سندھ میں ڈاکو راج کو سرکاری سرپرستی حاصل ہے،اسد اللہ بھٹو
اشاعت کی تاریخ: 21st, February 2025 GMT
جیکب آباد: جماعت اسلامی کے سینئر رہنما اسداللہ بھٹو مقامی رکن محمد عمر سہاگ کی وفات پر تعزیت کے بعد دعائے مغفرت کررہے ہیںجیکب آباد: جماعت اسلامی کے سینئر رہنما اسداللہ بھٹو مقامی رکن محمد عمر سہاگ کی وفات پر تعزیت کے بعد دعائے مغفرت کررہے ہیں
جیکب آباد (نمائندہ جسارت)جماعت اسلامی کے سینئر رہنما سابق ایم این اے اسداللہ بھٹو نے کہا ہے کہ وینٹی لیٹر پر چلنے والی پی پی کی سندھ حکومت زیادہ دیر نہیں چل سکتی۔ بھٹو کے منشور کے برعکس اب یہ جمہوری نہیں بلکہ ظالم وڈیروں اورسرداروں کی پارٹی بن گئی ہے۔ سندھ میں بدامنی اور ڈاکو راج کو سندھ اسمبلی میں بیٹھے پیپلز پارٹی کے رہنماؤں کی مکمل حمایت حاصل ہے۔ سیاسی مخالفین کے خلاف انتقامی
کارروائیوں سے استحکام کے بجائے انتشار اور افراتفری پھیلنے کا خدشہ ہے۔ پولیس کو سیاسی مقاصد کے لیے استعمال کرتے ہوئے سینئر سیاستدان غلام مرتضیٰ جتوئی اور ڈاکو راج کے خاتمے کے لیے پر امن احتجاج کرنے والی جماعت اسلامی سندھ کے امیر کاشف سعید شیخ ودیگر رہنمائوں پر جھوٹا مقدمہ درج کر کے پی پی پی حکومت نے آمریت کے دور کو بھی پیچھے دھکیل دیا ہے۔ جماعت اسلامی پرامن اور آئینی جدوجہد پر یقین رکھتی ہے۔ امن کی بحالی اور ڈاکو راج کے خاتمے کے لیے جدوجہد جاری رہے گی۔ ان خیالات کا اظہار انہوں نے جیکب آباد کے مقامی رہنما محمد عمر سہاگ کی وفات کے بعد میڈیا سے گفتگو کرتے ہوئے کیا۔ اس موقع پر سندھ کے سیکرٹری اطلاعات مجاہد چنا، مقامی رہنما ہدایت اللہ رند، عبدالغنی پیرزادہ، مرحوم کے بیٹے شعیب احمد، زاہدحسین سہاگ اور داماد محمد یعقوب جکھرانی بھی موجود تھے۔
ذریعہ: Jasarat News
کلیدی لفظ: جماعت اسلامی ڈاکو راج
پڑھیں:
شہید غزہ خلیل احمد کھوکھر کا مشن جاری رہے گا‘ کاشف شیخ
data-id="863a0a8" data-element_type="widget" data-widget_type="theme-post-content.default">
کنری (جسارت نیوز )امیر جماعت اسلامی سندھ کاشف سعید شیخ نے کہاہے کہ شہید غزہ خلیل احمد کھوکھر کا اقامت دین کی جدوجہد اور انسانیت کی خدمت کا مشن جاری رہے گا۔ وہ جماعت اسلامی کے محنتی و مخلص رہنما تھے ان کی دعوتی و تنظیمی خدمات کو ہمیشہ یاد رکھا جائے گا۔ان خیالات کا اظہار انہوں نے عید گاہ روڈ کنری میں گزشتہ دنوں حادثے میں شہید ہونے والے جماعت اسلامی ضلع عمرکوٹ کے امیر خلیل احمد کھوکھر کی یاد میں منعقدہ تعزیتی جلسے سے خطاب کے دوران کیا۔ جلسے سے جماعت اسلامی سندھ کے نائب امیر پروفیسر نظام الدین میمن،جنرل سیکرٹری محمد
یوسف ، ڈپٹی جنرل سیکرٹری امداد اللہ بجارانی ، سہیل احمد شارق، مقامی امیر جاوید بھٹی اور کونسلر محمد طلحہٰ کھوکھر نے بھی خطاب کیاجبکہ شہر کی سیاسی سماجی شخصیات سمیت ضلع بھر سے کارکنان بڑی تعداد میں شریک تھے۔ امیر صوبہ نے کہاکہ کنری شہیدوں اور غازیوں کا شہر ہے، مرحوم نے اپنی پوری زندگی اقامت دین اور انسانیت کی خدمت کے لیے وقف کر رکھی تھی، ضلع بھر کے گاؤں گوٹھوں تک دین کی دعوت اور بلا تفریق عوام کی خدمت کی،ان کی دعوت اور نظریہ زندہ رہے گا۔ان شاء اللہ ان کے بھائی، بیٹے، بھتیجے اور کارکنان جماعت ان کے مشن کو جاری رکھیں گے۔ ان کی وفات نہ صرف کنری شہر ضلع عمرکوٹ بلکہ پوری تحریک کا نا قابل تلافی نقصان ہے۔دریں اثنا امیر صوبہ کاشف شیخ نے نبی سر تھر پہنچ کر حادثے میں زخمی رہنما قربان گشکوری کی عیادت، حادثے کا شکار اقلیتی کارکن کھبو بھیل کے لواحقین سے اظہارہمدردی کیا۔ امیر صوبہ نے اعجاز احمد ملک کو عبوری امیر ضلع عمرکوٹ مقرر کیا ہے جس نے مقامی مسجد میں منعقدہ کارکنان کے اجتماع میں اپنی ذمے داری کا حلف اٹھا کر کام شروع کردیا ہے۔
عمرکوٹ: امیر جماعت اسلامی سندھ کاشف سعید شیخ کنری میں شہید غزہ خلیل احمد کھوکھر کی یاد میں منعقدہ تعزیتی اجتماع سے خطاب کررہے ہیں
خاتون نے دوگنا ووٹوں سے شکست دی؛ وقاص اکرم کو جھوٹ بولنے پر شرم آنا چاہئے لیکن نہیں آئےگی