کرکٹروہاب ریاض کی ہمشیرہ کے گھر ڈکیتی میں ملوث گینگ گرفتار، 2 خواتین شامل
اشاعت کی تاریخ: 6th, February 2025 GMT
لاہور(نیوزڈیسک)کرکٹر اورپنجاب کے سابق وزیر کی بہن کے گھر ڈکیتی کرنے والے گینگ کو گرفتار کرلیا گیا۔لاہور میں ڈی آئی جی آرگنائزڈ کرائم یونٹ ( او سی یو) عمران کشور نے ایس پی عمران کرامت بخاری ،ایس پی آفتاب احمد پھلروان اور ڈی ایس پی چوہدری فیصل شریف کےہمراہ پریس کانفرنس میں بتایا کہ آرگنائزڈکرائم یونٹ ماڈل ٹاؤن نے انٹیلی جنس بیسڈ کارروائی کرتے ہوئے کرکٹراور سابق صوبائی وزیر وہاب ریاض کے بہنوئی اور معروف بزنس مین خواجہ شاہ زیب کے گھر ڈکیتی کرنے والے 5 رکنی گینگ کو گرفتار کرلیا۔ گرفتار ملزمان میں 2 خواتین بھی شامل ہیں۔
ملزمان سے نقد رقم، 2 کروڑ 20 لاکھ 48 ہزار روپے سے زائد مالیت کے طلائی زیورات، ڈائمنڈ جیولری اور ناجائز اسلحہ برآمد کیا گیا۔ گرفتار ملزمان میں عرفان، طارق، اقبال عرف بالا،مصباح بی بی اور شکوراں بی بی شامل ہیں۔ گرفتار ملزم طارق 50 سے زائد سنگین جرائم کی وارداتوں میں سابقہ ریکارڈ یافتہ جس سے جامع تحقیقات جاری ہیں،
پولیس حکام کے مطابق ملزم اقبال عرف بالا بھی درجنوں وارداتوں میں مطلوب تھا۔ آئی ٹی ماہرین، پبلک ریلیشن اور تجربہ کار افسران کی مدد سے ملزمان کو مختصر وقت میں گرفتار کیا گیا۔ جرائم پیشہ عناصر کے خلاف آرگنائزڈ کرائم یونٹ لاہور کی کارروائیاں جاری رہیں گی۔ ملزمان کو پراسیکیوشن پارٹنرشپ کی مدد سے سخت سزا دلوائی جائے گی۔ شہریوں کی جان و مال کا تحفظ پولیس کی اولین ذمہ داری ہے۔
.ذریعہ: Daily Ausaf
پڑھیں:
راولپنڈی: غیرت کے نام پر خاتون کے قتل کی گھناؤنی واردات، دوران تفتیش ہوش ربا انکشاف
راولپنڈی کے تھانہ پیرودھائی کے علاقے میں غیرت کے نام پر قتل کی گھناؤنی واردات سامنے آئی ہے جہاں خاوند نے رشتہ داروں کے ساتھ مل کر اہلیہ کو قتل کرکے نعش خاموشی سے دفنا دی۔
پولیس نے تحقیقات کے دوران سنگین واردات کا سراغ لگا لیا اور گورکن سمیت ملوث ملزمان کو گرفتار کرلیا۔
ذرائع نے کہا کہ ملزمان اتنے شاطر نکلے کے خود ہی لڑکی کے اغوا اور دوسری جگہ نکاح کرنے کا مقدمہ بھی درج کرادیا، مقدمہ لڑکی کے خاوند ضیا الرحمان کی مدعیت میں درج کیا گیا۔
مدعی نے کہا کہ پیر ودھائی کا رہاہشی ہوں، اور باڑہ مارکیت میں کپڑے کی دکان پر سیلز مین ہوں، شادی جنوری میں مسماتہ سدرہ گل سے ہوئی، 11 جولائی کو گھر آیا تو اہلیہ معمولی ناچاقی پر گھر سے زیور و نقدی لیکر غائب تھی۔
تلاش کیا تو پتہ چلا کہ اس نے عثمان نامی شخص سے شادی کرلی، عثمان کو بھی پتہ تھاکہ وہ شادی شدہ ہے، اس کے گھر والوں سے بات کی تو عثمان کا کچھ نہ بتایا۔
ذرائع نے کہا کہ پولیس نے مدعی کی درخواست پر ایف آئی آر درج کرکے تحقیقات شروع کیں ہوش روبا انکشاف سامنے آئے، اطلاعات پر قریی قبرستان کے گورکن کو شامل تفتیش کیا تو خاموشی سے نعش دفنانے کا انکشاف ہوا۔
ذرائع نے کہا کہ ملزمان نے نشانات مٹانے کے لیے قبر کے ںشانات بھی مٹا ڈالے، پولیس نے گورکن سمیت ملوث ملزمان کو گرفتار کرلیا، لاش بازیاب کرنے کے لیے عدالت سے رجوع کرلیا گیا۔
پولیس زرائع نے کہا کہ ایف آئی آر میں قتل ،غیرت کے نام پر قتل وغیرہ کی دفعات کا اضافہ کرلیاگیا، مرکزی ملزم کی گرفتاری کے لیے چھاپے جاری ہیں، ترجمان پولیس متعدد بار رابطے کے باوجود موقف کے لیے دستیاب نہ ہوسکے۔
حب چوکی پرتیز رفتار گاڑی کی ٹکرسے 2نوجوان جاں بحق