹر ہیڈر صدر یونیورسل پیس فیڈریشن، اُردن کے سفیر ایچ ای محمد سمیر سالم ہنداوی، پلین الیگزینڈر ریگرسربراہ بین المذاہب مکالمہ فورم، مس کیرولین ہنگرلینڈر ایم ڈی انسٹی ٹیوٹ برائے ماحولیات امن و ترقی نے ڈاکٹر حسن محی الدین قادری کا بین المذاہب رواداری کے تناظر میں اسلامی تعلیمات کے بیان پر ان کے خطاب کو سراہا۔
ڈاکٹر حسین محی الدین قادری کی طرف سے مقرر شرکائے کانفرنس کو اپنی تحقیقی کتاب ”دستور مدینہ اور فلاحی ریاست کا تصور“ مطالعہ کیلئے بطور تحفہ دی۔ ڈاکٹر حسن محی الدین قادری کی اس کتاب کے اُردو، انگریزی اور عربی زبان میں تراجم شائع ہو چکے ہیں۔
ذریعہ: Islam Times
کلیدی لفظ: ڈاکٹر حسن محی الدین قادری بین المذاہب رواداری ریاست مدینہ
پڑھیں:
تمام قبائل کو ریاست سے متحد ہوکر بات کرنی ہوگی، فیصل کریم کنڈی
محسود جرگہ کی جانب سے منعقدہ تقریب میں بحیثیت مہمان خصوصی خطاب کرتے ہوئے گورنر فیصل کریم کنڈی نے کہا کہ قبائلی نوجوانوں کو اسکالر شپ کی فراہمی کے لیے کام کر رہے ہیں، پشتون قوم کو درپیش مشکلات کے خاتمے کے لیے متحد ہو کر کام کرنا ہوگا۔ اسلام ٹائمز۔ گورنر خیبرپختونخوا فیصل کریم کنڈی نے کہا ہے کہ خیبرپختونخوا حکومت نے قبائلی اضلاع کے 700 ارب روپے پر شب خون مارا ہے تاہم قبائلی اضلاع کے حقوق کے لیے وزیراعظم سے بات کی ہے۔ ڈیرہ اسماعیل خان (ڈی آئی خان) میں محسود جرگہ کی جانب سے منعقدہ تقریب میں بحیثیت مہمان خصوصی خطاب کرتے ہوئے گورنر فیصل کریم کنڈی نے کہا کہ قبائلی نوجوانوں کو اسکالر شپ کی فراہمی کے لیے کام کر رہے ہیں، پشتون قوم کو درپیش مشکلات کے خاتمے کے لیے متحد ہو کر کام کرنا ہوگا۔ انہوں نے کہا کہ تمام قبائل کو ریاست سے متحد ہوکر بات کرنی ہوگی، قبائلی اضلاع کے تمام اقوام مشترکہ جرگہ بنا کر اپنے مستقبل کے بارے میں سوچیں۔ فیصل کریم کنڈی کا کہنا تھا کہ انصمام کے بعد سالانہ 700 ارب روپے کی فراہمی کا وعدہ پورا نہیں ہوا، ضم اضلاع کے 700 ارب پر صوبائی حکومت نے شب خون مارا ہے۔
جرگے کے شرکاء کو مخاطب کرکے انہوں نے کہا کہ میرا فرض تھا کہ آپ کی وکالت کروں عطا محمد کی بازیابی کے لیے میں نے کردار ادا کیا، وہ میرا فرض تھا، قبائلی عوام کے حقوق کے لیے میں نے وزیر اعظم سے کہا ہے کہ ہم سیاست نہیں کریں گے اور ان کے حقوق انہیں ادا کرنے ہوں گے۔ گورنر خیبر پختونخوا نے کہا کہ دہشت گردی کے خاتمے سے قبائلی علاقوں میں امن اور نوجوانوں کا مستقبل روشن ہو گا، صوبے میں قیام امن کے لیے سب کو مل کر اپنا مثبت کردار ادا کرنا ہو گا۔ ڈی آئی خان میں منعقدہ جرگے میں جنوبی وزیرستان اپر کے محسود، برکی اور بیٹنی قبائل کے اکابرین شریک تھے۔
بنارس کی تاریخی اور مسلم اکثریتی بازار کے انہدام پر کورٹ سے راحت