سہ ملکی سیریز کا فائنل؛ بابراعظم کے پاس ریکارڈز کے انبار لگانے کا موقع
اشاعت کی تاریخ: 14th, February 2025 GMT
قومی ٹیم کے سابق کپتان بابراعظم نیوزی لینڈ کیخلاف سہ ملکی سیریز میں کئی ریکارڈ توڑنے کے قریب پہنچ گئے۔
سہ ملکی سیریز کا فائنل آج پاکستان اور نیوزی لینڈ کے درمیان نیشنل اسٹیڈیم کراچی میں کھیلا جائے گا، میچ مقامی وقت کے مطابق 2 بجے شروع ہوگا جبکہ ٹاس ڈیڑھ بجے ہوگا۔
اس میچ میں قومی ٹیم کے سابق کپتان بابراعظم کو 6 ہزار رنز مکمل کرنےکیلئے محض 10 رنز درکار ہیں، انہوں نے 125 ون ڈے انٹرنیشنل میچز میں 55.
کیویز کیخلاف 10 رنز بناکر بابراعظم پاکستان تیز ترین 6 ہزار رنز مکمل کرنیوالے پہلے پاکستانی بیٹر بن سکتے ہیں۔
وہ ون ڈے فارمیٹ میں 6 ہزار بنانے والے مجموعی طور پر 11ویں پاکستانی کرکٹر ہوں گے، اس فہرست میں سابق کپتان انضمام الھق 11 ہزار 701 رنز کیساتھ ٹاپ پر موجود ہیں، انکے بعد محمد یوسف (9,554) اور سعید انور (8,824) کیساتھ دوسرے تیسرے نمبر پر براجمان ہیں۔
اگر بابراعظم آج یہ سنگ میل عبور کرتے ہیں تو وہ سابق جنوبی افریقی لیجنڈ ہاشم آملہ کے تیز ترین 6000 ون ڈے رنز بنانے کا ریکارڈ بھی برابر کردیں گے۔
تیز ترین 6000 ODI رنز:
ہاشم آملہ (جنوبی افریقہ): 123 اننگز
ویرات کوہلی (بھارت): 136 اننگز
کین ولیمسن (نیوزی لینڈ): 139 اننگز
ڈیوڈ وارنر (آسٹریلیا): 139 اننگز
شیکھر دھون (بھارت): 140 اننگز
قابل ذکر بات یہ ہے کہ بابراعظم نے محض 97 اننگز میں تیز ترین 5000 ون ڈے رنز بنانے کا ریکارڈ اپنے نام کیا تھا۔
مڈل آرڈر بیٹر 6 ہزار رنز کے سنگ میل کے علاوہ، پاکستان بیٹر کے طور پر سب سے زیادہ ون ڈے سینچریوں کے سعید انور کے ریکارڈ کی برابری کرنے سے بھی محض ایک قدم دور ہیں۔
سعید انور نے پاکستان کیلئے ون ڈے فارمیٹ میں 20 سنچریاں اسکور کررکھی ہیں جبکہ بابراعظم اس وقت 19 سنچریوں کے ساتھ دوسرے نمبر پر موجود ہیں۔
پاکستان کے لیے سب سے زیادہ ون ڈے سنچریاں:
سعید انور: 20 سنچریاں
بابر اعظم: 19 سنچریاں
محمد یوسف: 15 سنچریاں
فخر زمان: 11 سنچریاں
محمد حفیظ: 11 سنچریاں
اگر بابر آئندہ میچ میں اپنی 20 ویں سنچری تک پہنچ جاتے ہیں تو وہ یہ کارنامہ انجام دینے والے ون ڈے کی تاریخ کے دوسرے تیز ترین بلے باز بن جائیں گے۔
اس سے قبل جنوبی افریقا کے ہاشم آملہ نے 108 اننگز میں 20 سنچریاں بنانے کا کارنامہ سرانجام دیا تھا جبکہ بابراعظم 118 اننگز کھیل چکے ہیں۔
ون ڈے میں تیز ترین 20 سنچریاں:
ہاشم آملہ (جنوبی افریقہ): 108 اننگز
ویرات کوہلی (بھارت): 133 اننگز
ڈیوڈ وارنر (آسٹریلیا): 142 اننگز
کوئنٹن ڈی کاک (جنوبی افریقہ): 150 اننگز
اے بی ڈی ویلیئرز (جنوبی افریقہ): 175 اننگز
ذریعہ: Daily Mumtaz
کلیدی لفظ: جنوبی افریقہ تیز ترین
پڑھیں:
ایشیا کپ فائنل: پاک بھارت معرکے کے ٹکٹس کی خریداری جاری، سب سے مہنگے اور سستے ٹکٹس اب بھی موجود
data-id="863a0a8" data-element_type="widget" data-widget_type="theme-post-content.default">
ایشیا کپ 2025 کا بڑا معرکہ اب قریب ہے اور کل بروز اتوار 28 ستمبر کو دبئی انٹرنیشنل اسٹیڈیم میں پاکستان اور بھارت کی ٹیمیں آمنے سامنے ہوں گی۔
دونوں روایتی حریفوں کے درمیان ہونے والے اس مقابلے کا شدت سے انتظار کیا جا رہا ہے اور دنیا بھر میں کرکٹ کے شائقین اس میچ کو دیکھنے کے لیے بے حد پرجوش ہیں۔ بھارتی کھلاڑیوں کی جانب سے سیاسی بیانات سامنے آنے کے باوجود شائقین کرکٹ کے جوش و خروش میں کوئی کمی نہیں آئی اور اب بھی ہزاروں افراد ٹکٹ حاصل کرنے کے لیے کوشاں ہیں۔
ٹکٹوں کی قیمتوں پر نظر ڈالیں تو عام شائقین سے لے کر وی آئی پی مداحوں تک سب کے لیے مختلف آپشنز رکھے گئے ہیں۔ فائنل کے لیے سب سے سستا ٹکٹ دبئی اسٹیڈیم کے جنرل یا اپر اسٹینڈز کا ہے جس کی قیمت 350 درہم یعنی تقریباً 26 ہزار 817 روپے رکھی گئی ہے۔ دوسری جانب سب سے مہنگا ٹکٹ 11 ہزار درہم یعنی تقریباً 8 لاکھ 42 ہزار 820 روپے کا ہے، جو صرف انتہائی مخصوص شائقین ہی خرید سکتے ہیں۔
اسٹیڈیم کے پویلین کے ٹکٹ کی قیمت 900 درہم (تقریباً 68 ہزار 958 روپے) ہے جبکہ اسپیشل ہاسپیٹیلٹی پاسز 1500 درہم (1 لاکھ 14 ہزار 930 روپے) سے شروع ہوتے ہیں۔ اس کے علاوہ درمیانی کیٹیگریز میں ٹکٹس کی قیمتیں 3500 درہم (2 لاکھ 68 ہزار 170 روپے)، 6000 درہم (4 لاکھ 59 ہزار 720 روپے) اور 8000 درہم (6 لاکھ 12 ہزار 960 روپے) رکھی گئی ہیں۔
ایشیا کپ کے آفیشل پورٹل پر اب بھی محدود تعداد میں ٹکٹ دستیاب ہیں، مگر شائقین کی بڑی تعداد کے باعث ان کا حصول دن بدن مشکل ہوتا جا رہا ہے۔ پاکستان اور بھارت کے درمیان یہ ٹاکرا نہ صرف ایشیا کپ کا فیصلہ کرے گا بلکہ شائقین کو کرکٹ کی دنیا کا سب سے بڑا تماشہ بھی دیکھنے کو ملے گا۔
حکومت کا پاک سعودیہ دفاعی معاہدے پر پارلیمنٹ کو اعتماد میں لینے کا فیصلہ