بھارتی اداکار کا مزاق اُڑانے پر مشتعل افراد نے کامیڈین کو تشدد کا نشانہ بنا ڈالا
اشاعت کی تاریخ: 7th, February 2025 GMT
بالی ووڈ کے ایکشن ہیرو اکشے کمار کی نئی فلم ’اسکائی فورس‘ سے انڈسٹری میں قدم رکھنے والے اداکار ویر پہاڑیا کا مزاق بنانے پر مشتعل افراد نے کامیڈین کو تشدد کا نشانہ بنا دیا۔
بھارتی میڈیا رپورٹ کے مطابق معروف اسٹینڈ اپ کامیڈین پرنیت مورے پر حالیہ ایونٹ میں مشہور بالی وڈ اداکار ویر پہاڑیا سے متعلق لطیفے سنانے کے بعد حملہ کیا گیا۔ پولیس نے اس واقعے کے خلاف مقدمہ درج کرتے ہوئے 12 افراد کو نامزد کیا ہے۔
پولیس میں درج کی گئی شکایت کے مطابق کامیڈی شو ختم ہونے کے بعد کچھ افراد مداحوں کے روپ میں پرنیت سے تصاویر کھنچوانے کے بہانے آئے او جیسے ہی مداحوں کا رش کم ہوا تقریباً 10-12 افراد جن کی قیادت تنویر شیخ کر رہے تھے، نے پرنیت مورے پر حملہ کر دیا اور انہیں ویر پہاڑیا پر لطیفے سنانے سے باز رہنے کی دھمکی دی۔
View this post on InstagramA post shared by Pranit More (@rj_pranit)
یہ واقعہ اس وقت منظرعام پر آیا جب کامیڈین کی ٹیم نے سوشل میڈیا پر واقعے کی تفصیلات شیئر کیں۔ پوسٹ میں کہا گیا، ’انہیں وحشیانہ طور پر مارا پیٹا گیا، گھونسے اور لاتیں ماری گئیں، جس کے نتیجے میں وہ زخمی ہوگئے۔ اگر ایک کامیڈین کو محض لطیفے سنانے پر تشدد کا سامنا کرنا پڑ سکتا ہے، تو یہ ہمارے بنیادی حقوق اور تحفظ کے بارے میں کیا کہتا ہے؟‘
اداکار ویر پہاڑیا نے اس واقعے کو افسوسناک قرار دیتے ہوئے اپنی ٹوئٹ میں افسوس کا اظہار کیا اور لھا کہ ’مجھے یہ سن کر شدید صدمہ پہنچا ہے۔ میں واضح کرنا چاہتا ہوں کہ میرا اس واقعے سے کوئی تعلق نہیں اور میں ہر قسم کے تشدد کی سختی سے مذمت کرتا ہوں‘۔
انہوں نے مزید کہا کہ وہ اس واقعے کے ذمہ دار افراد کے خلاف کارروائی میں تعاون کریں گے۔
یاد رہے کہ ویر پہاڑیا نے حال ہی میں ریلیز ہونے والی فلم ’اسکائی فورس‘ میں اکشے کمار کے ساتھ اہم کردار نبھایا ہے اس فلم میں اداکارہ سارہ علی خان ویر پہاڑیا کی بیوی کا کردار ادا کر رہی ہیں۔ یہ فلم ریلیز کے پہلے ہی ہفتے میں 100 کروڑ سے زائد کا بزنس کر چکی ہے۔
.ذریعہ: Express News
کلیدی لفظ: اس واقعے
پڑھیں:
آئی پی پیز کو ٹیکس سے استثنیٰ، عوام پر ٹیکس کا بوجھ ڈالا جارہا ہے: حافظ نعیم
کراچی (آئی این پی) امیر جماعتِ اسلامی پاکستان حافظ نعیم الرحمن نے کہا ہے کہ آئی پی پیز کو ٹیکس سے استثنیٰ دیا جارہا ہے، عام عوام پر ٹیکس کا بوجھ ڈالا جارہا ہے، ایک لاکھ 25 ہزار تنخواہ والے شخص کو ٹیکس سے چھوٹ دی جائے۔کراچی میں پریس کانفرنس کے دوران حافظ نعیم الرحمان نے کہا کہ بجٹ میں پھر خوف پیدا ہونا شروع ہوگیا ہے، پانچ ماہ سے مہنگائی بڑھتی جارہی ہے، مصنوعی دعوں سے معیشت بہتر نہیں ہوتی، عملی اقدامات سے ہوتی ہے، تنخواہ دار طبقے نے ٹیکس کی مد میں 400 ارب روپے جمع کرائے۔حافظ نعیم الرحمان کا کہنا ہے کہ بڑے جاگیرداروں کی شوگر ملیں ہیں، یہ حکومتوں میں ہوتے ہیں، مخصوص طبقے کو لوٹ مار کرنی ہے، ٹیکس جمع نہیں کرانا، تنخواہ دار طبقے پر ٹیکس کا نظام ازسر نو بنایا جائے، حکومت بجلی کے ٹیرف میں مستقل کمی نہیں کر رہی۔انہوں نے مزید کہا کہ عام صارفین سے لوٹ مار کی جارہی ہے، مخصوص طبقے کی مراعات بڑھ رہی ہیں، عوام کو کوئی ریلیف نہیں دیا جارہا، دو ہزار ارب روپے آئی پی پیز کو دیے جارہے ہیں۔امیرِ جماعتِ اسلامی نے کہا کہ 67 ہزار افراد انتظامیہ کی ناقص حکمتِ عملی کی وجہ سے حج نہیں کر سکے۔ان کا کہنا تھا کہ کے فور منصوبہ مستقل تاخیر کا شکار ہے، ارسا نے کراچی کا پانی نہیں بڑھایا، کے فور منصوبے کا تخمینہ دو سو ارب تک پہنچ چکا ہے، کراچی کا بنیادی انفرا اسٹرکچر تباہ کردیا گیا ہے۔حافظ نعیم الرحمان نے کہا کہ امریکا نے غزہ میں جنگ بندی پر ویٹو کردیا ہے، اسرائیلی دہشت گردی کی مذمت کرتے ہیں، ڈونلڈ ٹرمپ نے امن کے بجائے جنگ کو فوقیت دی، امریکا نسل کشی کی پالیسی پر عمل پیرا ہے، ہم نے بھارت کو شکست دی، بھارت اب تنہا ہو چکا ہے۔حافظ نعیم الرحمان کا کہنا ہے کہ پوری دنیا میں پاکستان کا وقار بلند ہوا ہے، فیلڈ مارشل عاصم منیر مسلم ممالک کی افواج کے سربراہان کا اجلاس بلائیں، تمام ممالک کے سپہ سالاروں کو اکٹھا کیا جائے۔حافظ نعیم الرحمان نے یہ بھی کہا کہ امریکا نے افغانستان میں قتل عام کیا، امریکا امن کا داعی نہیں بلکہ انسانیت کا دشمن ہے، ملک کی بڑی سیاسی جماعتوں نے غزہ کی صورتحال پر احتجاج نہیں کیا۔
ضمنی انتخابات؛ مسلم لیگ ن نے میدان مار لیا