کراچی میں ٹریفک حادثات، امن و امان پر وزیرِ اعلیٰ سندھ نے کانفرنس بلا لی
اشاعت کی تاریخ: 18th, February 2025 GMT
وزیراعلیٰ سندھ نے کراچی میں ٹریفک حادثات اور امن وامان کے معاملے پر کانفرنس بلا لی۔
نجی ٹی وی کے مطابق وزیراعلیٰ سندھ مراد علی شاہ نے کراچی میں ٹریفک حادثات اور امن وامان کے معاملے پر ایک اہم کانفرنس بلائی ہے جس میں سیاسی جماعتوں کے رہنماؤں کے علاوہ پولیس کے اعلیٰ افسران بھی شریک ہوں گے۔
اس کانفرنس میں مختلف سیاسی جماعتوں کی شرکت متوقع ہے، جن میں متحدہ قومی موومنٹ (ایم کیو ایم) بھی شامل ہے۔ ایم کیو ایم کے رہنماؤں فاروق ستار، علی خورشیدی، طٰحہ احمد اور دیگر بھی اس میں شریک ہوں گے۔
ایم کیو ایم پاکستان کے رہنما فاروق ستار نے اس کانفرنس میں شرکت کی تصدیق کرتے ہوئے کہا کہ وزیراعلیٰ سندھ نے انہیں خصوصی طور پر مدعو کیا ہے، کانفرنس میں ڈمپر حادثات اور ان سے متعلق مسائل پر تفصیل سے گفتگو کی جائے گی۔
ذرائع کے مطابق عوامی نیشنل پارٹی (اے این پی) اور دیگر سیاسی جماعتوں کے رہنماؤں کی بھی اس اجلاس میں شرکت کی توقع ہے۔
یاد رہے کہ کراچی میں حالیہ دنوں میں ہیوی ٹریفک کے متعدد حادثات میں کئی شہری اپنی جانوں سے ہاتھ دھو بیٹھے ہیں، جب کہ بعض مقامات پر شہریوں کی جانب سے واٹر ٹینکرز اور ڈمپرز کو نذر آتش کرنے کے واقعات بھی سامنے آئے ہیں۔
اس کے علاوہ سندھ حکومت نے شہر میں ہیوی ٹریفک کے داخلے پر صبح 6 بجے سے رات 10 بجے تک پابندی عائد کر دی ہے تاکہ حادثات میں مزید اضافہ نہ ہو۔
.ذریعہ: Jasarat News
کلیدی لفظ: کراچی میں
پڑھیں:
جمہوریت عوام کی آواز ہے اور اس کی حفاظت ہم سب پر لازم ہے‘وزیراعلیٰ
data-id="863a0a8" data-element_type="widget" data-widget_type="theme-post-content.default">
250916-02-19
کراچی (اسٹاف رپورٹر)وزیراعلیٰ سندھ سید مراد علی شاہ نے یومِ جمہوریت کے موقع پر اپنے پیغام میں کہا ہے کہ آج 15 ستمبر دنیا بھر میں یومِ جمہوریت کے طور پر منایا جا رہا ہے۔ انہوں نے کہا کہ جمہوریت عوام کی آواز ہے اور اس کی حفاظت ہم سب پر لازم ہے۔ وزیراعلیٰ سندھ نے کہا کہ پاکستان پیپلز پارٹی کی جدوجہد ہمیشہ عوامی حکمرانی اور جمہوری اقدار کے تحفظ کے لیے رہی ہے۔ جمہوری اداروں کی مضبوطی ملک کے استحکام کی ضمانت ہے اور پاکستان میں جمہوریت کی مضبوطی پیپلز پارٹی کی تاریخی قربانیوں کا نتیجہ ہے۔ انہوں نے کہا کہ عوام کے حقِ حکمرانی کو یقینی بنانا ہی حقیقی جمہوریت ہے اور سندھ حکومت جمہوری روایات کو فروغ دینے کے لیے پرعزم ہے۔ شفافیت، انصاف اور عوامی خدمت ہی جمہوریت کا حسن ہے۔ وزیراعلیٰ سندھ نے کہا کہ شہید ذوالفقار علی بھٹو نے عوام کو حقِ رائے دہی اور جمہوری شعور دیا اور پاکستان کو متفقہ آئین 1973 کا تحفہ دیا۔
دریائے چناب میں ملتان کے مقام پر سیلابی صورتحال برقرار، شہرکو بچانے کیلئے شیرشاہ بند کو توڑنے کا فیصلہ