بھارتی دارالحکومت میں اسکولوں کو ایک بار پھر بم کی دھمکیاں موصول
اشاعت کی تاریخ: 8th, February 2025 GMT
نئی دہلی (انٹرنیشنل ڈیسک) بھارتی دارالحکومت دہلی میں کئی اسکولوں کو ایک بار پھر بم کی دھمکیاں موصول ہو ئیں۔ بھارتی میڈیا کے مطابق نوئیڈا کے اسکولوں کو بم کی دھمکیاں صبح ملیں جبکہ مایور وہار کے ایک اسکول کو صبح ای میل پر دھمکی دی گئی۔دھمکیوں کے بعد طلبہ کو واپس گھر بھیج دیا گیا۔ واضح رہے کہ اس سے قبل نئی دہلی میں اسکول کو دھمکی آمیز ای میل بھیجنے پر پکڑے گئے طالب علم کو چھوڑ دیا گیا تھا۔12 سالہ طالب علم کو کونسلنگ اور والدین کو متنبہ کرنے کے بعد جانے کی اجازت دی گئی تھی۔بھارتی میڈیا کا کہنا ہے کہ مذکورہ اسکول ان 30 اداروں میں شامل تھا جنہیں دھمکیاں موصول ہوئی تھیں۔
.ذریعہ: Jasarat News
پڑھیں:
راجستھان میں اسکول کی عمارت گرنے سے 4 بچے جاں بحق، 40 ملبے تلے دب گئے
راجستھان کے ضلع جھالاواڑ میں جمعے کی صبح ایک سرکاری اسکول کی عمارت گرنے سے کم از کم چار بچے جاں بحق ہو گئے، جبکہ درجنوں کے ملبے تلے دبے ہونے کا خدشہ ہے۔
یہ افسوسناک واقعہ صبح تقریباً ساڑھے 8 بجے مانوہرتھانہ کے علاقے میں واقع پیپلوڈی گورنمنٹ اسکول میں پیش آیا۔
یہ بھی پڑھیں:ایئر انڈیا طیارہ حادثہ: بھارت نے برطانوی خاندانوں کو غلط لاشیں بھیج دیں
حکام کے مطابق اس وقت اسکول میں تقریباً 40 بچے، اساتذہ اور عملہ موجود تھے جب یک منزلہ عمارت کی چھت اچانک منہدم ہو گئی۔
بھارتی میڈیا کے مطابق اسکول کی عمارت خستہ حال تھی اور اس بارے میں متعدد شکایات پہلے ہی درج کرائی گئی تھیں۔ اسکول میں آٹھویں جماعت تک تعلیم دی جاتی ہے۔
جھالاواڑ کے سپرنٹنڈنٹ پولیس امیت کمار نے خبر رساں ادارے پی ٹی آئی کو بتایا 4 بچے جان کی بازی ہار چکے ہیں اور 17 زخمی ہیں۔
ان میں سے 10 بچوں کو جھالاواڑ ریفر کیا گیا ہے جن میں سے تین سے چار کی حالت تشویشناک ہے۔
مقامی افراد نے موقع پر پہنچ کر ملبے تلے دبے بچوں، اساتذہ اور دیگر افراد کو نکالنے کی کوششیں شروع کیں۔ کم از کم چار JCB مشینیں بھی امدادی کاموں میں حصہ لینے کے لیے موقع پر پہنچ گئیں۔
یہ بھی پڑھیں:بھارت میں خود ساختہ ریاست کا جعلی سفارتخانہ بے نقاب، ملزم گرفتار
ضلعی انتظامیہ کے افسران، بشمول ڈپٹی کمشنر اور ریسکیو ٹیمیں موقع پر موجود ہیں۔ حادثے کی اطلاع ملتے ہی بچوں کے والدین اور رشتہ دار بھی جائے وقوعہ پر پہنچ گئے۔
زخمی بچوں کو ابتدائی علاج کے لیے مانوہرتھانہ اسپتال منتقل کیا جا رہا ہے، جبکہ شدید زخمیوں کو جھالاواڑ کے بڑے اسپتال منتقل کیا جا رہا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اسکول بلڈنگ بھارت حادثہ راجستھان
کراچی کی آبادی 2 کروڑ 30 لاکھ سے تجاوز، بے ہنگم اضافہ شہر کو بحران کی دہلیز پر لے آیا