رتیش دیش مکھ کی شوٹنگ میں ڈانسر کی جان چلی گئی
اشاعت کی تاریخ: 26th, April 2025 GMT
ممبئی (شوبز ڈیسک)اداکار و ہدایتکار رتیش دیش مکھ کی آنے والی مراٹھی فلم ”راجا شیواجی“ کی شوٹنگ کے دوران ایک 26 سالہ ڈانسر سوربھ شرما دریائے کرشنا میں ڈوب کر ہلاک ہو گئے۔ ان کی لاش دو دن بعد برآمد ہوئی۔
پولیس کے مطابق، یہ واقعہ منگل کی شام ستارا ضلع کے علاقے سنگم مہولی میں پیش آیا، جہاں دریائے کرشنا اور وینا آپس میں ملتے ہیں۔ یہ مقام ممبئی سے تقریباً 250 کلومیٹر دور ہے، اور وہیں فلم کی شوٹنگ جاری تھی۔
حادثہ اس وقت پیش آیا جب گانے کی شوٹنگ مکمل ہونے کے بعد، جس میں رنگوں کا استعمال کیا گیا تھا، سوربھ شرما ہاتھ دھونے کے لیے دریا کے کنارے گئے۔ ہاتھ دھونے کے بعد وہ تیرنے کے لیے دریا میں اترے، لیکن پانی کے تیز بہاؤ کی وجہ سے بہہ گئے اور لاپتہ ہو گئے۔
فوری طور پر پولیس اور ضلعی انتظامیہ کو اطلاع دی گئی، جس کے بعد ڈیزاسٹر ریسپانس ٹیم اور مقامی رضاکاروں نے مل کر تلاش کا عمل شروع کیا۔ تاہم، اندھیرا ہونے کی وجہ سے منگل کی رات سرچ آپریشن روک دیا گیا تھا، جو بدھ کی صبح دوبارہ شروع کیا گیا۔
جمعرات کی صبح تقریباً 7:30 بجے پولیس اور ریسکیو ٹیم نے سوربھ شرما کی لاش دریائے کرشنا سے برآمد کی۔ ستارا پولیس نے واقعے کی تحقیقات شروع کر دی ہے اور اسے حادثاتی موت کے طور پر درج کر لیا گیا ہے۔
”راجا شیواجی“ ایک دو لسانی (مراٹھی اور ہندی) فلم ہے، جو چھترپتی شیواجی مہاراج کی زندگی پر مبنی ہے۔ فلم کے ہدایتکار اور مرکزی کردار خود رتیش دیش مکھ ادا کر رہے ہیں
مزیدپڑھیں:قدرت نے آسمان پر ’اسمائلی‘ بنا دی
ذریعہ: Daily Ausaf
کلیدی لفظ: کی شوٹنگ
پڑھیں:
طالبعلم نے دریامیں چھلانگ لگادی،بچانے کیلئے بھائی بھی گودگیا
آزاد کشمیرکے ضلع جہلم ویلی میں چکوٹھی کے قریب درنگ کے مقام پر میٹرک کے طابعلم کاشف نے امتحان میں فیل ہونے پر دل برداشتہ ہوکر دریائے جہلم میں چھلانگ لگادی۔
چھوٹے بھائی کو بچانے کے لئے بڑا بھائی وقاص بھی دریا میں کود گیا، دونوں بھائی دریائے جہلم کی بے رحم لہروں کی نذر ہوگئے جب کہ ریسکیو 1122 اور علاقہ مکینوں نے تلاش شروع کردی۔
میٹرک کے امتحان میں فیل ہونے پر دل برداشتہ ہو کر دریائے جہلم میں چھلانگ لگانے والے چکوٹھی کے قریبی علاقے درنگ کے ریائشی نوجوان کاشف کی ٹک ٹاک پر آخری ویڈیو بھی وائرل ہوگئی جو اس نے دریا میں چھلانگ لگانے سے ایک گھنٹہ قبل شیئر کی تھی۔
مجھے لگتاہے کہ میرے سارے خواب ادھورے رہ جائیں گے، پیاریو مجھے لگتا ہے کہ میری موت جوانی میں ہوگی۔
عینی شاہدین کے مطابق دونوں نوجوانوں کی کی تلاش کے لیے امدادی کارروائیاں جاری ہیں جبکہ مقامی انتظامیہ اور ریسکیو ٹیمیں موقع پر موجود ہیں۔
حکومت کا ایران،عراق اور شام جانے والے زائرین کے متعلق اہم فیصلہ