کشمیریوں کی جدوجہد آزادی کی مسلسل حمایت جاری رکھنے پر پاکستان سے اظہار تشکر
اشاعت کی تاریخ: 4th, February 2025 GMT
ذرائع کے مطابق کل جماعتی حریت کانفرنس کے غیر قانونی طور پر نظربند چیئرمین مسرت عالم بٹ نے نئی دلی کی تہاڑ جیل سے جاری ایک پیغام میں کشمیریوں کی جدوجہد آزادی کی مسلسل حمایت کرنے پر پاکستان کا خیرمقدم کیا۔ اسلام ٹائمز۔ کل جماعتی حریت کانفرنس نے بھارت کے غیر قانونی اور جبری قبضے سے آزادی کے لیے کشمیریوں کی جائز اورحق پر مبنی جدوجہد کی سیاسی، سفارتی اور اخلاقی حمایت جاری رکھنے پر پاکستان کے عوام اور حکومت کا شکریہ ادا کیا ہے۔ ذرائع کے مطابق کل جماعتی حریت کانفرنس کے غیر قانونی طور پر نظربند چیئرمین مسرت عالم بٹ نے نئی دلی کی تہاڑ جیل سے جاری ایک پیغام میں کشمیریوں کی جدوجہد آزادی کی مسلسل حمایت کرنے پر پاکستان کا خیرمقدم کیا۔ انہوں نے کہا کہ مظلوم کشمیری عوام کو بد ترین بھارتی مظالم کا سامنا ہے، 10 لاکھ سے زائد بھارتی افواج مقبوضہ جموں و کشمیر میں انسانی حقوق کی سنگین خلاف ورزیاں کر رہی ہیں۔ انہوں نے عالمی برادری پر زور دیا کہ وہ کشمیریوں کی حالت زار کو انسانی ہمدردی کے نقطہ نظر سے دیکھے۔ حریت رہنمائوں غلام محمد خان سوپوری، محمد سلیم زرگر، خادم حسین، سید سبط شبیر قمی، زمرودہ حبیب، یاسمین راجہ، فریدہ بہن نجی، عبدالصمد انقلابی، بشیر اندرابی، خواجہ فردوس، غلام نبی وار، محمد یوسف نقاش، مولانا مصعب ندوی اور دیویندر سنگھ نے سرینگر میں اپنے بیانات میں ہر سال 5 فروری کو یوم یکجہتی کشمیر منانے پر پاکستان کا خیرمقدم کیا۔
انہوں نے کہا کہ پاکستان تنازعہ کشمیر کے ایک اہم فریق کے طور پر، قومی اور بین الاقوامی سطح پر طویل عرصے سے اس دیرینہ تنازعے کے پرامن حل کیلئے مخلصانہ کوششیں کر رہا ہے۔ انہوں نے کہا کہ پاکستان ایک ذمہ دار جوہری طاقت کے طور پر اقوام متحدہ کی سلامتی کونسل کی قراردادوں کے مطابق مسئلہ کشمیر کے واحد جمہوری اور پرامن حل کے طور پر حق خودارادیت کی حمایت کرتا ہے۔ انہوں نے کشمیریوں کی جدوجہد آزادی کی مسلسل حمایت کے غیر متزلزل عزم پر پاکستان کا شکریہ ادا کیا۔
ادھر کل جماعتی حریت کانفرنس آزاد کشمیر شاخ کے رہنما بشمول جنرل سیکرٹری پرویز احمد شاہ، سیکرٹری اطلاعات مشتاق احمد بٹ، سید اعجاز احمد، زاہد اشرف، راجہ خادم حسین، سید گلشن، منظور احمد شاہ، عزیر احمد غزالی، مشتاق الاسلام, عبدالمجید میر اور دیگر نے مظفرآباد میں پریس بریفنگ میں کشمیر کاز کی حمایت کرنے پر پاکستان کے کردار کو سراہا۔ انہوں نے کہا کہ 5 فروری کو یوم تشکر کے طور پر منایا جائے گا تاکہ جموں و کشمیر کے عوام کے لیے پاکستان کے غیر متزلزل عزم اور قربانیوں کا اعتراف کیا جا سکے۔
کل جماعتی حریت کانفرنس آزاد کشمیر شاخ کے دیگر رہنمائوں کنوینر غلام محمد صفی، محمود احمد ساغر، محمد فاروق رحمانی، سید یوسف نسیم، الطاف حسین وانی، شیخ عبدالمتین، شمیم شال، میر طاہر مسعود، امتیاز وانی، شیخ یعقوب، الطاف احمد بٹ، زاہد صفی، محمد سلطان بٹ، انجینئر محمود، محمد اشرف ڈار، حسن البنا، سید فیض نقشبندی، عدیل مشتاق، جاوید اقبال، خطیب دائود خان، نثار مرزا، کفایت رضوی، عبدالمجید لون، محمد شفیع ڈار، شیخ ماجد چوہدری شاہین اقبال، مشتاق گیلانی اور منظور ضیا نے اسلام آباد میں جاری اپنے بیانات میں اور کشمیر کونسل ای یو کے چیئرمین علی رضا سید نے برسلز سے جاری ایک بیان میں کہا کہ پاکستان نے ہمیشہ کشمیری عوام کی خواہشات اور اقوام متحدہ کی متعلقہ قراردادوں کے مطابق مسئلہ کشمیر کے حل کی حمایت کی ہے۔ انہوں نے کہا کہ متعدد چیلنجز کے باوجود جموں و کشمیر سے متعلق پاکستان کا موقف غیر متزلزل ہے اور وہ بین الاقوامی فورموں پر کشمیر کاز کی حمایت جاری رکھے ہوئے ہے۔ حریت قیادت اور جموں و کشمیر کے عوام نے حق خودارادیت کی منصفانہ جدوجہد میں مسلسل حمایت پر پاکستان کا تہہ دل سے شکریہ ادا کیا ہے۔
ذریعہ: Islam Times
کلیدی لفظ: کشمیریوں کی جدوجہد آزادی کی مسلسل حمایت انہوں نے کہا کہ پر پاکستان کا کے طور پر کی حمایت کے مطابق کشمیر کے کے غیر
پڑھیں:
مقبوضہ کشمیر، سیرت النبی (ص) کانفرنس میں مختلف مکاتب فکر کے علماء کرام شریک
اسلام ٹائمز: مقررین نے پیغمبر اسلام (ص) کی نورانی تعلیمات اور سیرت کامل کو انصاف و انسانیت سازی کا نمونہ عمل قرار دیتے ہوئے کہا کہ حضور (ص) نے اپنے اخلاق اور سیرت و کردار سے دنیائے انسانیت کو ظلم و ظلمت کی دلدل سے نکال کر انسانیت کو اسکے حقیقی مقام و منزلت سے ہمکنار کیا۔ متعلقہ فائیلیںرپورٹ: جاوید عباس رضوی
جموں و کشمیر انجمن شرعی شیعیان کے اہتمام سے انجمن کے صدر دفتر بڈگام میں رحمۃً للعالمین (ص) کانفرنس کا انعقاد کیا گیا۔ کانفرنس میں وادی کشمیر کی متعدد دینی شخضیات اور معززین نے شرکت کی۔ انجمن شرعی شیعیان کے صدر مولانا آغا سید حسن الموسوی الصفوی نے کانفرنس کی صدارت کی جبکہ نظامت کے فرائض مولانا مولوی نثار حسین والو نے انجام دیئے، جن معززین نے کانفرنس میں شرکت کی اور اظہار خیال کیا، ان میں میر واعظ کشمیر ڈاکٹر محمد عمر فاروق، مفتی اعظم جموں و کشمیر مفتی ناصر الاسلام، آیت اللہ سید محمد عقیل الغروی، مولانا سید یوسف موسوی وغیرہ شامل ہیں، جبکہ کانفرنس میں مولانا سید محمد حسین الموسوی، مولانا سید محمد صفوی، مولانا سید ارشد حسین موسوی، مولانا غلام محمد گلزار، ائمہ جمعہ ائمہ جماعت قصبہ بڈگام اور معزز شخصیات کی ایک بڑی تعداد بھی موجود تھی۔ ایڈووکیٹ آغا سید منتظر مہدی الموسوی نے خطبہ استقبالیہ دیا۔ مقررین نے پیغمبر اسلام (ص) کی نورانی تعلیمات اور سیرت کامل کو انصاف و انسانیت سازی کا نمونہ عمل قرار دیتے ہوئے کہا کہ حضور (ص) نے اپنے اخلاق اور سیرت و کردار سے دنیائے انسانیت کو ظلم و ظلمت کی دلدل سے نکال کر انسانیت کو اس کے حقیقی مقام و منزلت سے ہمکنار کیا۔
مقررین نے کہا کہ آپ (ص) کی ولادت باسعادت کے وقت کرہ ارض بالخصوص عالم عرب میں انسانیت سوزی اور ظلم و جہالت کا دور دورہ تھا، صنف نازک کا وجود داو پر لگ چکا تھا اور جنگ و جدل عربوں کا معمول بن چکا تھا، آپ (ص) نے اپنے رحمت افشان کردار و عمل سے انہیں اپنی طرف متوجہ کیا اور ان انسانیت سوز حالات کو یکسر بدل کر رکھ دیا، احترام انسانیت، حقوق البشر اور عدل و انصاف کو پیغمبر اسلام (ص) کی تعلیمات اور سیرت طیبہ کا نمایا پہلو قرار دیتے ہوئے مقررین نے کہا کہ آپ (ص) نے نہ صرف انسانوں بلکہ تمام حشرات الارض حتیٰ کہ جمادات کے حقوق تک مختض فرما کر رحمۃً للعالمین کا مظاہرہ کیا۔ آغا سید حسن الموسوی الصفوی نے اپنے صدارتی خطبہ میں کہا کہ جہاں تک مسئلہ فلسطین کا تعلق ہے، صرف وہی حل قابلِ قبول ہوگا، جسے خود فلسطینی عوام تسلیم کریں۔ انہوں نے کہا کہ ہم فلسطینی کاز کے لئے مسلط شدہ یا بیرونی طاقتوں کے بنائے گئے تمام دیگر حل کو مکمل طور پر مسترد کرتے ہیں۔ انہوں نے مزید کہا کہ موجودہ دور میں ہمارا سماج بے راہ روی، اخلاقی زوال اور بڑھتی ہوئی بے حیائی جیسے مہلک امراض میں جکڑا جا رہا ہے، جو دراصل قرآن کی ہدایت اور سیرتِ نبوی (ص) سے دوری کا شاخسانہ ہے۔
انہوں نے کہا کہ اگر ہم نے اس بگاڑ کو روکنے کے لئے فوری اور سنجیدہ عملی اقدامات نہ کئے تو آنے والی نسلیں مزید تباہی و گمراہی کی طرف دھکیل دی جائیں گی۔ انہوں نے زور دے کر کہا کہ بحیثیت امت اور سماج ہماری اولین ذمہ داری ہے کہ ہم قرآن و سیرتِ رسول (ص) کی طرف مراجعت کریں اور معاشرتی اصلاح کے لئے اجتماعی جدوجہد کو اپنا شعار بنائیں۔ اس موقع پر تنظیم کے صدر آغا سید حسن موسوی نے کشمیر میں حالیہ روٹن میٹ اسکینڈل کو ایک المناک اور شرمناک سانحہ قرار دیتے ہوئے کہا کہ یہ محض بدعنوانی نہیں بلکہ انسانی جانوں کے ساتھ کھلا کھلواڑ اور اجتماعی قتل کے مترادف ہے۔ آغا سید حسن موسوی نے کہا کہ اس قبیح اور غیر انسانی جرم میں ملوث عناصر کو سخت ترین سزا دی جانی چاہیئے، تاکہ آئندہ کوئی بھی سماج دشمن طبقہ عوام کی صحت اور زندگیوں کے ساتھ اس طرح کی درندگی کا ارتکاب کرنے کی جرأت نہ کرسکے۔ انہوں نے حکومت اور متعلقہ اداروں سے پرزور مطالبہ کیا کہ اس سنگین مسئلے کے تدارک کے لئے فوری اور فیصلہ کن اقدامات کئے جائیں، تاکہ معاشرہ اس بڑھتی ہوئی بدعنوانی، بے حسی اور غیر اخلاقی رجحان سے نجات پا سکے۔ قارئین و ناظرین محترم آپ اس ویڈیو سمیت بہت سی دیگر اہم ویڈیوز کو اسلام ٹائمز کے یوٹیوب چینل کے درج ذیل لنک پر بھی دیکھ اور سن سکتے ہیں۔ (ادارہ)
https://www.youtube.com/@ITNEWSUrduOfficial
کپل شرما سے بھتہ مانگنے والا گینگسٹر گرفتار