سہ ملکی سیریز: فاسٹ بولر حارث رؤف کو پسلیوں میں تکلیف، اوور ادھورا چھوڑ کر گراؤنڈ سے جانا پڑا
اشاعت کی تاریخ: 8th, February 2025 GMT
قومی کرکٹ ٹیم کے فاسٹ بولر حارث رؤف کو سہ ملکی سیریز کے پہلے میچ میں نیوزی لینڈ کے خلاف بولنگ کرتے ہوئے پسلیوں میں تکلیف ہوئی ہے جس کے باعث انہیں میچ ادھورا چھوڑنا پڑا۔
فاسٹ بولر حارث رؤف کو ساتویں اوور کے دوران پسلیوں میں تکلیف ہوئی، جس کے بعد وہ میچ ادھورا چھوڑ کر گراؤنڈ سے باہر چلے گئے۔
حارث رؤف کے گراؤنڈ سے باہر جانے کے بعد سلمان علی آغا نے ان کا اوور مکمل کیا۔
اس حوالے سے پاکستان کرکٹ بورڈ نے بتایا ہے کہ حارث رؤف کو لو گریڈ ون اسٹرین کا سامنا اور پیٹ کے مسلز میں تکلیف کا سامنا ہے، ان کو فوری طبی امداد دی گئی ہے۔
پی سی بی کے مطابق حارث رؤف کو تکلیف کا دوبارہ جائزہ لے کر گراؤنڈ میں واپسی کا فیصلہ کیا جائےگا۔
یاد رہے کہ حارث رؤف رواں ماہ پاکستان میں شیڈول چیمپیئنز ٹرافی کے اسکواڈ کا بھی حصہ ہیں۔ اس سے قبل قومی ٹیم کے اہم بیٹر صائم ایوب انجری کی وجہ سے ایونٹ سے باہر ہو چکے ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews انجری اوور ادھورا پاکستان کرکٹ بورڈ پسلیوں میں تکلیف پی سی بی چیمپیئنز ٹرافی اسکواڈ حارث رؤف سہ ملکی سیریز گراؤنڈ سے باہر وی نیوز.ذریعہ: WE News
کلیدی لفظ: پاکستان کرکٹ بورڈ پی سی بی چیمپیئنز ٹرافی اسکواڈ سہ ملکی سیریز گراؤنڈ سے باہر وی نیوز حارث رؤف کو سے باہر
پڑھیں:
نسلی تعصب؛ حریف ٹیم کے کوچ کیخلاف شکایت درج
زمبابوین ٹی20 ٹیم کے کپتان اور لاہور قلندرز کو پی ایس ایل 10 کا ٹائٹل جتوانے میں اہم کردار ادا کرنیوالے سکندر رضا نے حریف ٹیم کے کوچ کیخلاف شکایت درج کروادی۔
میڈیا رپورٹس کے مطابق زمبابوین کپتان نے لوکل ایونٹ میں میچ کے دوران تعصب پر مبنی جملے کسنے پر حریف ٹیم کے کوچ کے خلاف ہرارے میٹروپولیٹن کرکٹ ایسوسی ایشن (ایچ ایم سی اے) میں باضابطہ شکایت درج کروائی ہے۔
مبینہ طور پر یہ واقعہ اولڈ ہراریئنز اور رینبو کرکٹ کلب کے درمیان کھیلے گئے میچ کے دوران پیش آیا۔
مزید پڑھیں: "پیسوں سے بڑھ کر کچھ نہیں" عماد کا سکندر رضا کی کمٹمنٹ پر بیان
سکندر رضا اس میچ میں اولڈ ہراریئنز کی نمائندگی کررہے تھے، انہوں نے دعویٰ کیا ہے کہ انہیں حریف ٹیم کے کوچ نے اسوقت نسلی تعصب کا نشانہ بنایا جب وہ میدان سے باہر جارہے تھے۔
مزید پڑھیں: سکندر رضا ٹاس سے چند لمحے پہلے برمنگھم سے لاہور کیسے پہنچے؟، فلمی کہانی بیان کردی
زمبابوین کپتان نے کہا کہ میں مکمل تحقیقات کی توقع کرتا ہوں، اگر کوئی قصوروار پایا جاتا ہے تو اس کی مثال بننا چاہئے تاکہ اس طرح کی چیزیں اس اور آنے والی نسلوں کے ساتھ دوبارہ نہ ہوں۔
مزید پڑھیں: کرکٹر سے ممبر پارلیمنٹ کی منگنی ہوگئی، ویڈیو وائرل
دوسری جانب میٹروپولیٹن کرکٹ ایسوسی ایشن کی جانب سے کوئی بیان جاری کیا گیا ہے۔
واضح رہے کہ گزشتہ ماہ لاہور قلندرز کیلئے ڈرامائی انداز میں واپس آنے والے سکندر رضا ننے 11 میچوں میں 169.33 کے اسٹرائیک ریٹ سے 254 رنز بنا کر ٹورنامنٹ میں اپنی فرنچائز کو تیسری مرتبہ فاتح بنوایا تھا۔
بلوچستان کے لوگوں کے گلے شکوے مل بیٹھ کر دور کئے جاسکتے ہیں، وزیر اعظم