چیمپئنز ٹرافی: دبئی میں ہونیوالے پاک بھارت میچ کے ٹکٹ ایک گھنٹے میں فروخت ہوگئے
اشاعت کی تاریخ: 4th, February 2025 GMT
لاہور(نیوز ڈیسک)آئی سی سی چیمپئنز ٹرافی میں دبئی میں ہونے والے پاک بھارت کرکٹ میچ کے ٹکٹ ایک گھنٹے میں فروخت ہوگئے۔چیمپئنز ٹرافی میں کرکٹ کا سب سے بڑا مقابلہ پاکستان اور بھارت کی ٹیموں کے درمیان 23 فروری کو دبئی انٹرنیشنل کرکٹ اسٹیڈیم میں ہونے جارہا ہے۔بھارتی میڈیا کے مطابق آج جیسے ہی ٹکٹ بک کرنےکا وقت شروع ہوا تو دونوں ملکوں کے شائقین کے درمیان آن لائن ٹکٹ بک کرنے کی ریس لگ گئی اور پاک بھارت ٹیموں کے درمیان میچ کے ٹکٹ ایک گھنٹے میں فروخت ہوگئے۔
رپورٹ کے مطابق پاک بھارت ٹاکر ے کے لیے ٹکٹس کی فروخت کا آغاز ہوتے ہی بکنگ ویب سائٹ پر رش لگ گیا، تقریباً ایک لاکھ 40 ہزار فینز نے آن لائن ٹکٹ کے حصول کے لیے دلچسپی ظاہر کی اور دیکھتے ہی دیکھتے ایک گھنٹے سے بھی کم وقت میں 23 فروری کو دبئی میں پاکستان اور بھارت کے درمیان ہونے والے میچ کے تمام ٹکٹس فروخت ہوگئے۔بہت سے شائقین نے ٹکٹ نہ ملنے کا شکوہ کیا اور افسوس کا اظہار کیا کہ وہ پاک بھارت میچ اسٹیڈیم میں بیٹھ کر نہیں دیکھ سکیں گے۔دبئی میں ہونے والے اس اہم میچ کےٹکٹ کی کم سے کم قیمت 500 درہم(38 ہزار پاکستانی روپے) تھی جب کہ 12 ہزار 500 درہم کا مہنگا ترین پاس بھی رکھا گیا تھا۔
اس کے علاوہ ایک ہزار، 1200، 2500، 5000 درہم کا ٹکٹ بھی فروخت کے لیے پیش کیا گیا۔خیال رہے کہ آئی سی سی چیمپئنز ٹرافی کا افتتاحی میچ 19 فروری کو کراچی میں کھیلا جائے گا اور 9 مارچ تک چیمپئنز ٹرافی جاری رہے گی۔چیمپئنز ٹرافی میں 8 ممالک کے درمیان 15 میچز کھیلے جائیں گے۔ چیمپئنز ٹرافی کے میچز کراچی، لاہور، راولپنڈی اور دبئی میں کھیلیں جائیں گے اور تمام میچز ڈے اینڈ نائٹ ہوں گے۔ بھارتی ٹیم اپنے سارے میچز نیوٹرل وینیو دبئی میں کھیلے گی۔
لاہور: خاتون نے گنگا رام اسپتال کی بالائی منزل سے چھلانگ لگا کر مبینہ طور پر خودکشی کرلی
.ذریعہ: Daily Ausaf
کلیدی لفظ: چیمپئنز ٹرافی فروخت ہوگئے پاک بھارت ایک گھنٹے کے درمیان میچ کے
پڑھیں:
نوجوان 2 گھنٹے تک موٹر سائیکل چلاتا رہا، پیٹرول ٹینک کے نیچے چھپا رہا زہریلا سانپ
مدھیہ پردیش کے ضلع ساگر میں ایک دل دہلا دینے والا واقعہ پیش آیا، جہاں ایک طالبعلم اپنی موٹر سائیکل پر 2 گھنٹے تک سفر کرتا رہا، اور وہ بے خبر رہا کہ اس کے ساتھ پیٹرول ٹینک کے نیچے ایک انتہائی زہریلا رسل وائپر سانپ چھپا بیٹھا ہے۔
یہ بھی پڑھیے انسان کے کاٹے سے سانپ ہلاک، یہ عجیب و غریب واقعہ کہاں پیش آیا؟
متاثرہ نوجوان ایک نجی کالج میں بی اے کے دوسرے سال کا طالبعلم ہے۔ اُس نے اپنی رائل ان فیلڈ بُلِٹ موٹر سائیکل پر مارکیٹ تک کا سفر کیا، اور تقریباً 2 گھنٹے تک وہ مختلف جگہوں پر گھومتا رہا۔ اس دوران اُسے اپنی گاڑی میں معمولی خرابی کا احساس ہوا، جس پر وہ اُسے ایک قریبی سروس سینٹر لے گیا۔
مکینک بھی حیران رہ گیاسروس سینٹر میں جب مکینک نے موٹر سائیکل کا پیٹرول ٹینک کھولا تو اُس کی آنکھیں کھلی کی کھلی رہ گئیں — پیٹرول ٹینک کے نیچے رسل وائپر سانپ چپ چاپ کنڈلی مارے بیٹھا تھا۔
یہ منظر دیکھتے ہی مکینک نے فوراً طالبعلم کو موٹر سائیکل سے دور ہٹایا اور سانپ پکڑنے والے ماہر کو اطلاع دی۔
سانپ پکڑنے والے کی بروقت کارروائیمعروف سانپ پکڑنے والے عقیل بابا موقع پر پہنچے اور احتیاط سے سانپ کو قابو میں کیا۔ اُنھوں نے بتایا کہ رسل وائپر بھارت کے خطرناک ترین سانپوں میں شمار ہوتا ہے۔ اس کا زہر خون کو چند ہی منٹوں میں جما دیتا ہے۔ بروقت علاج نہ ہو تو موت واقع ہو سکتی ہے۔
یہ بھی پڑھیے العلا کے قدیم نخلستان سے سانپ کی نئی قسم دریافت
عقیل بابا کے مطابق، ممکنہ طور پر گرمی سے بچنے یا سرد موسم میں گرم جگہ کی تلاش کے باعث سانپ موٹر سائیکل کے پیٹرول ٹینک کے نیچے گھس آیا ہوگا، جب بائیک کہیں پارک کی گئی تھی۔
رسل وائپر — بھارت کا مہلک سانپرسل وائپر بھارت کے اُن 4 مشہور زہریلے سانپوں (بگ فور ) میں شامل ہے، جن کے کاٹنے سے ہر سال ہزاروں افراد موت کا شکار ہوتے ہیں۔ یہ سانپ نہ صرف شدید زہریلا ہوتا ہے بلکہ خطرہ محسوس ہونے پر جارحانہ انداز بھی اختیار کرتا ہے۔
یہ بھی پڑھیے سانپوں سے کٹواکر مہلک بیماریوں کا علاج، متنازع معالج کے ہاں مریضوں کی ِبھیڑ
ماہرین نے عوام سے اپیل کی ہے کہ اپنی گاڑیوں کو پارک کرنے سے پہلے اور چلانے سے قبل اچھی طرح چیک کریں، خاص طور پر سردیوں، حبس یا پھر بارش کے موسم میں۔ سنسان یا نیم جنگلاتی علاقوں میں گاڑیاں پارک کرنے سے گریز کریں۔ کسی غیر معمولی صورتحال میں فوراً قریبی سروس سینٹر یا جنگلی حیات کے ماہرین سے رابطہ کریں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
رسل وائپر سانپ
’وزیرِاعلیٰ نے فنڈ میں خیانت کی، وہ صادق و امین نہیں رہے‘: علی امین گنڈاپور کیخلاف مقدمے کی درخواست