انسانی سمگلرز کو کہیں چھپنے کی جگہ نہیں ملے گی: عطا تارڑ
اشاعت کی تاریخ: 17th, February 2025 GMT
اسلام آباد (ڈیلی پاکستان آن لائن )وفاقی وزیر اطلاعات عطااللہ تارڑ نے کہا ہے کہ انسانی سمگلنگ میں ملوث ملزمان کسی رعایت کے مستحق نہیں، اب تک 436 سمگلرز کو گرفتار کیا جا چکا ہے، انسانی سمگلرز کو کہیں چھپنے کی جگہ نہیں ملے گی۔
نجی ٹی وی آج نیوز کے مطابق وفاقی وزیر اطلاعات عطا تارڑ نے قومی اسمبلی کے اجلاس میں اظہار خیال کرتے ہوئے کہا کہ منڈی بہاو¿الدین، سیالکوٹ اور گجرات میں انسانی سمگلنگ کا مسئلہ زیادہ ہے، 3 کشتیاں حادثے کا شکار ہوئیں اور لوگ اپنے پیاروں کے جنازوں کا انتظار کرتے رہے۔
عطا تارڑ نے کہا کہ انسانی سمگلنگ کو روکنے کے لئے اقدامات کررہے ہیں، وفاقی تحقیقاتی ادارے (ایف آئی اے) میں اصلاحات کی جا رہی ہیں اور انسانی سمگلرز کے گرد گھیرا تنگ کیا جا رہا ہے، اب تک 436 انسانی سمگلرز گرفتار ہوچکے ہیں۔
وزیر اطلاعات نے مزید کہا کہ وزیر اعظم شہباز شریف نے انسانی سمگلنگ کے حوالے سے سخت ایکشن لیا، سمگلرز کی جائیدادیں ضبط اور بینک اکاو¿نٹس منجمد کر دیے گئے ہیں، انسانی سمگلنگ میں ملوث ملزمان کسی رعایت کے مستحق نہیں ہیں۔
ان کا کہنا تھا کہ انسانی سمگلرز کو چھپنے کی جگہ کہیں نہیں ملے گی اور ایف آئی اے میں اصلاحات انسانی سمگلنگ روکنے کا ہی ایک حصہ ہے، انسانی سمگلنگ میں منظم گینگز شامل تھے۔
عطا تارڑ نے کہا کہ انسانی سمگلرز کے گرد گھیرا مزید تنگ کیا جا رہا ہے، انسانی سمگلرز کو قرارواقعی سزا دی جائے گی۔
دوسری جانب وفاقی دارالحکومت میں گزشتہ 2 سالوں میں جرائم کی شرح میں کمی کا انکشاف ہوا ہے، وفاقی وزیر داخلہ محسن نقوی نے تحریری جواب قومی اسمبلی میں جمع کرا دیا، جس میں بتایا کہ 2023 کے مقابلے میں 2024 میں 11 فیصد کم جرائم ہوئے۔
قومی اسمبلی میں وقفہ سوالات کا تحریری جواب دیتے ہوئے وفاقی وزیر داخلہ محسن نقوی نے بتایا کہ سال 2024 میں 1596 مجرموں پر مشتمل 686 گینگز کو پکڑا گیا، 2024 میں 80 کروڑ 26 لاکھ سے زائد مالیت کی چوری شدہ اشیا کو برآمد کیا گیا، ڈالفن فورس، موبائل پیٹرولنگ یونٹس اور 15 کے ذریعے شہریوں کو محفوظ بنایا جا رہا ہے۔
وزیر داخلہ نے بتایا کہ سال 2024 میں کل 231 سرچ آپریشنز منعقد کئے گئے، ہوٹل آئی ایپ کے ذریعے 200 ملزمان کی گرفتاری عمل میں لائی گئی، اس وقت دارالحکومت میں مختلف لوکیشنز پر 3159 سی سی ٹی وی کیمرے لگائے گئے ہیں جبکہ 2024 میں مشتبہ افراد کے خلاف 5000 سی ڈی آرز کا تجزیہ کیا گیا۔
فراڈ کمپنی سے 1646 کروڑ روپے کی کرپٹو کرنسی ضبط کر لی گئی
مزید :.ذریعہ: Daily Pakistan
کلیدی لفظ: انسانی سمگلرز کو انسانی سمگلنگ وفاقی وزیر کہ انسانی عطا تارڑ تارڑ نے کہا کہ
پڑھیں:
بھارت ابھی تک پاکستان کیخلاف سازشوں میں مصروف ہے، وزیر اطلاعات عطا تارڑ
وزیر اطلاعات عطا تارڑ : فائل فوٹووزیر اطلاعات عطا تارڑ کا کہنا ہے کہ بھارت ابھی تک پاکستان کے خلاف سازشوں میں مصروف ہے، ہماری کوسٹ گارڈ نے بھارت کیلئے جاسوسی کرنے والے ملاح کو گرفتار کیا، ملاح نے بھارتی ایجنسیوں کے ہاتھوں استعمال ہونے کی تمام کہانی دنیا کے سامنے سنائی۔
اسلام آباد میں میڈیا سے گفتگو کرتے ہوئے عطا تارڑ نے کہا کہ کوشش اور محنت سے ہم نے سفارتی محاذ پر کامیابیاں حاصل کیں، پاکستان کیلئے سفارتی محاذ پر کام کرنے والوں کی خدمت کو ہمیشہ یاد رکھا جائے گا، دہشتگردی کی وجہ سے سب سے زیادہ نقصان پاکستان نے اٹھایا، دنیا پاکستان کی کامیابیوں کی معترف ہے۔
وفاقی وزیر اطلاعات نے کہا کہ پاکستان پر دہشتگردی کو فروغ دینے کا جھوٹا الزام لگایا گیا، پہلگام واقعے کے فوراً بعد پاکستان پر الزام عائد کر دیا گیا، پاکستان خود دہشتگردی کا بڑا شکار ہے، دنیا تسلیم کرتی ہے کہ پاکستان کی فارن سروس سب سے بہترین ہے، فارن سروس کے افسران نے پاکستان کا نام عالمی سطح پر روشن کیا۔
انہوں نے کہا کہ وزیر اعظم نے بھارت کو پہلگام واقعے پر آزادانہ تحقیقات کی پیشکش کی، دوست ممالک نے بھی پاکستان کے مؤقف کی تائید کی، جب جنگ ہم پر مسلط کی گئی تو ہماری مسلح افواج نے منہ توڑ جواب دیا، فیلڈ مارشل سید عاصم منیر کی قیادت میں ہم نے فتح حاصل کی، معرکہ حق میں ہماری فضائیہ کا کردار سنہری حروف میں لکھا جائے گا۔
عطا تارڑ نے کہا کہ بھارتی میڈیا جھوٹے پروپیگنڈے کا سہارا لے رہا تھا، پاکستان میں ذمہ دارانہ رپورٹنگ نے دنیا کی توجہ حاصل کی، معرکہ حق میں کامیابی کے بعد ہر پاکستانی کا سر فخر سے بلند ہوا، ہم بیانیے کی جنگ لڑ رہے ہیں، ہمارا بیانیہ ایک بھرپور جواب کی صورت میں ہے، ایک طرف جھوٹا بیانیہ اور دوسری طرف واضح حقائق نے بھارت کے بارے میں دنیا کی آنکھیں کھول دیں۔
وزیر اطلاعات نے کہا کہ وزیراعظم کے دورہ سعودی عرب میں معاشی اسٹریٹجک فریم ورک کا اجرا انتہائی اہم پیشرفت ہے، اب ہمارا ہدف ملک میں بیرونی سرمایہ کاری کا فروغ ہے، وسط ایشیائی ریاستوں کے ساتھ مضبوط روابط، تجارت کیلئے پاکستانی بندرگاہوں کا استعمال ہماری ترجیح ہے، ہم نے معاشی میدان میں نئی بلندیوں کو چھونا ہے، دوست ملکوں کے ساتھ اقتصادی و تجارتی روابط مزید مضبوط بنانے ہیں۔
سولجر بازار میں ریسٹورنٹ کے باہر فائرنگ سے تاجر جاں بحق