محمد رضوان سب سے بہتر چوائس ، بھارت کے خلاف پر فارم کرنا ہو گا ، شاہد آفریدی
اشاعت کی تاریخ: 20th, February 2025 GMT
قومی ٹیم کے سابق کپتان شاہد آفریدی نے کہا ہے کہ میں نے بطور کپتان محمد رضوان کو بہت سپورٹ کیا، محمد رضوان سب سےبہتر چوائس ہے، ہمارے بڑے کھلاڑیوں کو بھارت کے خلاف پر فارم کرنا ہو گا، خود اعتمادی ہمیں بھارت کے خلاف جتوائے گی، کسی بھی کھلاڑی کو ہیرو بننا ہے تو بھارت کے خلاف پر فارم کرنا ہو گا۔
قومی کرکٹ ٹیم کے سابق کپتان شاہد خان آفریدی نے نجی ٹی وی سےگفتگو کرتے ہوئے کہا کہ تمام فاسٹ بولرز کواظہرمحمود کےساتھ پلان بناناہوگا، یارکر ہماری صلاحیت رہی ہے جو کہ نظر نہیں آرہی، خود اعتمادی ہمیں بھارت کے خلاف جتوائے گی، ہمارے بڑے کھلاڑیوں کو بھارت کے خلاف پر فارم کرنا ہو گا۔
انہوں نے کہا کہ ہماری ٹیم میں میچ ونر نہیں ہیں، پرفارم کرنا ہر کھلاڑی کی ذمہ داری ہوتی ہے، بابراعظم اور فخرزمان پر چھوڑ دینا کہ یہ جتوائیں گے،یہ غلط ہے، نیوزی لینڈ کے خلاف ہمارے بولرز نے اچھا اسٹارٹ دیا تھا، ہم نے نیوزی لینڈ کے خلاف 27 اوورز ڈاٹ کھیلے، ہماری ہٹنگ نہیں،سنگل ڈبل کا بھی مسئلہ ہے، نیوزی لینڈ کے خلاف خوشدل شاہ نے اچھی بیٹنگ کی۔
شاہد آفریدی نے کہا کہ بھارت کے خلاف بابراعظم اور امام الحق کو اوپننگ کرانی چاہیے، بابراعظم لمبی اننگز کھیل سکتا ہے،ماضی میں بھی کھیلی ہے، کسی بھی کھلاڑی کو ہیرو بننا ہے تو بھارت کے خلاف پر فارم کرنا ہو گا، بھارت کی فرسٹ کلاس کو 100سال ہوگئے،وہی نظام چل رہا ہے، ہمارے کرکٹ بورڈ کا نیا چیئرمین آتا ہے تو نظام بدل جاتا ہے، چہرے بدلنے سے ہمارا کرکٹ کانظام نہیں بدلناچاہیے، ڈیپارٹمنٹ کرکٹ کے نظام کو بھی چھیڑنے کی ضرورت نہیں تھی۔
ذریعہ: Daily Mumtaz
پڑھیں:
بھارت سے متعلق بیان جھوٹا ہے، میرے نام سے منسوب پوسٹ فیک ہے، شاہد آفریدی کی وضاحت
data-id="863a0a8" data-element_type="widget" data-widget_type="theme-post-content.default">
قومی کرکٹ ٹیم کے سابق کپتان شاہد خان آفریدی نے بھارت سے متعلق سوشل میڈیا پر زیر گردش ایک متنازع پوسٹ کی تردید کرتے ہوئے اسے بے بنیاد اور جعلی قرار دے دیا ہے۔
سوشل میڈیا پلیٹ فارمز پر آفریدی کے نام سے ایک تصویر اور پوسٹ تیزی سے وائرل ہو رہی تھی، جس میں مبینہ طور پر انہیں یہ کہتے ہوئے دکھایا گیا کہ “انڈیا کرکٹ، ٹیکنالوجی اور ہمت ہر چیز میں پاکستان سے 10 سال پیچھے ہے، حتیٰ کہ انہیں اپنا دشمن کہنا بھی توہین ہے۔”
پوسٹ دیکھنے کے لیے کلک کریں۔
تاہم شاہد آفریدی نے اس پوسٹ پر فوری ردعمل دیا اور اسے جھوٹا اور من گھڑت قرار دیا۔ انہوں نے اپنے ایکس (سابقہ ٹوئٹر) اکاؤنٹ پر مذکورہ پوسٹ کی تصویر شیئر کرتے ہوئے مختصر مگر دوٹوک انداز میں لکھا:
“یہ فیک ہے۔”
شاہد آفریدی سوشل میڈیا پر اکثر متحرک رہتے ہیں اور ملکی و بین الاقوامی معاملات پر اپنی رائے کا اظہار کرتے ہیں، تاہم انہوں نے واضح کیا کہ ان کے نام سے جھوٹی باتیں منسوب کرنا نہ صرف گمراہ کن ہے بلکہ غیر اخلاقی بھی ہے۔
واضح رہے کہ یہ پہلا موقع نہیں جب کسی معروف شخصیت کے نام سے من گھڑت بیانات سوشل میڈیا پر پھیلائے گئے ہوں۔ ماہرین کے مطابق ایسی جعلی پوسٹس سے بچنے کے لیے تصدیق شدہ ذرائع پر ہی بھروسہ کرنا چاہیے۔
کراچی، مختلف علاقوں میں دو مبینہ پولیس مقابلے، تین ملزمان گرفتار، اسلحہ و موٹر سائیکل برآمد