اڈیالہ جیل میں دو حوالاتی انتقال کرگئے
اشاعت کی تاریخ: 11th, February 2025 GMT
فوٹو: فائل
راولپنڈی کی اڈیالہ جیل میں دو حوالاتی انتقال کرگئے، دونوں کو اسپتال لے جایا جارہا تھا کہ راستے میں دم توڑ دیا۔
ذرائع کے مطابق روات کے رہائشی حوالاتی محمد امین کو دل کی تکلیف کے باعث جیل سے راولپنڈی کارڈیالوجی اسپتال لے جایا گیا۔ وہ اسپتال جاتے ہوئے راستے میں انتقال کرگیا۔
ذرائع نے بتایا کہ جاں بحق حوالاتی چیک ڈس آنر کے مقدمے میں اڈیالہ جیل میں تھا۔
پولیس ذرائع کا بتانا ہے کہ پچاس سالہ چوری کے ملزم نذیر پر تھانہ سول لائنز میں مقدمہ درج تھا۔
ان کے علاوہ اڈیالہ جیل میں ایک اور حوالاتی الیاس نذر بھی انتقال کر گیا۔
ذرائع کا کہنا ہے کہ الیاس نذر کو صحت کی خرابی کے باعث پمز اسپتال منتقل کیا جارہا تھا۔ حوالاتی الیاس نذر اسپتال جاتے ہوئے راستے میں ہی دم توڑ گیا۔
جیل ذرائع کے مطابق حوالاتی الیاس نذر منشیات کے مقدمہ میں گرفتار تھا۔
.ذریعہ: Jang News
کلیدی لفظ: اڈیالہ جیل میں الیاس نذر
پڑھیں:
پی ٹی آئی نے 5 اگست تحریک کا پلان تیار کرلیا
اسلام آباد:پاکستان تحریک انصاف (پی ٹی آئی) نے سابق وزیراعظم عمران خان کی کال پر 5 اگست کو تحریک شروع کرنے کے حوالے سے پلان تیار کر لیا۔
ذرائع نے بتایا کہ پی ٹی آئی نے 5 اگست کی تحریک کے حوالے سے پلان تیار کرلیا ہے اور پی ٹی آئی قیادت نے صوبائی قیادت اور رہنمائوں کو دوبارہ ہدایات جاری کر دی ہیں۔
ذرائع نے بتایا کہ 5 اگست کو ہر ٹکٹ ہولڈر اپنے حلقے میں احتجاج ریکارڈ کروائے گا، حلقوں میں ریلی نکالی جائے گی۔
ایکسپریس نیوز کے مطابق ذرائع نے بتایا کہ پارٹی رہنماؤں نے سیکریٹری جنرل سلمان اکرم راجا پر عدم اعتماد کا اظہار کیا اور کہا گیا کہ سلمان اکرم راجا بیشتر اجلاس میں کہہ چکے ہیں کہ میں احتجاج والا میٹیریل نہیں ہوں۔
پی ٹی آئی ذرائع نے کہا کہ سیاسی کمیٹی کا اگلا اجلاس کل متوقع ہے تاہم اجلاس کے لیے تاحال کوئی مقام فائنل نہیں کیا جا سکا۔
ذرائع نے بتایا کہ سیکریٹری جنرل سلمان اکرم راجا سیاسی کمیٹی کو سنجیدہ نہ لیتے ہوئے سندھ روانہ ہو گئے جبکہ اکثر رہنما 9 مئی کے حوالے سے روپوش ہو گئے ہیں اور مبینہ طور پر پارٹی رہنماؤں کی عدم دلچسپی کے باعث سیاسی کمیٹی کا اجلاس طلب کیا گیا ہے۔
پی ٹی آئی نے سینیٹ کی نشستوں کیلئے امیدواروں کو ٹکٹ جاری کردیئے