پاک ترک اسٹریٹیجک کوآپریشن کونسل کے 7ویں اجلاس کا مشترکہ اعلامیہ جاری
اشاعت کی تاریخ: 13th, February 2025 GMT
تصویر سوشل میڈیا۔
پاک ترک اعلیٰ سطح کے اسٹریٹیجک کوآپریشن کونسل کے 7ویں اجلاس کا مشترکہ اعلامیہ جاری کر دیا گیا۔ اعلامیہ کے مطابق پاکستان اور ترکیہ کے درمیان تعلقات مزید مستحکم اور متنوع بنانے کےلیے اقدامات کیے جائیں گے۔
مشترکہ اعلامیہ کے مطابق دونوں ممالک کے درمیان دفاع، تجارت، سرمایہ کاری اور بینکاری کے شعبوں میں تعاون کو مزید فروغ دینے کا اعادہ کیا گیا۔ تعلیم، صحت، توانائی اور مواصلات کے شعبوں میں تعاون کو مزید فروغ دینے کی خواہش کا اظہار بھی کیا گیا۔
دونوں صدور نے عالمی اور علاقائی امن و استحکام کے فروغ کے لیے مل کر کام کرنے پر اتفاق کیا۔
اجلاس میں پاکستان ترکیہ اسٹریٹیجک اقتصادی فریم ورک کے نتائج کی تعریف کی گئی۔ مشترکہ اعلامیہ کے مطابق اجلاس میں دہشت گردی کے واقعات کی مذمت اور دونوں ممالک کے عوام کے ساتھ یکجہتی کا اظہار کیا گیا۔
اجلاس میں اسلاموفوبیا کے بڑھتے رجحان پر گہری تشویش کا اظہار کرنے کے ساتھ مسلمانوں کے خلاف دہشت گردی اور نسل پرستی کے حملوں کی مذمت کی گئی۔
مشترکہ اعلامیہ کے مطابق دونوں ملکوں نے دہشت گردی اور انتہا پسندی کے خلاف مشترکہ کوششوں کے عزم کا اعادہ کیا۔ پاکستان میں ترک سرمایہ کاری کے فروغ کے لیے اقتصادی تعلقات کو مزید مستحکم کیا جائے گا۔
مشترکہ اعلامیہ کے مطابق یو این، او آئی سی اور دیگر عالمی فورمز پر دو طرفہ تعاون کو مزید بڑھایا جائے گا، میڈیا وفود کے باقاعدہ تبادلے اور مشترکہ میڈیا پروڈکشنز کو فروغ دیا جائے گا۔
مشترکہ اعلامیہ کے مطابق دونوں ممالک میں فلم پروڈکشن کے مشترکہ منصوبوں کا آغاز کیا جائے گا اور باہمی مارکیٹوں میں فیچر فلموں کی ریلیز کی جائے گی۔ جبکہ سیاحت اور میڈیا کے شعبوں میں مشترکہ منصوبوں کو فروغ دیا جائے گا۔
وزیر اعظم شہباز شریف نے الیکٹرک کار خود ڈرائیو کی، ترک صدر اُن کے برابر والی نشست پر بیٹھے۔
مشترکہ اعلامیہ کے مطابق ترکیہ پاکستان کے سیاحت کے شعبے کی ترقی میں تکنیکی تعاون فراہم کرے گا، دونوں ممالک آئی ٹی کے شعبے میں مشترکہ اقدامات کریں گے۔ ٹیکنو پارک، خصوصی ٹیکنالوجی زونز اور آر اینڈ ڈی مراکز میں تعاون کو مضبوط کریں گے۔
مشترکہ اعلامیہ کے مطابق آئی ٹی کمپنیوں کے درمیان روابط بڑھانے کےلیے سیمینارز اور کانفرنسز کا انعقاد کیا جائے گا، دونوں ملک بلاک چین، ای کامرس اور گیمنگ کے شعبوں میں بھی تعاون کریں گے۔
مشترکہ اعلامیہ کے مطابق نئی ٹیکنالوجیز خلائی، نینو، سائبر سیکیورٹی اور مصنوعی ذہانت کے لیے مل کر کام کیا جائے گا، پرامن جوہری ٹیکنالوجی، برقی گاڑیاں اور بایو ٹیکنالوجی کے ذمہ دارانہ استعمال پر کام کیا جائے گا۔
مشترکہ اعلامیہ کے مطابق ترکیہ پاکستان آئی ٹی بزنس کونسل کے قیام کی کوشش کی جائے گی، پاکستان کے سائبر فیوژن سینٹر میں ترکیہ کی شرکت کی حوصلہ افزائی کی جائے گی۔ دونوں ممالک نوجوان آئی ٹی پروفیشنلز کو تربیت دیں گے۔
وزیراعظم شہباز شریف اور ترک صدر رجب طیب اردوان کے درمیان ملاقات کا اعلامیہ جاری کر دیا گیا۔
مشترکہ اعلامیہ کے مطابق زراعت، باغبانی اور فوڈ پروسیسنگ ٹیکنالوجی میں مشترکہ منصوبوں کو فروغ دیا جائے گا۔ جانوروں کی افزائش اور پاکستان میں جانوروں کی ویکسین کی پیداوار پر تعاون کیا جائے گا۔ ترکیہ سمندری مچھلی کے فارمنگ میں تربیت فراہم کرے گا۔
مشترکہ اعلامیہ کے مطابق دونوں ممالک پانی کے وسائل کے انتظام اور جنگلات کی آگ کی پیش گوئی میں تعاون کریں گے، ماحولیاتی اور موسمیاتی تبدیلی کے مسائل میں تعاون مزید گہرا کیا جائے گا۔ اعلیٰ سطح اسٹریٹیجک کوآپریشن کونسل کا اگلا اجلاس انقرہ میں منعقد ہو گا۔
.
ذریعہ
ذریعہ: Jang News
کلیدی لفظ: کے شعبوں میں دونوں ممالک کیا جائے گا کے درمیان میں تعاون تعاون کو کو مزید کریں گے آئی ٹی
پڑھیں:
شنگھائی تعاون تنظیم میں ایران کا دوٹوک مؤقف، یکطرفہ طاقت کے استعمال پر سخت تنقید کردی
چولپون آتا (کرغزستان): ایران نے شنگھائی تعاون تنظیم کے وزرائے خارجہ اجلاس میں یکطرفہ پالیسیوں، بین الاقوامی معاہدوں کی خلاف ورزی اور طاقت کے غیر قانونی استعمال پر تشویش کا اظہار کرتے ہوئے کثیرالجہتی تعاون کو موجودہ عالمی حالات میں ناگزیر قرار دیا ہے۔
ایرانی وزارت خارجہ کے ترجمان اسماعیل بقائی نے کرغزستان کے سیاحتی شہر چولپون آتا میں جاری اجلاس کے موقع پر سوشل میڈیا پلیٹ فارم ایکس پر اپنے بیان میں کہا کہ ایران شنگھائی تعاون تنظیم اور اس جیسے دیگر کثیرالجہتی فورمز کو انتہائی اہمیت دیتا ہے۔
انہوں نے کہا کہ دنیا میں بڑھتی ہوئی یکطرفہ پالیسیاں، ریاستوں کے درمیان طے پانے والے معاہدوں کی خلاف ورزیاں اور طاقت کا غیر قانونی استعمال بین الاقوامی قانون، اقوام متحدہ کے منشور اور عالمی قانونی نظام کی بنیادوں کو کمزور کر رہے ہیں۔
اگرچہ اسماعیل بقائی نے کسی ملک کا نام نہیں لیا، تاہم انہوں نے ماضی میں بھی اسی نوعیت کے بیانات میں امریکا کی خارجہ پالیسی اور اس کے اقدامات پر تنقید کی ہے۔
ایران 2023 میں شنگھائی تعاون تنظیم کا باقاعدہ رکن بنا تھا۔ یہ تنظیم چین اور روس کی قیادت میں قائم ایک اہم یوریشیائی سیاسی، اقتصادی اور سکیورٹی فورم ہے، جس میں پاکستان، بھارت، ایران اور دیگر رکن ممالک شامل ہیں۔
وزرائے خارجہ کا یہ اجلاس تنظیم کے آئندہ سربراہی اجلاس کی تیاریوں کا حصہ ہے۔ توقع کی جا رہی ہے کہ آئندہ سربراہ اجلاس میں علاقائی سلامتی، تجارتی روابط، اقتصادی تعاون اور رکن ممالک کے درمیان شراکت داری کے فروغ جیسے اہم موضوعات پر غور کیا جائے گا۔
We are in Cholpon-Ata, Kyrgyzstan, to participate in the meeting of the Council of Foreign Ministers of the Shanghai Cooperation Organization (SCO) Member States.
Iran attaches great importance to the SCO and similar multilateral arrangement, which represent a vital force for… pic.twitter.com/CCGd7mxcL8
تجزیہ کاروں کے مطابق موجودہ عالمی کشیدگی کے تناظر میں شنگھائی تعاون تنظیم کے پلیٹ فارم پر ہونے والی یہ ملاقاتیں خطے میں سفارتی تعاون اور مشترکہ حکمت عملی کے لیے اہم سمجھی جا رہی ہیں۔
ترلائی امام بارگاہ حملہ: جاں بحق ہونے والوں کے ورثاء میں امدادی چیک تقسیم