روزہ ، نماز اور قیام الیل جذبہ جہاد پیدا کرتا ہے، مفتی مولانا ولی محمد سہتو
اشاعت کی تاریخ: 23rd, February 2025 GMT
نواب شاہ : جماعت اسلامی کے رہنما مفتی مولانا ولی محمدسہتو استقبال رمضان کے اجتماع سے خطاب کررہے ہیں
نواب شاہ (نمائندہ جسارت )ممتاز عالم دین اور جماعت اسلامی ضلع مٹیاری کے رہنما مفتی مولانا ولی محمد سہتو نے کہا ہے کہ رمضان المبارک انقلاب کا مہینہ ہے جو روزہ، نماز اور قیام الیل کے ذریعے مسلمانوں میں جذبہ جہاد پیدا کرتا ہے وہ جماعت اسلامی نوابشاہ کی جانب سے ترازو چوک میں استقبال رمضان کے پروگرام سے خطاب کر رہے تھے جس میں بڑی تعداد میں لوگوں نے شرکت کی انہوں نے کہا کہ رمضان المبارک میں قبلہ اول بیت المقدس کو آزادی ملی ، سندھ باب الاسلام بنا، غزوہ بدر کا معرکہ درپیش آیا جس میں دشمن کے مقابلے میں قلیل تعداد میں ہونے کے باوجود مسلمانوں کو فتح ملی، پاکستان کو آزادی 27 رمضان المبارک کو ملی، قرآن کریم اور دیگر آسمانی کتابیں رمضان میں نازل ہوئی جبکہ اس ماہ مبارک کے آخری عشرے میں اللّٰہ تعالیٰ نے طاق راتوں میں ایک ایسی رات رکھی جس میں ایک رات کی عبادت کو ہزار مہینوں کی عبادت سے افضل قرار دیا گیا ہے جماعت اسلامی کے ضلعی نائب امیر سرور احمد قریشی اور نجف رضا نے لوگوں سے اپیل کی کہ وہ اپنی زندگیوں کو بدلنے کا عہد کریں ہم اسلامی تعلیمات سے انحراف کی وجہ سے مسائل کا شکار ہیں پاکستان نظام اسلام کے لیے قائم ہوا لیکن ہمارے حکمرانوں کی ہوس اقتدار اور غلط پالیسیوں کی وجہ سے غریب عوام کا جینا دوبھر کردیا گیا ہے اس کا واحد حل زمام کار صالح اور دیانتدار قیادت کو سونپی جائے جس کے لیے جماعت اسلامی حافظ نعیم الرحمن کی قیادت میں کوشاں ہے
.ذریعہ: Jasarat News
کلیدی لفظ: جماعت اسلامی
پڑھیں:
جماعت اسلامی کے تحت کراچی چلڈرن غزہ مارچ کل ہوگا
data-id="863a0a8" data-element_type="widget" data-widget_type="theme-post-content.default">
250917-01-18
کراچی(اسٹاف رپورٹر)جماعت اسلامی کے تحت کل بروز جمعرات 18ستمبر کو صبح 10بجے شاہراہ قائدین پر اسرائیل کی جارحیت و دہشت گردی کے خلاف اور اہل غزہ بالخصوص معصوم فلسطینی بچوں سے اظہار یکجہتی کے لیے ’’ کراچی چلڈرن غزہ مارچ ‘‘ کی تیاریاں عروج پر پہنچ گئی ہیں ۔ تمام اضلاع میں ہر سطح کے ذمے داران نجی و سرکاری اسکولوں میں رابطے کر رہے ہیں ۔ اسکولوں کے منتظمین اور پرنسپل حضرات سے ملاقاتیں کی جارہی ہیں اورا ن کو امیر جماعت اسلامی کراچی منعم ظفر خان کی جانب سے دعوت نامہ پیش کیا جا رہا ہے ۔ اسکولوں کی جانب سے ’’ کراچی چلڈرن غزہ مارچ ‘‘ کا بھر پور خیر مقدم اور یقین دہانی کرائی جارہی ہے کہ اسکولوں کے طلبہ اپنے اساتذہ کے ہمراہ بڑی تعداد میں شریک ہوں گے ۔ جماعت اسلامی کی جانب سے ’’ کراچی چلڈرن غزہ مارچ ‘‘ کے لیے بڑے پیمانے پر تیاریاں و انتظامات کیے جا رہے ہیں ، مارچ میں شہر بھر سے ہزاروں کی تعداد میں طلبہ و طالبات شریک ہوں گی ۔ علاوہ ازیں مختلف اسکولوں کی جانب سے بھی بچوں کو مارچ میں شرکت کے لیے تیار کیا جا رہا ہے اور اس حوالے سے اسکولوں کی اسمبلیوں میں بھی اساتذہ کرام کی جانب سے آگاہ کیا جا رہا ہے ،بچوں میں زبردست جوش و خروش موجود ہے اور کراچی کے بچے فلسطینی بچوں سے اظہار یکجہتی کے لیے مارچ میں شرکت کے لیے آمادہ اور تیار ہیں ۔ دریں اثنا جماعت اسلامی کراچی کے سیکرٹری توفیق الدین صدیقی نے ’’ کراچی چلڈرن غزہ مارچ ‘‘ کے منتظمین اور مختلف کمیٹیوں کے ذمے داران کو ہدایت کی ہے کہ مارچ میں کراچی کے ہزاروں بچوں کی شرکت کے پیش نظر اور مارچ کو بھر پور اور کامیاب بنانے کے لیے بڑے پیمانے پر انتظامات اور تیاریاں کی جائیں ۔ انہوں نے کہا کہ حماس اور فلسطین کے مسلمانوں کی جدو جہد اور قربانیاں مسجد اقصیٰ کی آزادی اور تحفظ کے لیے ہے ۔ 23ماہ سے غزہ لہو لہو ہے ، 65ہزار سے زاید فلسطینی شہید ، 22ہزار سے زاید معصوم بچے شہید ، مساجد ، اسپتال ، اسکول ، پناہ گزین کیمپ ‘ سب پر حملے ، عورتیں ، بوڑھے اور بچے ظلم کا نشانہ ، امریکی سرپرستی میں اسرائیل کی درندگی جاری ہے ، اسرائیل اسکولوں ، اسپتالوں اور رہائشی علاقوں میں بمباری کر رہا ہے اور امریکا ، برطانیہ سمیت دیگر مغربی ممالک اس کی حمایت کررہے ہیں ۔ عالم اسلام کے حکمران بھی عملاً کچھ کرنے پر تیار نہیں ہیں لیکن عوام فلسطینی مسلمانوں کے ساتھ ہیں اور ان کے لیے ہر طرح کی قربانی دینے کو تیار ہیں ۔ کراچی کے بچے کل 18ستمبرکو ’’ کراچی چلڈرن غزہ مارچ ‘‘میں ہزاروں کی تعداد میں شریک ہو کر فلسطینی بچوں سے اظہار یکجہتی کریں گے ۔
یادگار آپریشن سومنات میں پاک بحریہ نےبھارتی مواصلاتی نظام تباہ کیاتھا، وزیراعظم کایوم بحریہ پر پیغام