یوکرینی ڈرون حملے سے روس میں بین الاقوامی آئل پائپ لائن متاثر
اشاعت کی تاریخ: 17th, February 2025 GMT
کیف: یوکرین کے ڈرونز نے جنوبی روس میں ایک اہم پمپنگ اسٹیشن کو نشانہ بنایا، جس سے بین الاقوامی سطح پر تیل کی سپلائی متاثر ہوئی، یہ حملہ کاسپین پائپ لائن کنسورشیم (CPC) کے ایک پمپنگ اسٹیشن پر ہوا، جو قازقستان کے تیل کو جنوبی روس کے راستے بحیرہ اسود تک پہنچانے میں مدد دیتا ہے۔
میڈیا رپورٹس کےمطابق رات گئے سات ڈرونز نے دھماکہ خیز مواد کے ذریعے کروپوٹکنسکایا پمپنگ اسٹیشن کو نشانہ بنایا، جو روس کے جنوبی کراسنوڈار خطے میں واقع ہے اور CPC پائپ لائن کا سب سے بڑا پمپنگ اسٹیشن ہے۔ اس حملے کے نتیجے میں تیل کی ترسیل کم سطح پر جاری ہے۔
پائپ لائن آپریٹر کے مطابق یہ 1,500 کلومیٹر (930 میل) طویل پائپ لائن تھی جو جنوبی روس سے ہوتے ہوئے مغربی یورپ تک تیل کی سپلائی فراہم کرتی ہے، اس کنسورشیم میں روسی اور قازق حکومتوں کے علاوہ Chevron، ExxonMobil اور Shell جیسے مغربی توانائی کے ادارے شامل ہیں۔
روس کی وزارت دفاع کاکہنا تھا کہ 90 یوکرینی ڈرونز کو تباہ کیا گیا، جن میں سے 24 ڈرونز کراسنوڈار کے علاقے میں مار گرائے گئے، جہاں CPC پائپ لائن کام کر رہی ہے، حملے کے دوران کوئی جانی نقصان نہیں ہوا اور عملے نے صورتحال کو قابو میں رکھتے ہوئے تیل کے اخراج کو روکا۔
.ذریعہ: Jasarat News
کلیدی لفظ: پمپنگ اسٹیشن پائپ لائن
پڑھیں:
پاکستان دہشت گردی سے سب سے زیادہ متاثر ہوا:یوسف رضاگیلانی
ویب ڈیسک: چیئرمین سینیٹ سید یوسف رضاگیلانی نے کہا کہ پاکستان دہشت گردی سے سب سے زیادہ متاثر ہوا۔
اسلام آباد میں یوسف رضاگیلانی نے جرگے سے خطاب کرتے ہوئے کہا کہ افواج پاکستان نے دہشت گردی کے خلاف کامیاب آپریشن کئے،افغانستان میں بدامنی سے مہاجرین نے پاکستان کا رخ کیا،پاکستان نے دنیا میں امن کیلئے کردار اداکیا۔
کاروباری دنیا میں مفت کچھ نہیں