گرین پاکستان منصوبے کا آغاز،تقریب میں وزیراعلی پنجاب مریم نواز ،چیف آف آرمی سٹاف جنرل سید عاصم منیر کی شرکت
اشاعت کی تاریخ: 15th, February 2025 GMT
لاہور (نیوز ڈیسک)پنجاب میں زراعت کو جدید اور ماڈرن بنانے کے انقلابی منصوبے کا آغاز کر دیا گیا۔ کسانوں کو تمام زرعی سہولیات ایک چھت تلے فراہم کرنے کے لیے ‘گرین پاکستان’ منصوبہ شروع کیا گیا ہے، جس کی افتتاحی تقریب چولستان کے کنڈائی اور شاپو کے علاقوں میں منعقد ہوئی۔
تقریب میں وزیراعلیٰ پنجاب مریم نواز شریف اور چیف آف آرمی سٹاف جنرل سید عاصم منیر نے شرکت کی۔ اس موقع پر نیشنل فوڈ سیکیورٹی و تحقیق کے وفاقی وزیر رانا تنویر حسین، وفاقی وزیر آبی وسائل ڈاکٹر مصدق ملک، پنجاب کی سینیئر صوبائی وزیر مریم اورنگزیب، وزیر زراعت لائیو اینڈ سٹاک سید عاشق حسین کرمانی، وزیر آبپاشی محمد کاظم پیرزادہ سمیت دیگر متعلقہ وفاقی اور صوبائی حکام بھی موجود تھے۔
‘گرین پاکستان’ منصوبے کے تحت ‘گرین ایگری مال اینڈ سروسز سروس کمپنی’ کا افتتاح کیا گیا، جو کسانوں کو ان کے گھر کے دروازے پر معیاری بیج، کھاد، کیڑے مار ادویات رعایتی قیمت پر فراہم کرے گی۔ اس کے علاوہ کسانوں کو ڈرونز سمیت زرعی مشینری بھی کم لاگت پر دستیاب ہوگی، تاکہ جدید زراعت کو فروغ دیا جا سکے۔ اس منصوبے کے ذریعے کسانوں کو ایک ہی جگہ پر تمام زرعی سہولیات فراہم کی جائیں گی۔
مزید برآں، پانچ ہزار ایکڑ پر مشتمل جدید زرعی فارم کا بھی افتتاح کیا گیا جو جدید زراعت کی اعلیٰ مثال ہوگا۔ اس فارم میں جدید زرعی تکنیک اور آبپاشی کے جدید نظام استعمال کیے جائیں گے، جن کے ذریعے پانی کی کم مقدار میں زیادہ پیداوار حاصل کی جا سکے گی۔
اسی طرح، زرعی تحقیق اور سہولت مرکز بھی قائم کیا جا رہا ہے، جہاں زراعت سے متعلق تمام اشیاء اور خدمات دستیاب ہوں گی۔ کسانوں کو زمین کی جانچ سمیت تحقیق کی سہولیات فراہم کی جائیں گی، جبکہ ملک بھر کے زرعی تعلیمی اداروں اور تحقیقی مراکز سے مستقل رابطہ رکھا جائے گا۔
وزیراعلیٰ پنجاب مریم نواز شریف نے اپنے خطاب میں کہا کہ آج پنجاب میں زراعت کے ایک جدید دور کا آغاز کیا جا رہا ہے۔ “یہ منصوبے پنجاب کے کسانوں کی ترقی کے ایک نئے سفر کا آغاز ہیں۔ زراعت کی ترقی، کسان کی ترقی اور پاکستان کی خوشحالی کی ضمانت ہے،” انہوں نے مزید کہا۔
انہوں نے ‘گرین پاکستان’ منصوبے کو جدید زراعت کے فروغ میں ایک انقلابی قدم قرار دیتے ہوئے کہا کہ اس کے ذریعے کسانوں کو درپیش مسائل حل کیے جائیں گے اور زرعی پیداوار میں نمایاں اضافہ ہوگا۔ وزیراعلیٰ پنجاب نے شہداء کے بچوں اور غازیوں کو زمین کی الاٹمنٹ کے خطوط بھی دیے، تاکہ ان کے خاندانوں کی فلاح و بہبود یقینی بنائی جا سکے۔
تقریب میں آرمی چیف جنرل سید عاصم منیر نے بھی خطاب کیا اور کہا کہ “پنجاب پاکستان کا زرعی پاور ہاؤس بن گیا ہے، اور جدید زراعت میں یہاں کے کسانوں کا قائدانہ کردار قابل تحسین ہے۔” انہوں نے پنجاب حکومت کے تحت چلنے والے گرین کارپوریٹ منصوبے کی مختصر وقت میں حاصل ہونے والی کامیابیوں کو سراہا اور کہا کہ فوج ملک کی معاشی ترقی کے عمل میں اپنی بھرپور حمایت جاری رکھے گی۔
آرمی چیف نے اس منصوبے کو حوصلہ افزا قرار دیا اور کہا کہ اس کے ذریعے زراعت کے شعبے میں نئی راہیں کھلیں گی، جو ملکی معیشت کی ترقی میں معاون ثابت ہوں گی۔ انہوں نے مزید کہا کہ گرین کارپوریٹ منصوبے کی کامیابیاں ترقی کی نوید ہیں اور اس سے زراعت کے شعبے میں انقلاب آئے گا۔
یہ منصوبہ پنجاب کو زرعی ترقی میں ایک نئے دور میں داخل کرے گا، جہاں کسانوں کو جدید سائنسی بنیادوں پر زراعت کی تربیت اور سہولتیں فراہم کی جائیں گی۔ حکومت پنجاب کے اس انقلابی اقدام سے نہ صرف کسانوں کی زندگی بہتر ہوگی بلکہ پاکستان کی معیشت بھی مستحکم ہوگی۔
ذریعہ: Daily Mumtaz
کلیدی لفظ: گرین پاکستان کسانوں کو زراعت کے کے ذریعے انہوں نے کا آغاز کی ترقی کہا کہ
پڑھیں:
وزیراعلیٰ مریم نواز سے جرمن پارلیمنٹ کی رکن کی ملاقات، مختلف امور اور تجاویز پر تبادلہ خیال
وزیراعلیٰ مریم نواز سے جرمن پارلیمنٹ کی رکن دِریا تُرک نَخباؤر (Derya Türk-Nachbaur) نے ملاقات کی۔
ملاقات میں دوطرفہ تعلقات، پارلیمانی تعاون، خواتین کی بااختیاری، تعلیم، نوجوانوں کے تبادلے، ماحولیات اور کلین انرجی کے منصوبوں پر تفصیلی بات چیت ہوئی۔
مریم نواز نے جرمن مہمان کا پرتپاک خیرمقدم کیا اور حالیہ سیلاب کے دوران اظہارِ یکجہتی پر شکریہ ادا کیا۔ انہوں نے کہا کہ پنجاب کے تاریخی و ثقافتی شہر لاہور میں جرمن مہمانوں کا خیرمقدم کرنا باعثِ اعزاز ہے۔
وزیراعلیٰ نے فریڈرک ایبرٹ فاؤنڈیشن کی 100 ویں سالگرہ پر مبارکباد دی اور پاکستان میں 35 سالہ خدمات کو سراہا۔ انہوں نے کہا کہ اس ادارے نے جمہوریت، سماجی انصاف اور مکالمے کے فروغ میں نمایاں کردار ادا کیا ہے۔
یہ بھی پڑھیں:مولانا فضل الرحمان نے مریم نواز کی جانب سے ائمہ کرام کو ماہانہ وظیفے دینے کا فیصلہ مسترد کردیا
مریم نواز نے کہا کہ فلڈ کے دوران اظہارِ ہمدردی اور یکجہتی پاک جرمن دوستی کا مظہر ہے۔ دونوں ممالک جمہوریت، برداشت اور پارلیمانی طرزِ حکمرانی پر یقین رکھتے ہیں جو ترقی و امن کی بنیاد ہیں۔
وزیراعلیٰ نے کہا کہ دِریا تُرک نَخباؤر کا کام شمولیتی پالیسی سازی، صنفی مساوات اور انسانی حقوق کے فروغ کی شاندار مثال ہے۔
تربیتی ورکشاپس اور پارلیمانی تبادلوں کی تجویز
مریم نواز نے فریڈرک ایبرٹ فاؤنڈیشن کے تحت قانون سازوں، نوجوان رہنماؤں اور خواتین ارکانِ اسمبلی کے لیے تربیتی ورکشاپس منعقد کرنے کی تجویز دی۔ ان کا کہنا تھا کہ پارلیمانی تبادلوں سے خود مختاری کے جرمن ماڈل سے سیکھنے کا موقع ملے گا۔
انہوں نے کہا کہ جرمنی 1951 سے پاکستان کا قابلِ اعتماد ترقیاتی شراکت دار ہے اور پنجاب میں ماحولیات، توانائی، صحت، تربیت اور خواتین کے معاشی کردار کے فروغ میں اہم کردار ادا کیا ہے۔
وزیراعلیٰ نے نوجوانوں کی روزگار صلاحیت میں اضافے کے لیے جرمنی کے ڈوال ووکشینل ٹریننگ ماڈل کو اپنانے کی خواہش کا اظہار کیا۔
تجارتی تعلقات میں خوش آئند پیشرفت
مریم نواز نے کہا کہ پاکستان اور جرمنی کے درمیان تجارت 2024 میں 3.6 ارب امریکی ڈالر تک پہنچنا خوش آئند ہے۔ پنجاب جرمنی کی قابلِ تجدید توانائی، زرعی ٹیکنالوجی، آئی ٹی سروسز اور کلین مینوفیکچرنگ میں سرمایہ کاری کا خیرمقدم کرتا ہے۔
یہ بھی پڑھیں:ہتھیار اٹھانے والی جماعت سیاسی یا مذہبی نہیں رہتی، مریم نواز ٹی ایل پی کے خلاف کھل کر بول پڑیں
انہوں نے کہا کہ تعلیم حکومتِ پنجاب کے اصلاحاتی ایجنڈے کا بنیادی ستون ہے، نصاب کی جدت، ڈیجیٹل لرننگ اور عالمی تحقیقی روابط پر کام جاری ہے۔ 10 ہزار سے زائد پاکستانی طلبہ جرمن جامعات میں زیرِ تعلیم ہیں۔
مریم نواز نے کہا کہ ای بائیک اسکیم، ہونہار اسکالرشپ پروگرام اور ویمن اینکلیوز جیسے منصوبے خواتین کی باعزت معاشی شرکت کو یقینی بنا رہے ہیں۔
انہوں نے کہا کہ بادشاہی مسجد، لاہور قلعہ، شالامار گارڈن اور داتا دربار پنجاب کے مشترکہ تہذیبی ورثے کی علامت ہیں۔ ثقافتی تعاون مؤثر سفارت کاری ہے اور ہم جرمن اداروں کے ساتھ مشترکہ فن و ثقافت منصوبوں کا خیرمقدم کرتے ہیں۔
وزیراعلیٰ مریم نواز نے کہا کہ پاکستان اور جرمنی امن، ترقی اور انسانی وقار کی مشترکہ اقدار کے حامل ہیں، اور پارلیمانی روابط و پائیدار ترقی کے ذریعے دوستی کو مزید مضبوط بنانے کے لیے پُرعزم ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
جرمن پارلیمنٹ جرمنی دِریا تُرک نَخباؤر مریم نواز وزیراعلٰی پنجاب
حیدر آباد میں ڈینگی سے ہلاک نوجوان کے والد عدالت پہنچ گئے