پہلگام واقعہ: بغیر شواہد کے پاکستان کو مورد الزام ٹھہرانے پر شاہد آفریدی بھی بول پڑے
اشاعت کی تاریخ: 26th, April 2025 GMT
مقبوضہ کشمیر کے علاقے پہلگام میں دہشتگردی کے واقعے کے بعد پاکستان پر بھارت کی طرف سے بےبنیاد الزامات کیخلاف شاہد آفریدی بھی بول پڑے۔
سابق کرکٹر نے نے کہا کہ بھارت کا بغیر شواہد کے حملے کو پاکستان سے جوڑنا افسوس ناک ہے، انڈیا نے قبل از وقت پاکستان پر پہلگام واقعے کا الزام لگایا۔
انہوں نے کہا کہ کرکٹ کو سیاست کی نظر نہیں کرنا چاہیے، لڑائی کے بجائے دونوں ممالک کے درمیان بات چیت اور سفارتکاری ہی مسائل کا حل ہے۔
یہ بھی پڑھیے: پہلگام واقعہ: بھارتی طرزعمل کے خلاف احتجاج کا اعلان
شاہد آفریدی نے پہلگام حملے میں انسانی جانوں کے ضیاع پر افسوس کا اظہار کرتے ہوئے کہا کہ پاکستان کو بھی دہشتگردی کا سامنا ہے، اور ملک میں دہشتگردی کے بڑھتے واقعات پر افسوس ہے۔
پہلگام میں ایک دہشتگردی کے واقعے میں 27 سیاحوں کی ہلاکت کے بعد بھارتی میڈیا نے بغیر شواہد کے پاکستان کو مورد الزام ٹھہرایا جبکہ بھارتی حکومت نے یک طرفہ طور پر سندھ طاس معاہدے کو ختم کرنے کا بھی اعلان کیا۔
اس فیصلے کے ردعمل میں پاکستان کی قومی سیکیورٹی کمیٹی کے اجلاس میں کئی جوابی اقدامات کیے گئے۔
گزشتہ روز سینیٹ آف پاکستان نے بھی پہلگام حملے کے تناظر میں بھارت کی جانب سے پاکستان پر عائد کیے گئے بے بنیاد الزامات اور سندھ طاس معاہدے کی یکطرفہ معطلی جیسے جارحانہ اقدامات کے خلاف متفقہ قرارداد منظور کر لی۔
یہ بھی پڑھیے: پہلگام حملے کو بھارت کی چال قرار دینے پر آسام کے رکن اسمبلی گرفتار
نائب وزیراعظم اسحاق ڈار کی پیش کردہ قرارداد میں کہا گیا ہے کہ پاکستان دہشتگردی کی ہر شکل اور صورت کی بھرپور مذمت کرتا ہے اور بے گناہ شہریوں کا قتل پاکستان کے اصولوں کے منافی ہے۔ ایوان نے پہلگام حملے سے پاکستان کو جوڑنے کی بھارتی کوششوں کو مکمل طور پر مسترد کرتے ہوئے واضح کیا ہے کہ انڈیا کی یہ بدنیتی پر مبنی منفی مہم ناقابل قبول ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
انڈیا پہلگام واقعہ دہشتگردی شاہد آفریدی کرکٹ.ذریعہ: WE News
کلیدی لفظ: انڈیا پہلگام واقعہ دہشتگردی شاہد آفریدی کرکٹ شاہد آفریدی پہلگام حملے پاکستان کو
پڑھیں:
سلامتی کونسل میں کھلا مباحثہ، پاکستانی سفیر نے بھارت کا چہرہ دنیا کے سامنے بے نقاب کردیا
ویب ڈیسک: سلامتی کونسل میں کھلے مباحثے کے دوران پاکستانی سفیر عثمان جدون نے بھارت کا چہرہ ایک بار پھر دنیا کے سامنے بے نقاب کر دیا۔
مباحثے کے دوران بھارتی مندوب کے ریمارکس پر پاکستان کے سفیر عثمان جدون نے جواب دیتے ہوئے کہا بھارتی نمائندے نے آج اس اہم فورم کا غلط استعمال کرتے ہوئے بے بنیاد الزامات لگائے اور سلامتی کونسل کو گمراہ کرنے کی کوشش کی۔
پاکستانی سفیر عثمان جدون نے کہا کہ بھارتی نمائندے کے بیان کے برعکس حقائق بالکل واضح اور ناقابلِ تردید ہیں، بھارت جموں و کشمیر کے متنازع علاقے پر غیرقانونی قابض ہے، بھارت نے جموں وکشمیر کے تنازع پر سلامتی کونسل کی قراردادوں کی مسلسل خلاف ورزی کی اور کشمیری عوام کو ان کے ناقابل تنسیخ حق خودارادیت سے محروم رکھا ہے، بھارت خود تنازع کشمیر سلامتی کونسل میں لایا، اب اسی کی قراردادوں پر عملدرآمد سے انکاری ہے۔
مون سون بارشیں, پی ڈی ایم اے کا الرٹ جاری
عثمان جدون نے کہا کہ بھارت پاکستان میں دہشتگردی کی منظم سرپرستی اور معاونت کرتاہے جبکہ بھارت میں اقلیتوں سےبدترین سلوک بین الاقوامی انسانی حقوق کی تنظیموں کی رپورٹس میں درج ہے۔
انہوں نے مزید کہا کہ بھارت نے یکطرفہ اور غیرقانونی طور پر سندھ طاس معاہدہ معطل کرنےکی ناپاک کوشش کی، بھارت کا مقصد پاکستان کے عوام کو دریائے سندھ کے پانی سے محروم کرنا ہے، بھارتی عمل بین الاقوامی قانون کی سنگین خلاف ورزی ہے۔
معروف برطانوی گلوکار انتقال کر گئے
اقوام متحدہ میں پاکستانی سفیر عثمان جدون نے کہا کہ بھارت نے 7 سے 10 مئی کے درمیان پاکستان کے خلاف کھلی جارحیت کی، پاکستان نے اپنے حقِ دفاع کے تحت ذمہ دارانہ اور مؤثر جواب دیا، بھارت کے 6 جنگی طیارے تباہ کیے اور دیگر نمایاں عسکری نقصانات بھی پہنچائے۔
عثمان جدون نے کہا کہ بھارت کو غرور زدہ سوچ اوربےلگام رویے سے باہر نکل کر حقیقت کا سامنا کرنا ہوگا، بھارت کو خود احتسابی کا مظاہرہ کرتے ہوئے اپنا رویہ بدلنا چاہیے۔
لاہور سمیت پنجاب کے مختلف شہروں میں طوفانی بارش، نشیبی علاقے زیر آب
’وزیرِاعلیٰ نے فنڈ میں خیانت کی، وہ صادق و امین نہیں رہے‘: علی امین گنڈاپور کیخلاف مقدمے کی درخواست