منور چورنگی انڈر پاس‘ تعمیراتی کام کے باعث ایک ٹریک مکمل بند
اشاعت کی تاریخ: 4th, February 2025 GMT
گلستان جوہر منور چورنگی پر انڈر پاس کی تعمیراتی کام کی وجہ سے بند کی جانے والی سڑک پر چائے کے ہوٹل والے نے اپنی کرسیاں اور ٹیبلیں رکھ دی ہے
کراچی (رپورٹ: منیر عقیل انصاری) رمضان المبارک سے قبل کراچی کی معروف اور مین سڑک گلستان جوہر منور چورنگی پر انڈر پاس کا تعمیراتی کام شروع ہونے کے باعث ایک ٹریک کو مکمل طور پر بند کردیا گیا ہے۔ انڈر پاس پر تعمیراتی کام کے آغاز کی وجہ سے منور چورنگی پر ٹریفک جام رہنا معمول بن گیا، گلستان جوہر چورنگی فلائی اوور سے کامران چورنگی اور موسمیات کی جانب جانے والے ٹریفک کو سروس روڈ کی جانب منتقل کیا گیا ہے اور مین سڑک کو بڑے بڑے کنکریٹ بلاک لگا کر عام ٹریفک کیلیے بند کردیا ہے جبکہ منور چورنگی انڈر پاس کی تعمیرات کے لیے بند کیے جانے والے مین سڑک پر چائے کے ہوٹل والوں نے اپنی کرسیاں اور ٹیبلیں ڈال دی ہیں۔ اسی طرح سڑک کے اطراف میں فروٹ کے ٹھیلے اور دیگر خونچہ فروشوں کے ٹھیلے موجود رہتے ہیں، جس کی وجہ سے ٹریفک مزید جام رہتا ہے۔ گلستان جوہر منور چورنگی کی مین سڑک بند ہونے کی وجہ سے روزانہ صبح اسکول اورکالج جانے والے طلبہ اور دفاتر جانے والے خواتین و حضرات کو شدید دشواری کا سامنا کرنا پڑرہا ہے۔ پہلے ہی مین یونیورسٹی روڈ پر ریڈ لائن منصوبے کی وجہ سے شہریوں کو ڈھائی سال سے بدترین ٹریفک جام کا سامنا کرنا پڑرہا ہے، اس حوالے سے ایک شہری نے جسارت سے گفتگو کرتے ہوئے کہا کہ کراچی میں دیگر منصوبوں کی طرح ایک اور تھکا ہوا اور کمپرومارزڈ پروجیکٹ شروع کیا گیا ہے جس کا نتیجہ عوام کیلیے پریشانی کا باعث ہوگا اور کراچی کے دیگر علاقوں بالخصوص گلستان جوہر کے شہریوں کو تقریبا ڈیڑھ سال تک روزانہ ٹریفک جام میں اپنا قیمتی وقت ضایع کرنا پڑے گا ۔کیونکہ سندھ حکومت کا کراچی میں تعمیراتی کام کو طول دینا روایت بن گئی ہے اور وقت مقررہ پر کسی منصوبے کو مکمل نہیں کیا جاتا ہے۔ شہری کا مزید کہنا تھا کہ انڈر پاس کی تعمیر کی وجہ سے مین سڑک بند کردی گئی ہے جبکہ متبادل ٹریک پر ٹریفک کی روانی انتہائی سست روی کا شکار رہتی ہے۔ رمضان المبارک میں بھی شہریوں کو بدترین ٹریفک جام کا سامنا رہے گا۔ واضح رہے گلستان جوہر چورنگی انڈر پاس کے بعد منور چورنگی پر انڈر پاس کی تعمیر کا کام شروع ہو گیا ہے، جس کا ابتدائی تخمینہ ایک ارب روپے لگایا گیا ہے۔ صوبائی محکمہ پلاننگ اینڈ ڈیولپمنٹ سے منظوری کے بعد انڈر پاس کی تعمیر ادارہ ترقیات کراچی (کے ڈی اے) کے سپرد کی گئی ہے۔
.ذریعہ: Jasarat News
کلیدی لفظ: منور چورنگی پر تعمیراتی کام انڈر پاس کی ٹریفک جام جانے والے کی وجہ سے مین سڑک گیا ہے
پڑھیں:
لاکھوں حجاج کرام حج مکمل، طواف الوداع کے لیے مکہ، پھر مدینہ روانہ
تینوں شیطانوں کی رمی کے ساتھ لاکھوں حجاج کرام کا حج مکمل ہوگیا۔ بہت سے حجاج کرام اتوار کی سہ پہر تشریق کے دوسرے دن تینوں جمرات پر کنکریاں پھینکنے کی رسم ادا کرتے رہے۔ انہوں نے یہ رسم ایک ایمان افروز ماحول میں متعلقہ حکام کی طرف سے ایک انتہائی منظم انداز میں ادا کی۔
نبی کریم ﷺکی روایت کے مطابق حجاج کرام نے ’اللہ اکبر‘ ک صدائیں بلند کرتے ہوئے پہلے جمرات الصغرا (چھوٹا ستون) پر کنکریاں برسائیں، پھر جمرات الوسط (درمیانے ستون) پر اور آخر میں جمرات العقبہ (سب سے بڑا ستون) پر سات، سات مرتبہ کنکریاں برسائیں۔
یہ بھی پڑھیے کامیاب حج سیزن پر سعودی ولی عہد شہزادہ محمد بن سلمان کا مملکت کو خراج تحسین
اس موقع پر دیکھا گیا کہ جمرات کے پل کے پار حجاج کی نقل و حرکت بہ سہولت تھی، وہ آسانی سے اپنے راستوں پر جا رہے تھے، چاہے وہ سنگساری کی رسم ادا کرنے جا رہے ہوں یا منیٰ میں اپنی رہائش گاہوں کی طرف، یا پھر طواف الوداع (الوداعی طواف) کرنے کے لیے مکہ مکرمہ رواں دواں ہوں۔
سنگساری کی رسومات کی انجام دہی کے بعد عازمین تیزی سے مکہ مکرمہ کی عظیم الشان مسجد الحرام کی طرف روانہ ہوئے تاکہ طواف الوداع ادا کیا جا سکے، جو کہ حج کا آخری فریضہ ہے۔
اخبار ’سعودی گزٹ‘ کے مطابق آج مسجد الحرام میں حجاج کرام کی بڑی تعداد پہنچی جو طواف الوداع کرنے کے لیے منیٰ سے مسجد نبوی مدینہ منورہ یا اپنے گھر جانے سے پہلے یہاں آئی تھی۔ عازمین کو اپنی زندگی میں ایک عظیم الشان روحانی سفر مکمل کرنے کے بعد غیر معمولی طور پر پرجوش موڈ میں دیکھا گیا۔
یہ بھی پڑھیے بہتر حج انتظامات، گرمی سے متاثرہ عازمین کی تعداد میں 90 فیصد کمی ریکارڈ
حجاج سنگساری کی رسم اور طواف الوداع کرنے کے لیے مکہ مکرمہ کی طرف منظم اور محفوظ انداز میں محو سفر رہے۔ منتظمین نے حجاج کی نقل و حرکت اور ان کی رسومات کی انجام دہی کے دوران بہترین حفاظت اور آرام کو یقینی بنانے کی تمام تر کوششیں کیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
جمرات حج رمی طواف الوداع
جعلی ریزیڈنٹ کارڈ پر لتھوینیا جانے کی کوشش کرنے والے 4 مسافر آف لوڈ، حراست میں لے لیا گیا