کیا کپل شرما کامیابی کے بعد مغرور ہوگئے؟ راجیو ٹھاکر نے سچ بتادیا
اشاعت کی تاریخ: 10th, February 2025 GMT
بھارت کے معروف کامیڈین کپل شرما کو کسی تعارف کی ضرورت نہیں۔ ان کا شو "دی کپل شرما شو" بھارت سمیت دنیا بھر میں بے حد مقبول ہے۔
کئی لوگوں کا خیال ہے کہ کامیابی حاصل کرنے کے بعد کپل شرما مغرور ہوگئے ہیں۔ اس بارے میں ان کے قریبی دوست اور ساتھی راجیو ٹھاکر نے خاموشی توڑ دی ہے۔
ایک حالیہ انٹرویو میں راجیو ٹھاکر نے وضاحت کی کہ کپل پر بہت زیادہ دباؤ ہوتا ہے، جو لوگ نہیں سمجھتے۔ انہوں نے کہا، "کون دو ڈھائی گھنٹے کے شو کا اسکرپٹ بغیر اٹکے یاد رکھ سکتا ہے؟ کپل کبھی نہیں اٹکتا اور یہی اس کی کامیابی کی بڑی وجہ ہے۔"
راجیو نے مزید کہا کہ کپل اپنی شہرت کو بہترین انداز میں سنبھال رہے ہیں، جبکہ وہ خود جو کپل کے مقابلے میں محض 5 فیصد کامیاب ہیں، بعض اوقات مداحوں کی توجہ سے پریشان ہو جاتے ہیں۔ مگر کپل ہمیشہ گرم جوشی اور خوش دلی سے اپنے مداحوں کا سامنا کرتے ہیں۔
کپل شرما اور سنیل گروور کے درمیان ہونے والے جھگڑے پر بھی راجیو ٹھاکر نے تبصرہ کیا۔ انہوں نے کہا، "یہاں کون نہیں لڑتا؟ اگر ان کے درمیان سنجیدہ رنجش ہوتی تو کیا آج وہ ایک ساتھ کام کر رہے ہوتے؟"
انہوں نے مزید وضاحت کی کہ سیٹ پر دونوں کے درمیان زبردست ماحول ہوتا ہے اور وہ کام کو انجوائے کرتے ہیں۔
راجیو ٹھاکر کے اس بیان سے واضح ہوتا ہے کہ کپل شرما کے مغرور ہونے کی خبریں محض افواہیں ہیں۔ وہ آج بھی اپنی محنت اور لگن سے کامیابی کا سفر جاری رکھے ہوئے ہیں۔
.
ذریعہ: Express News
پڑھیں:
کراچی پر تیز دھوپ کا راج، گرمی کی شدت کتنی بڑھے گی؟ محکمہ موسمیات نے بتادیا
کراچی:شہر قائد پر تیز دھوپ کا راج ہے جب کہ گرمی کی شدت سے متعلق محکمہ موسمیات نے پیش گوئی بھی کردی ہے۔
محکمہ موسمیات کے مطابق آج سے شہر قائد کے درجہ حرارت میں کمی متوقع ہے اور درجہ حرارت زیادہ سے زیادہ 34سے 36 ڈگری سینٹی گریڈ تک جانے کا امکان ہے۔
کراچی میں آئندہ چوبیس گھنٹوں کے دوران موسم گرم اور مرطوب رہے گا، تاہم شہر میں اس وقت مطلع صاف مگر تیز دھوپ کا راج ہے جب کہ درجہ حرارت 27 ڈگری سینٹی گریڈ ہے۔
موسمیاتی ماہرین کا کہنا ہے کہ شہر میں گرمی کی شدت 32 ڈگری سینٹی گریڈ تک محسوس کی جارہی ہے اور ہوا میں نمی کا تناسب 85 فیصد ہے۔
شہر میں ہوائیں11 کلو میٹر فی گھنٹہ کی رفتار سے چل رہی ہے۔
وزیراعظم کا کھیئل داس کوہستانی سے رابطہ، حملے کی تحقیقات کی یقین دہانی