ایران کیلئے ڈونلڈ ٹرامپ کا جدید پیغام
اشاعت کی تاریخ: 5th, February 2025 GMT
سوشل میڈیا پر اپنی ایک پوسٹ میں امریکی صدر کا کہنا تھا کہ میں چاہتا ہوں کہ ایران ایک بڑا اور کامیاب ملک بنے لیکن اس کے پاس جوہری ہتھیار نہیں ہونے چاہئیں۔ اسلام ٹائمز۔ ایسی صورت حال میں جب ایران کے اعلیٰ حکام متعدد بار اپنے بیانات میں کہہ چکے ہیں کہ ایٹم بم کا حصول اُن کے دینی عقائد اور ایران کی دفاعی پالیسی سے متصادم ہے، امریکی صدر "ڈونلڈ ٹرامپ" نے ایک بار پھر کہا کہ ایران جوہری ہتھیار نہیں رکھ سکتا۔ انہوں نے آج ایران کے حوالے سے تبصرہ کرتے ہوئے TRUTH SOCIAL NETWORK پر پوسٹ کی کہ میں چاہتا ہوں کہ ایران ایک بڑا اور کامیاب ملک بنے لیکن اس کے پاس جوہری ہتھیار نہیں ہونے چاہئیں۔ ڈونلڈ ٹرامپ نے مزید کہا کہ اسرائیل کے تعاون سے ایران کو مکمل طور پر تباہ کرنے کے امریکی منصوبے پر مشتمل رپورٹس محض مبالغہ آرائی ہیں۔ میری ترجیح ایک پُرامن جوہری معاہدہ ہے۔
قابل غور بات یہ ہے کہ اپنے پہلے دورہ اقتدار میں امریکہ کو غیر قانونی طور پر ایران کے ساتھ ایٹمی معاہدے سے یکطرفہ طور پر دستبردار کرنے والے ڈونلڈ ٹرامپ نے صرف ان جملوں پر اکتفاء کیا کہ میری ترجیح ایک ایسا معاہدہ ہے جو ایران کی پُرامن ترقی و خوش حالی کا باعث بنے۔ انہوں نے کہا کہ ہمیں اس سلسلے میں فوری طور پر اقدام اٹھانا چاہئے۔ جب اس طرح کا مبی٘نہ معاہدہ حاصل ہو تو مشرق وسطیٰ میں ایک بڑا جشن ہو گا۔ خدا مشرق وسطیٰ کا حامی و ناصر ہو۔ یاد رہے کہ ڈونلڈ ٹرامپ گزشتہ شب وائٹ ہاؤس میں صیہونی وزیراعظم "نتین یاہو" کے میزبان تھے۔
ذریعہ: Islam Times
کلیدی لفظ: ڈونلڈ ٹرامپ
پڑھیں:
صدر مملکت اور وزیراعظم کی عیدالاضحیٰ کے موقع پر قوم کو مبارکباد
اسلام آباد ( نیوزڈیسک) صدر مملکت اور وزیراعظم کی جانب سے قوم اور عالم اسلام کو عید کی دلی مبارکباد پیش کی گئی۔
اپنے پیغام میں صدر مملکت آصف علی زرداری نے کہا کہ یہ دن ہمارے ایمان، قربانی، ایثار اور بھائی چارے کے جذبے کو ازسر نو زندہ کرنے کا دن ہے، ہمیں بطورقوم ایک دوسرے کا سہارا بن کر پاکستان کو ایک عظیم اور خوشحال ملک بنانا ہے۔
ان کا کہنا تھا کہ دعا ہے کہ اللہ اس دن کو ہمارے ملک اور پوری امت مسلمہ کیلئے خیرو برکت، اتحاد اور خوشحالی کا ذریعہ بنائے۔
وزیراعظم شہبازشریف
وزیراعظم شہباز شریف نے اپنے پیغام میں کہا کہ عیدالاضحیٰ کا پیغام صرف جانور کی قربانی تک محدود نہیں، یہ اپنے نفس، خواہشات اور مفادات کو اعلیٰ مقاصد کیلئے قربان کرنے کا درس دیتا ہے، پاکستان ترقی کی راہ پرگامزن ہے، قربانی اور اتحاد کے جذبے کی ضرورت ہے، قربانی کا جذبہ ہی پاکستان کی تقدیر بدل سکتا ہے۔
ان کا کہنا تھا کہ ہمیں آج کے دن فلسطینی بھائیوں اور بہنوں کو بھی یاد رکھنا چاہیے جو ایک بے رحمی، غیرانسانی مظالم اور بھوک کا شکار ہیں۔
مریم نواز شریف
وزیراعلیٰ پنجاب مریم نواز شریف نے بھی عیدالاضحیٰ کی قوم کو مبارکباد پیش کرتے ہوئے کہا کہ اللہ تعالیٰ نے آپریشن بنیاں مرصوص کی کامیابی کے بعد عیدالاضحیٰ کی خوشیاں بھی عطا کیں۔
ان کا کہنا تھا کہ آپریشن بنیان مرصوص اور فتنہ الہندوستان کے حملوں کے دوران جان کی قربانی پیش کرنے والوں کو نہیں بھول سکتے۔
بلاول بھٹو زرداری
چیئرمین پاکستان پیپلزپارٹی بلاول بھٹو زرداری نے قوم کو مبارکباد پیش کرتے ہوئے کہا کہ عیدالاضحیٰ ایثار، ہمدردی اور یکجہتی کا پیغام دیتی ہے، یہ دن ہمیں ایک پُرامن اور منصفانہ معاشرے کی طرف لے جاتا ہے، ذاتی مفادات کو اجتماعی بھلائی کیلئے قربان کرنا ہی عید کا پیغام ہے۔
ان کا کہنا تھا کہ عید کے موقع پر غریبوں اور ناداروں کو ہرگز نہ بھولیں، غربت، موسمیاتی تباہی یا تنازعات کے شکار علاقوں کو یاد رکھیں، ہم ایک مساوات پر مبنی فلاحی پاکستان کیلئے پُرعزم ہیں، کوئی پاکستانی معاشی وجہ سے پیچھے نہ رہ جائے، یہی ہمارا مشن ہے، اللہ کرے یہ عید دلوں کو سکون، قوم کو وحدت اور آپ کے گھروں کو خوشیوں سے بھر دے۔
محسن نقویوفاقی وزیر داخلہ محسن نقوی نے اپنے پیغام میں کہا کہ عید کا دن خوشی کا دن ہے، نفرتیں ختم کر کے محبتیں بانٹیں، قربانی صرف جانور ذبح کرنے کا نام نہیں اپنے مفادات کی قربانی ہی اصل قربانی ہے۔
انہوں نے کہا کہ قوم نے جس طرح آپریشن معرکۂ حق میں مثالی اتحاد اور قربانی کا مظاہرہ کیا، وہ قابل تحسین ہے، 10 مئی کو قوم نے جس سیسہ پلائی دیوار کی طرح مسلح افواج کے ساتھ کھڑے ہو کر یکجہتی دکھائی، وہ ہماری تاریخ کا روشن باب ہے۔
فیصل کریم کنڈیگورنر خیبر پختونخوا فیصل کریم نے قوم کو مبارکباد دیتے ہوئے کہا کہ عیدالاضحیٰ ایثار، قربانی، خلوص اور انسانیت کے جذبے کی تجدید کا دن ہے۔
انہوں نے کہا کہ عید کی خوشیوں میں غریب، نادار اور مستحق افراد کو بھی شریک کریں، عید کے ایام ہمیں باہمی اخوت، ہمدردی اوراتحاد و یگانگت کا پیغام دیتے ہیں۔
سردار ایاز صادقسپیکر قومی اسمبلی سردار ایاز صادق نے قوم اور امت مسلمہ کو عیدالاضحیٰ کی دلی مبارکباد پیش کرتے ہوئے کہا ہے کہ یہ عظیم دن ہمیں قربانی، ایثار، اطاعت اور اتحاد کا درس دیتا ہے، حضرت ابراہیمؑ و اسماعیلؑ کی قربانی انسانیت کیلئے مشعل راہ ہے، اور اللہ کی رضا کیلئے ہر قسم کی قربانی پر آمادگی ہمارا دینی فریضہ ہے۔
ان کا کہنا تھا کہ عید کی خوشیاں مستحقین، کمزور طبقات اور شہداء کے اہل خانہ کے ساتھ بانٹنا اصل اسلامی تعلیمات کا تقاضا ہے۔
مراد علی شاہ وزیراعلیٰ سندھ سید مراد علی شاہ نے عیدالاضحیٰ کے موقع پر مسلم اُمہ بالخصوص پاکستان اور سندھ کے عوام کو دلی مبارکباد پیش کی ہے۔
انہوں نے اپنے پیغام میں عوام سے اپیل کی کہ عید کی خوشیوں میں غریبوں، یتیموں، بیواؤں اور مستحق افراد کو ضرور شریک کیا جائے، تاکہ یہ خوشیاں حقیقی معنوں میں پوری قوم کیلئے بن سکیں۔
Post Views: 5
مون سون کی تباہی: بھارت میں سیلاب اور لینڈ سلائیڈنگ سے 5 ہلاکتیں